عـقـيـق الـدُجـى

-الـبـارت الـثـانـي

في وسَط الحِطام
أيادَي ترتَجف
خُطوات تائِهه تبحَث عن مأوى
وَردتان
ذَابِلتان
تستَند كلاهُما ببعض
تبحَث كُل منهُما عن حنان العائله
لتندرج وتنطلق تلك الشفاه بقول ..

هلي ليا ديره عفتونه ومشيتو ؟
هلي بخلافكم ثگلانه الوجوه
دريتو بحالنه لو ما دريتو
عفتونه بوسط الذياب وردات
وموش احنه البنات الحيل حلوات

هلي السكتات تكتل والحجي هواي
يمن بفراگكم سم نجرع الماي
صرنه تراب وانتم ما اجيتو .
ــــــــــــــــــــــــــــــــــــ☆
بـليـوم الثـاني حسيت على دجـى ماكو رئساً كمزت من السرير و صيحت :
- دجـــــى وينـــــچ .؟
تنفست براحى من اجاني صوتها من المطبخ بس جان صوتها مخنوك :
- عـقيق اني هنا
رحت عليها وكلت :
- ليش هيچي صوتچ مخنوك .؟
كامت تحجي بصوت مخنوك و باوعت علية و كالت :
-عق
رجعت اخذت نفس و كالت بصوت مخنوك :
-شتاقيت لبابا و ماما
حظنتها و كمت ابچي كتلها راحو يم الله هذا المكان خير الهم
باوعتلي و كالت :
- ما ردت اذكرج بلموضوع بس حيل مختنكة
ابتسمت بوجها مجاملة و حظنتها و كلت :
-اني اختج اي شي بداخلج و تردي تحجي الي احچي
باوعتلي و ابتسمت ابتسامة خفيفة و كالت :
- جوعانة
باوعت عليها بحيرة و كتلها :
-هسة اشوف شنو اكو اكل و اسوي الي و الج
فتحت الثلاچة و تغيرت ملامحي الى تعابير صدمة چان اكو اكل بس هذا اكل يكفي يومين اجت دجى و كالت :
-عـقيق اكو شي
كعدت على ميز الطعام و حطيت ايدي على رأسي و كلت :
_-شلون الاكل حـ
بعدني ما مخلصة و كالت :
- يعني الاكل حيخلص احنى شلون ندبر وضعنى
- الاكل حيكفية هل يومين
كعدت كدامي و كالت :
- عـقيق الاكل يكفي هل يومين بس شلون نعيش باقي حياتنة نحتاج هوااي مصاريف
باوعت عليها و كلت : ميخالف اني راح اشتغل
هي بسرعة كامت و كالت :
- لاااا عقيق ما اقبل
باوعت عليها و ابتسمت بتعب و كلت :
- اني راح اطلع اشتغل وانتي اكعدي بلبيت اهتمي بدراستج وهاا عليج ترتيب البيت واني علية الشغل
باوعت عليه بحيرة و كالت :
-متأكده
باوعت عليها و كلت :
-اي متأكده
باوعت علية و كالت :
-عقيق يله خلي نسوي اكل
كمت باوعت على الساعة و شهكت :
-الساعة 12:30 خلي نسوي غده مو وقت نسوي ريوك
باوعت علية و كالت :
- يله لعد اني حسوي الاكل وانتِ سوي سلاطه
-تمام
كمنة اني وياها هية بلشت تسوي الأكل واني سويت السلاطه وكعدت انتضرها اجت كعدت يمي وكالت
-اممم عقيق
-همم
-شرأيج افتح حساب ع الأنستا واسوي كيك وابيع
-ومنين نجيب المواد؟
-موو انتِ حتشتغلين ونشتري
-زين يراد مندوب
-نشوف ام جاسم بلكت ابنها يقبل يشتغل
-تمام
-كامت جابت الأكل و حطته على الميز كملنة اكل و اجيت اريد اغسل المواعين وكفتني دجى و كالت :
- عقيق اني اغسلهم
باوعت عليها و كلت :
-تمام لعد اني حروح اجهز ملابسي حتى اطلع ادور على شغل
باوعت عليه بحيرة و كالت :
-اطلع اني ادور بمكانج
باوعت عليها وكلت :
- لا دجى مثل ما اتفقنى
باوعت عليه و هي مو مقتنعة و كالت :
- تمام
صعدت فوك و حظرت ملابس كعدت بلزاوية اذكر ذكرياتنة و ابچي ليش اني من بين الكل ليش هسة شلون نعيش اني و دجى بدون ما نشوف ماما بدون ما نحضن بابا شلون ضليت ابچي و اذكر ذكرياتنة ذكرياتنة الي صار اسمها
" ذكريات " بعد ما نعيشها بدون ما حسيت على نفسي و سواد داهم عيوني
حسيت تقريباً الساعة 4:00 كمت على السريع بدلت و نزلت جوة لكيت دجى نايمة على جرباية ماما و بابا و وجهة مغيب بي الحزن دزيت رساله على تلفونها
كلت بيها :
_دجى اني هسة حطلع ادور على شغل
طلعت واول شي رحت عليه المول لان هواي اكو اماكن ترهم اشتغل بيها بلمول اني و دا امشي شفت محل للمكياج لفت انتباهي ديكوره كبيت عليه و كلت :
_سلام عليكم
ردت البنت الموجودة :
_وعليكم السلام اهلاً حبيبتي
ابسمت مجاملة وباوعت عليها وكلت :
_عمري متوفر عدكم شغل
باوعت عليه البنت و كالت وهي منحرجة
-لا حبيبي اعتذر ما عدنة
باوعت عليها و ابتسمت بخيبة و كلت :
_ لا عادي
طلعت من المحل ورحت على كم محل وهم ما عدهم شغل لحد ما وصلت على مكتبة لبيع ادوات الرسم دخلت عليها و كلت
_ سلام عليكم متوفر شغل ؟
باوع علية الولد من فوك الى جوة و كال بنبرة نتر :
_ اعتذر احنى ما نشغل هيجي شكولات
باوعت عليه و كلت :
_ احتررم نفسك
باوع عليه و كال :
_ تفضلي طلعي برة
باوعت علية و كلت :
_ ما يشرفني اشغل بمكان بي ناس ريحة الزبالة اطيب من ريحتهم وطلعت
:- جـاي امشـي بكُل سـرعتي انـصدمت بـشخـص طـويل وجـهي صـار عَـلى صـدره