عـقـيـق الـدُجـى

-الـبـارت الـخـامـس عـشـر

هــل تعـي كـَمْ الأمـر مـتعـبًا
حـيـنـما تـود أن تتنفس لكـن!
تـخـتنـق مـِـنْ ضـيق الـمـكان،
꒱ ⑅♡‌ ׄ ݂─ׄ┄݂┄ׄ┄݂┄ׄ┄݂┄ׄ┄݂─⑅♡‌ ׄ ݂ ꒰

فتح عيونه ولزم ايدي سحبت السجين وكع بالكاع لازم بطنه

دفرته برجلي تمدد وغمض عيونه

كعدت يمه واني اضحك

اضحك بهستريه واني اشوف شكله والدم البيدي

رجعت طعنته وعفت السجين وكمت طلعت واني اركض

اركض واني حافيه والدم بيدي

ما اعرف شسوي وين اروح ماكوو لا ناس ولا سيارات

بقيت اركض بشارع اروح هيج واجي هيج

شفت تكسي وكفتها واني اتوسله

- الله عليك وصلني للـ****

شاف الدم بيدي وكال

- اعتذر ما اكدر

- الله عليك

بقه حاير ويباوع عليَ

- يلا اصعدي

صعدت والسايق يسوق ومبين متوتر وممرتاح

وصلني براس الفرع ونزلت اركض وكفت باب البيت ودكيت الجرس بقيت ادك بالجرس وبالباب وماكوو متطلع دجى

وكعت بالكاع واني ابجي واباوع على أيدي

- وينها وينها وين راحت

كمت امشي وحيلي مهدود رحت البيت أم جاسم

دكيت الباب وطلع جاسم يفرك بعيونه مبين هستوه كاعد

شافني وفتح عيونه

- شنو هذا البيدج

- وين امك

بلع ريگه ودخل بدون لا يحجي صاح الأمه واجت أمه تركض تلف بشيلتها
شافتني

- يمممه عقيق وين جنتي ،و شنو هذا الدم البيدج

- خ خاله ماتعرفين وينها وين دجى
- ايي يمه راحت البيت عمج

- من منو منو منهم
- صفوان

فتحت عيوني بخوف واني ارجف

- تعاي ادخلي هسه اخابرها

دخلت وكفتني وفتحت المي غسلت ودخلت جوه كعدت وجابت مي وجاسم واكف يراقب

شربت واني روحي رايحه وارجف جابت مبايلها وكالت الجاسم

- هاك يمه خابرلي على دجى

اخذه منها واتصل مردت بقه يحاول يتصل طولت يلا ردت