تراتـيل الـمـوت
الكاتبة : رحاب صدام
(بسم الله الرحمن الرحيم )
لاتنسوو التصويت +التعليق بين الفقرات
مشاهدة ممتعة قلبوشاتي 🙊💋🔥
_________________________________________
زينة
- اسمي زينة وعمري 18 الوحيدة الأهلي للٱسف ماعندي خوات عندي اخ واحد اكبر مني عسڪري ابوي متوفي من جان عمري سنة بابا وحيد اهله وماما كذالك يعني ماعندي لا خوال ولا عمام امي جانت تتهمني بموتت بابا تكلي بسببج مات وكله من وراج وانتِ فڪر جنت اسمع حجيها وابلع غصتي وبكل مره تكلي انتِ غلطة وماردتج اصيرين تضربني بدون سبب وتهيني ڪدام الكل وتعيب علي وتخليهم يضحكون علي واني بس ابجي صارت تدور حجج علمود تضربني جان يدافع عني اخوي حاتم ويڪلب الدنيا اذا ضربتني ويجي علي ويكلي
حاتم : بنيتي لاتزعلين اني معاج اذا كل الدنيا تصير ضدج اني معاج اني اخوج وأبوج وصديقج انتِ بنتي وحبيبتي
زينة: حضنتة وصرت ابجي على حنيتة
صارت تضربني من هوه يڪون مموجود بالبيت وحاولت تبطلني من المدرسة بس حاتم وڪف بوجها بكل مره جانت تكلي انتِ غلطة وماردتج تصيرين بس صرتي وتدعي علي وتفشر علي واني بس اسد اذاني وابجي
صرت منعزلة وكرهت كل الناس وصرت احس نفسي منبوذة ومحد يحبني احس اذا اطلع كلها تضحك علي مع انو اني مابيه شي وشڪلي كلش حلوو ومابي شي بس صرت اخاف
يومية تنعاد نفس المعاناة صار علي ضغوطات نفسية وضغوطات جسدية صرت اتمنى لو عندي اخت اكبر مني اخت تصيرلي سند من ابجي اجي عليها وتلمني بحضنها و تعلمني الصح من الغلط بدون ضرب
بالوكت الجنت محتاجة احد يمسعني جنت وحدي جنت انام ودموعي يجرن والشهڪة مچلبة بصدري
المخدة الوحيدة الشاهدة حزنا ومسحت دموعنا
ماجان عندي صديقات ابد جنت من اروح ع مدرسة يعيبن علي ومرات حتى يضربني واني اسكت لان اخاف من المشاكل ويتهمني باطل واني اسكت
لحدما مرة جنت ڪلش تعبانة بس جان عندي امتحان ولازم اداوم وداومت وزعت الأسئلة المُدرسة وأني أخذت اسئلتي جانت اسئلة سهلة فرحت لأن كل دراستي مراحت على فاضي اسمع الطالبات يڪولن صعبة بس اني اشوفها سهلة لان درست زيين جاي احل بالٱسئلة وڪامت لارا من مڪانها وحچت
لارا: ست زينة غشت بعيني شفتها خلت القصاصة بالجنطة مالتها
زينة: انصدمت من ڪلامها ڪمت على حيلي وصرت ابجي وأحجي
-ست والله تجذب ما غشيت بعمري وهاج جنطتي فتشيها وشوفي مراح تلڪين شي
المُدرسة: اششش ثنينجن ما اسمع صوتجن وانتِ جيبي الجنطة وتعاي بسرعة
