تـراتـيـل الـمـوت
الكاتبة: رحـاب صـدام
(بسم الله الرحمن الرحيم)
لاتنسون التصويت+ التعليق بين الفقرات
مشاهدة ممتعة
_________________________________________
"نار"
كعدت الصبح وأني كل جسمي متكسر مطيت جسمي وگمت
دحكت لكيت زينه نايمه بسدي دغيتها بچتفها وحچيت
- زينه هيووو ولج زينه كعدي الساعه 7:00
زينة:- امممم انطمي اريد اناام
نار:- ولجج عندج دواام لو لا؟
زينة:- لاا ما عندي اليوم
نار:- همداجج ايي والله يعني بس اني اروح ع شغل موو وانتن تضلن نايمات؟
زينة:- ايي مع الأسف وديلا لا تزعجيني اريد انام البارحه ما نمت بسبب العشاااق
نار:- ادبسزز ولج منو العشاااق
زينة:- فدد ناسس يعرفون نفسهم
نار:- دحكتلها بطرف عيني ودفرتها وگمت راح الوكت ع شغل اذا نضل نتعارك يعني اليوم ما اداوم
گمت من مكاني ودخلت ع حمام سبحت وفرشت اسناني وطلعت
فتحت الكنتور طلعت كيلوت عريض اسود وبدي ابيض وبي اسود طلعت طاگيه وياهن سوده وبدلت ع سريع شلت الموبايل وطلعت أجرت تكسي ورحت ع شغل
- الطريق كلو ضليت صافنه وادحك من الجام ومشغل السايق اذكار الصباح راحه نفسيه تنفست بأرتياح احس اليوم مرتاحه مو مثل كل مره ماعرف ليش
وصلني يم باب المطعم ونزلت من السيارة انطيتو الأجره ودخلت ع مطعم
شافتني مرام نشتغل اني وياها سوه أجت علي وحچت ع سريع
مرام :- ولج. ناار اليوم يا نلحگ يا ما نلحگ
نار:- خير خير ولج شصاير الواحد يگول صباح الخير يسلم شي
مرام:- دبااع هاي تدور سلامات ولج غير جايين زباائن اليوم ع غده وحاجزين ل 10 نفرات ولازم نبدي من هسة نحضر وهذا ابو المطعم بس يجعر من الصبح وانتِ تأخرتي اليوم تنحط الرزاله بيج
نار:- شجاج يولي اخذي نفس شكد گرگتي اويي وبعدين شبيها هاذي محاسن تجعر من الصبح خاف ما حاطيلها اچل شي؟
مرام:- ههههههههههههه عزاااا لو يسمعج محسن
محسن يا محاسن لا بس يصيح بالزبائن ويريد كلشي توب وما ناقص شي لا من ناحية الضيافه ولا من ناحية النضافه
نار:- سهلة هاي خوش أمشي نبدي لا من صدك نترزل هسه
بعدنه هستونه دانمشي وأجه المدير وچرشو تسحل عدلنه وگفتنه عسريع وهوه حچه
