مـلف سـري
آلحلقة آلثآنية
بقلمـ
mondaaltomy ❤️
قرآءة مـمـتعة
_____________
الصبح الساعة 8
نورية: تي نوضي الهم.
خيال ناضت و شعرها مطنش: خليني نرقد يرحم والديك
نورية: شن قلتلك اني ارقدي كويس زي العرب شن النومه اهيا رجليك مرقيتهم ع الحيط
خيال: نعدلوا ف الدم
نورية ضربتها ع راسها: نوضي بلا تسهويك راه عندنا طلبية اليوم ضروري نسلموها.
خيال: شن الصنف
نورية: مقروض 🙂
خيال: اففف يعليك نهار مغبر الهم توه تشوفي كان قبلوني والله معادش نخليك تمسي الخدمة اهيا مرة اخرى
نورية: هههه ان شاء الله هيا نوضي نرجا فيك.
خيال: باهي
ناضت غسلت و فطرت
______
نورية ضربتها ع يدها: ياخرااا مش هكي
خيال: افففف يا ماما امالا كيف
نورية: قداش لينا نديروا ف المقروض و مزالت متعلمتيش
خيال: عارفتني نكرها اني
نورية: توه نديره بروحي بري ديري دورة ع البنت
خيال: و حياتك يا نبع الحنان مش حتقعدي زعلانة اهوا حندير معاك
نورية حذفت عليها الشبشب: تي بري نظفي البيت و اخطيني
خيال: تي توه كنت نقولك نبع الحنان و ندلع فيك و في النهاية هذي جزاتي
نورية: وربي نوضلك راه كان مامشيتيش
خيال: انبصروا الزح وانتي ع فوق
نورية بعياط : شنووو
خيال: شي شي قلت كنها المكنسة قعده ع فوق
نورية : اهااا 🙂
_________________
في مكان ثاني
وليد: هااا شن ياعمي نقبلوها
محمد: تمام اقبلها قوللها من بكره تبدا
وليد: تمام هيا نستاذن و طلع
كريم ( خوه) : تي كنك انتا علاش قبلتها
محمد: عادي تنفعنا وانتم خلوا عيونكم عليها منبيش اي سر في الشركة يطلع و بدات الملف
كريم: اكيد لا
محمد: خلاص اكيد بعد هذي المدة االطويلة متدريش من نحنا
كريم : ههههه وانتا شن دراك مرات جايه ع شان تنتقم
محمد: لالا اكيد لا كان تبي تنتقم راهي ليها هلبا جت مش بعد 20 سنه راه هلبا
كريم: اي صح كلامك لاكن مشعارفة علاش حاسس انها بتفضحنا
محمد: معندها كيف تفضح انتم كان درقتوا الملف كويس و حطيتوا عيونكم عليها مش حيصير شي
كريم: ان شاء الله
_______________
ف الليل
ترن ترن
خيال شافاته: زعما من مبنردش اكيد غالط و قعدت تحضر ف المسلسل ع اليوتيوب و عاود الاتصال مرة ثانية افففف شن هذيما العرب ميخلوش الواحد ف حالة وردت و قعدت ساكتة
وليد: السلام عليكم معاي خيال
خيال: و عليكم السلام اي تفضل
وليد: اني وليد حبيت نقولك فيك تباشري العمل من بكرا
خيال بصدمة : كيفف
وليد: بكرا تعالى ع الساعة 7 و ان شاء الله حنتفاهموا و نعطيك هلبا قوانين عندنا
خيال: تمام ان شاء الله
وليد: هيا معسلامة
خيال : باييي
وسكرواا
خيال قعدت تنقز ع السرير حي واخيراا قبلوني الحمد لله و مشت تجري لامها ماما ماما
نورية : كنك تعيطي
خيال: قبلوني يا ماما قبلوني
نورية: حي الحمد لله و ضمتها
خيال: الفرحة شن نديرلها تجيني والله نطيرلها 💃💃و قعدت ترقص
نورية : هههه😂😂بطلي يا مهبولة و بري شوفي شن بتلبسي
خيال: اي اي صح كلامك و مشت جري
نورية تشوفلها: ان شاء الله ديما فرحانة يارب و طبست تكمل ف شغلها
________
ف الدار
خيال: افففف زعما نلبس هذي والله هذي و بدت تقيس لالا خلي نلبس البدلة الرسمية الكحلة ع شان يقولوا شخصيتها قوية 😂😂ياييي نجيني و خلاص افكاري سمحة بكل ونقزت ع السرير 😂
______
الصبح الساعة 7:00
خيال واقفة قدام الشركة واككك زي يلي جيت بكري هلبا توه معقولة بنخدم ف الشركة السمحة اهيا محلاه الشعور واككك و خشت
طق طق طق
: استاذ خيال جت
وليد: تمام دخليها
: تمامم
خيال: السلام عليكم
وليد: و عليكم السلام تفضلي
خيال: شكرا و قعمزت
وليد: القوانين هنايا متدخليش فحد اي شي تسمعيه ديري روحك كانك ماسمعتيش
خيال باستغراب: شن اني خاشة ف عصابة ومانندريش
وليد: هههه تعرفي انا خيالك واسع هلبا
خيال: اهااا نعرف
وليد: المهم منبيش اي سر ف الشركو يطلع هكي والله هكي
خيال: ان شاء الله خير
وليد: تفضلي هذي دفعة مقدمة و حط ظرف ع الطاولة
خيال : ياييي ع الكرم 😂😂
وليد: هههه هيا تعالي المدير يبي يتعرف عليك
خيال: و نتعرفوا شن خاسرين
وليد: نتمنى انك تنقصي من كلامك الكدير ميحبش الجو اهوا
خيال: تعالوا اقطعوه لساني و خلاص
وليد: اففف ياربي يصبرني
طق طق
محمد: تفضل
وليد: جبتلك البنت لجديدة
محمد: به دخلها
وليد: تعالي
و خشت خيال و هيا مواطية راسها: السلام عليكم
محمد: و عليكم السلام تفضلي
خشت و قعمزت
محمد: اكيد وليد دوالك ع كل شي
خيال: اي حكالي
محمد: تمام انتي حتشتغلي عندي
خيال رفعت راسها و نصدمت: سبحان الله
محمد باستغراب: كيف
خيال بصدمة: تشبه بابا هلبا
محمد بارتباك: هههه معقوله
خيال: سبحان الله تشبهه هلبا كان هو
محمد: امالا بوك وين
خيال: بتوفي من لما اني صغيرة
محمد: الله يرحمه المهم زي ماقلتلك حتبدي الخدمة من توه لو تحبي
خيال : تمام
محمد: فيك تتفضلي وليد كلم امينة خليها تعلمها ع الشغل
وليد: تمام
و طلعوا
محمد: اففف حسيت روحي قريب نكشفت
طق طق
محمد: تفضل
كريم: شن هذي خيال
محمد: اهاا هذي تعرف شن قالتلي
كريم: شنو
محمد: قالتلي تشبه بابا هلبا
كريم: اني قلتلك ماتقبلهاش بس انتا مسكر راسك
محمد: باذن الله مش حننفضحوا
كريم: ان شاء الله
__________
الله يرحم جميع موتانا و يشفي جرحانا يارب
ان العين لتدمع وان القلب ليحزن وان ع حالك يا درنة لمحزونون الله اجرنا ف مصيبتنا 💔
.
.
يجي يوم وترجع مناطقنا عامرة و خضرة ويلي صار حيقعد ف القلب و في الذكرى و باذن الله تعودي يا درنة غصبا ع يلي يبي يقهرنا
_____
نتلاقوا ف الحلقة الثالثة
ВИ ЧИТАЄТЕ
ملف سري
Сучасна прозаعآئلة مـعروفة بصـيتهہآ يلي وآصـل لآخر آلمـدينة و آلگل يخآف مـنهمـ لآنهہمـ مـعرفين مـتع قول و فعل بسـ آلنآسـ يلي مـزآلت مـشـ فآهمـآتهہ گيف وصـلوآ للمـگآنة آهيآ و مـن جآبوآ گل هہذي آلآمـوآل و غيرهآ و آلقصـة آلآغرب في آلمـوضـوع آهہوآ خوهمـ گيف توفى و ي...