ملف سري

آلحلقة آلثآلثة

مـلف سـري
آلحلقة آلثآلثة
بقلمـ
mondaaltomy ❤️
_____________
طق طق طق
نورية:  اهوا جاية و فتحت
خيال:  سنة ي ماما الشمس حرقتني لبرا
نورية:  مفتاحك وين
خيال:  شورى نسيته طلعت بسرعة بسرعة
نورية:  باهي برى غيري ملابسك و تعالى نبيك
خيال:  باهي تمامم
و مشت
_____
: تعرفي ي ماما اليوم شفت مدير الشركة
نورية: باهي كويس
خيال شافتلها:  المشكلة مش اهنى
نورية:  كيف
خيال:  تعرفي المدير يشبه هلبا بابا تقول هو
نورية:  معقولة 😳
خيال:  اي والله حتى اني نصدمت بس يلا زي مايقولوا يخلق من الشبه اربعين
نورية: اي صح شن اسمه هو
خيال:  محمد ......
نورية تغيروا ملامحه وجها:  متاكدة
خيال:  اي كنك امالا هكي تلبكتي
نورية:  لالا شي
خيال ماقتنعتش : اهااا به نمشي نكمل شغلي و طلعت
نورية:  تمام بري
خيال و هي تمشي ف الممر متجهه لحجرتها ف سرها اففف مشعارفة علاش حاسه انا ف سر ف الموضوع بكرى استاذ محمد تلبك لما قلتله يشبه بابا و توه ماما نفس الشي و التشابه ف الاسماء يعني معقولة صدفة ووصل لحجرتها و قعمزت ع السرير ورقت رجليها ع الحيط افففف مشعارفة ف موضوع مخبى ولازم نحاول نكشفه 🙂حسيت روحي محققة و عايشة الدور لاكن يلا خلى نجرب نعيشة
: خيال خيال
خيال:  نعم
نورية فتحت الباب:  اسمعي
خيال:  نعم
نورية شافتلها:  شن قلت اني ع هذي القعدة
خيال:  خليني ي ماما نعدل دمي 🙂🙂
نورية:  لااله الا الله
خيال:  محمد رسول الله
نورية:  المهم بعتالي بتجينا عمتك حاكمة
خيال:  ان شاء الله خير كنها جاية
نورية:  مكسدة و بتهدرز
خيال:  جايه تقصص نعرفها اني القصقاصة اهيا اسمعي كلا اني منيش طالعتلها ماتحشمينيش و تقعدي تنادي فيا عارفتني مانقبلهاش ايوا مدخلنيش فيك نبهتك
نورية:  اففف كلامك واجد باهي به و طلعت
خيال:  افففف لنقنه مهوش وقتها توه بتقعد تسال ف اسالتها الغبية الهم
______
ف العشية
: الحمد للهه سلمك كيف حالك انتي والعويل
حاكمة:  الحمد لله كلهم كويسين وين معادش تنشدي
نورية:  والله لنقنه مش فاضية بكل
حاكمة قعدت تبحت يمين و يسار :  اي والله عندك الحق امالا وين خيال
نورية:  راقدة قالت تعبانة
حاكمة:  اممممم عادي نوضيها عاد لينا هلبا عليها
نورية:  تمام و ناضت خشت ع خيال لقتها ع التلفون : تي نوضي لمرى تسأل عليك
خيال طفت تلفونها وربعت يديها : به و شن تبيني نديرلها
نورية:  سلمي عليها و خشي لدارك بس
خيال:  و حياتك ي ماما اني من بكرى  شن نحفظ فيك
نورية:  حرام عليك لمرى من بكري تسأل عليك بري سلمي و خشي لدارك
خيال:  باهي به
نورية:  سلمها و طلعت
خيال:  اففف ميخلوش حد ع راحته الهم شن هذا و لبست شبشبها و طلعت
السلام عليكم
حاكمة بابتسامه:  و عليكم السلام عاش من شافك
خيال:  تعيشي و سلوا ع بعض
حاكمة:  قلت اكيد هذي شكلها تزوجت و ماندروش ع العرس
خيال ف سرها:  افففف اهيا بدت تلوح ف الدوة بعدها قالت اهوا قعدة غر مش فاضية
حاكمة:  امممم باهي كويس شن مفيشي حد هكي ولا هكي
خيال:  والله مفيش لا هكي ولا هكي
حاكمة:  باهي ان شاء الله يارب يبعتلك ولد الحلال يلي يصونك و يخاف ربي فيك
خيال بابتسامه:  امين
حاكمة:  لاكن لنقنه مستغربة
خيال:  علاش
حاكمة:  غريبة هذا كله الزين يلي فيك و مفيش حد تقدم
خيال : والله اني هكي مرتاحة
حاكمة:  امم حتى كان لمرى ماليها غير حوش راجلها
خيال:  واني مستحيل نسيب امي و هيا نستاذن و طلعت و خشت للمطبخ و هيا تخبط و متعصبة تي يعليك هم احرف ضروري تجيب سيرة الزواج مشعارفة كيف ماما متحملتها الهم استغفر الله و خلاص
___
حاكمة:  كنها بنتك امالا راقيتلها
نورية:  لالا غير كانت راقدة و نوضتها وانتي تعرفيها ماتحبش حد ينوضها
حاكمة:  اهااا اي صح كلامك
و كملوها هدرزة و نورية تجامل فيها و خلاص و هدرزتها كلها كنك ماديريش و كنها بنتك هكي و كنك ماتشريش و غيرها.
________
في هذه الرحلة الطويله من الحياة ستواجهُ الكثير من الأقنعة والقليل من الوجوهُ.❤️
𝑰𝒏 𝒕𝒉𝒊𝒔 𝒍𝒐𝒏𝒈 𝒋𝒐𝒖𝒓𝒏𝒆𝒚 𝒐𝒇 𝒍𝒊𝒇𝒆 𝒚𝒐𝒖 𝒘𝒊𝒍𝒍 𝒇𝒂𝒄𝒆 𝒂 𝒍𝒐𝒕 𝒐𝒇 𝒎𝒂𝒔𝒌𝒔 𝒂𝒏𝒅 𝒂 𝒇𝒆𝒘 𝒇𝒂𝒄𝒆𝒔.❤️
_______
الصبح الساعة 7:30
خيال قعدة ف مكتبها و تراجع ف الملفات يلي مفروض اليوم تسلمهم
: السلام عليكم
خيال:  و عليكم السلام استاذ
محمد:  تعالى
خيال:  تمام
محمد خش لمكتبه و قعمز ع الكرسي : اي شن صار
خيال تشوفله : الاجتمام متع شركة ..... بكرا ع الساعة 9 تقريبا اليوم كلمونا و ردوا علينا و هذي الملفات يلي طلبت مني انراجعهم
محمد:  ماشاء الله شورك شاطرة و ناشطة فيك تستأذني
خيال و هي تشوفله وواقفة في مكانها
محمد شافلها و مستغرب:  كنك في شي اخرى
خيال:  لالا غير تشبه بابا هلبا وانتا تتكلم
محمد بتلبك:  اهااااا فيك ترجعي لشغلك
خيال : تمام استاذ و طلعت
محمد حط يديه ع راسه:  واكككك هذي كنها كأن تعرف ع الموضوع و خبط يده ع الطاولة بعصبية الهم ضروري ندير حل للموضوع هذا.
______
خيال ف مكتبها:  تي اني متاكدة ان في موضوع بين ماما و الاستاذ تي ثاني مرة يتلبك وربي وراكم وراكم لي نكشفكم و نعرف سركم.
و كملت شغلها وروحت مع الساعة اثنين و عقلها ياخذ و يجيب ف الافكار
______
قـ♥ـرآءة مـ♥ـمـ♥ـتـ♥ـعـ♥ـة
رايكم ف الحلقة