حياة بعد التحديث (كامله) لـ خديجة السيد الجزء 2 من "روايه بدون ضمان"

الفصل الثالث "الجزء" (1)

فصل بتاريخ : 17/9/2023

#روايه_حياة_بعد التحديث الجزء الثاني
من روايه "بدون ضمان"

⁦✍️⁩#بقلم_خديجه_السيد

الفصل الثالث
_________________

في منزل عابد، دلفت خيرية غرفه ابنتها فريدة تطلعت حولها بنظرات حسره وألم وهي تجدها فارغه، قبل أن تتحرك وتبدأ تبحث هنا وهناك لعلها تجد اي شيء يساعدها على العثور عن ابنتها، في البدايه لم تجد حتى بدأت أن تفقد الأمل وتخرج لكنها لاحظت ذلك الدفتر الصغير أمامها فاقتربت تفتحه لتري بداخله بعض أرقام زملائها بالعمل والدراسة، التمعت عيناها بدموع الفرح وظلت تبحث عن رقم شخص معين حتى وجدتها و سريعاً اتصلت عليها من هاتفها، وردت متسائلة بقلب منقبض

= السلام عليكم مش ده تليفون سماح رفعت الممرضه

استغربت سماح من ذلك الاتصال المجهول و من تلك السيدة التي تعرف هويتها، ثم هتفت بصوت جـــاد

= عليكم السلام ايوه أنا، مين معايا

كفكفت عبراتها قائلة بصوت مبحوح

= انا خيريه والده فريده زميلتك اللي كانت معاكي بالمستشفى، انتم كنتم صحاب أوي انتٍ وفريده زمان و كنتي بتيجي ياما تزوريها عندنا في البيت .. افتكرتيني؟

ردت عليها بتلعثم واضح وهي تبتلع ريقها بتوتر

= هاه آه افتكرتك ازيك يا طنط خيريه عامله ايه واخبار استاذ عابد وبنتك ريهام، كلكم كويسين

تنهدت بقوه ثم قالت بحزن شديد

= سالتي عليهم كلهم ما عدا فريده معنى كده انك تعرفي عنها حاجه زي ما انا اتوقعت مش كده؟ رد عليا وطمنيني يا سماح ابوس ايدك انتٍ مش متصوره حالتي عامله ازاي من بعد ما هي مشيت وسابتنا.

تنحنحت قائله بتردد، وتجنبت الكلام من فمها لكي لا تهرب منها كلمة خاطئة حتى لا ينكشف أمرها، وأنها تعرف بالفعل مكان ابنتها، فكانت فريدة قد حذرتها بشدة أن تخبر أحدا بمكانها.

= لا حضرتك فهمتي غلط، انا ما اعرفش عنها حاجه وكنت لسه هسالك عليها كمان.

تهدل كتفيها بانكسار كبير وهي تقول بنبرة مختنقة

= لا انا قلبي حاسس انك تعرفي عنها حاجه، انا سالت كل اصحابها و دورت فكل حته ممكن تكون موجوده فيها وما لقيناهاش الا انتٍ افتكرتك الصبح وانا بدور في حاجتها وشفت نمره تليفونك موجوده في النوته بتاعتها فاتصلت بيكي على طول وانا حاسه انك تعرفي مكانها، ما تكدبيش عليا يا بنتي ده انتٍ الأمل الوحيد اللي فاضل لي عشان اعرف طريقها

توترت سماح بشدة من نبرة صوتها الحزينة ولم تستطيع الرد بمواسية حتي، فلم تتوقع أن تتصل بها وتسالها عن فريدة؟ وتكون كذلك معها عاجزه عن الرد وهي تجدها بتلك الحالة.