love like the galaxy { myanmar translation } (Unicode & Zawgyi

အခန်း 42-1

အခန်း ( ၄၂ ) အပိုင်း ၁

အမှတ်ရဖွယ် လေထုအခြေအနေလေးက သမားတော်၏ အော်သံနှင့်အတူ ပြိုကွဲသွားသည်။

''သွေးက ထွက်နေသေးတယ်နော်…..´´

စစ်သည်နှစ်ယောက်က သူ့ကို ထိန်းချုပ်ထားသော်လည်း သူ့ရဲ့ပါးစပ်ကိုတော့ ချုပ်မထားဘူး။ သူဟာ ရိုးသားတဲ့ သမားတော်တစ်ယောက် အနေနဲ့  သူ့မျက်စိရှေ့မှာ ဒဏ်ရာက သွေးတွေထွက်နေသည်ကို ဒီအတိုင်းကြည့်မနေနိုင်ဘူး။  ရှောက်ရှန်းက အသိစိတ်ဝင်လာပြီး သွေးထွက်နေသေးသည့် ဒဏ်ရာကိုတစ်ချက်ကြည့်လိုက်ကာ ရှေ့သို့တစ်လှမ်းတိုးပြီး မကျေနပ်စွာပြောသည်။

''မြှားကျိုးတောင် ထွက်သွားပြီ။ ရှင်ကအဲ့ဒီမှာ ဘာကြောင်လုပ်နေသေးတာလဲ။ အမြန်လာပြီး ကုမပေးသေးဘူးလား? သမားတော်က မိဘလို စိတ်ထားရတယ်။ ရှင်က ဘယ်လိုလုပ်ပြီး မစိုးရိမ်ရတာလဲ´´

ဒီစကားထွက်လာသည်နှင့် သမားတော်ချန်ဟာ ဝမ်းနည်းပက်လက်နှင့် ကောင်းကင်ကိုမော့ပြီးတော့သာ အော်လိုက်ချင်သည်။ သူက အသံတစ်ချက် မပြုရသေးခင်မှာပဲ သူ့ဘေးနားမှ စစ်သည်နှစ်ယောက်ဟာ ဘယ်ညာအနည်းငယ် လှုပ်လိုက်ပြီး အခုသူဟာ စကားတောင် ပြောလို့မရတော့ဘူး။

…..ဟုတ်ပါတယ်။ ကောင်မလေးရဲ့ အမြင်ဘက်ကကြည့်လျှင် သမားတော်ရဲ့ လက်တွေဟာ နောက်ကျောမှာ အချုပ်ခံထားရသည်ကို မမြင်နိုင်ဘူး။ လျန်ချိုးဖေးက ရယ်ချင်သည်။ ဒါပေမဲ့ သူ့ဘေးနားက အကိုဖြစ်သူရဲ့ အားပြင်းပြင်းနဲ့ တစ်ချက်ဆွဲတာကို ခံလိုက်ရပြီး လူငယ်လေးဟာ မျက်နှာကို အမြန်ပြန်ပြင်လိုက်သည်။ လီဝူလန်က ဆက်မကြည့်နိုင်တော့ပဲ ခေါင်းလှည့်ကာ အပြင်ဘက်ကတံခါးကို ကြည့်နေလိုက်သည်။

လီထိုက်ကုန်းက အောက်နှာခမ်းကို အကြိမ် အချို့သပ်လိုက်သည်။ သူ့ရဲ့ ချစ်ရတဲ့ မုတ်ဆိတ်မွှေးလေးဟာ ခဏခဏ ထိခံနေရသည်ကို သတိထားလိုက်မိပြီး လက်ကိုချကာ အခင်းပေါ်တွင် ထိုင်လိုက်သည်။ သမားတော်က တိတ်ဆိတ်စွာနဲ့ ရှေ့ကိုတိုးပြီး သူ၏ဝာာဝန်ကို ဆောင်ရွက်သည်။ ဒါကိုမြင်ပြီးတဲ့နောက်မှာ ရှောက်ရှန်းက နောက်ကိုတစ်လှမ်းဆုတ်လိုက်ပြီး ကိုယ့်နေရာကို ပြန်သွားကာ ထိုင်မလိုလုပ်သည်။