الأمير المفقود The Lost Prince

كريستال والشهرة 27

عندما حدثت العاصفة الثانية إستغل هارون الفرصة وخرج من القصر أراد أن يكون وحده ليفكر .. بعيدا عن والديه, لم يكن يريد أبدا أن يتزوج من فتاة غير كريستال ولكن والده على حق فلديه واجب نحو المملكة ويجب عليه إنجاب وريث للعرش .. ظل يمشى بلا هدف وعقله منشغل بالتفكير ولم يكن يعلم بأن الجميع يبحث عنه , ذهب لمكان ألعاب كريستال ووقف يتأمل وجهها المرسوم فى اللوحة وتساءل هل تفكر فيه أيضا؟ هل تتمنى رؤيته مثلما يتمنى رؤيتها؟ تنهد بحرارة وقال : أفتقدك وجه القمر.. وحشتينى قوى بالعامية زى ماكنتى بتحبى..

وقف العراف من بعيد يراقبه ويبتسم وهمس: ربما تكون أقرب إليك الآن من أى وقت مضى أيها الأمير....

جلس الأمير أسفل شجرة حتى بدأ الفجر فى البزوغ وسمع الآذان فنهض بسرعة وتوجه للمسجد ليصلى الفجر ويدعو بأن يجمعه الله بمن ملكت قلبه وروحه..

فتحت كريستال عيونها وشعرت بألم فى جسمها ووجدت نفسها نائمة على زرع وحاولت أن تتذكر ماحدث ثم قالت بفزع : ماما.. ماما. .إنت فين؟

تلفتت حولها ورأت امها نائمة على بعد أمتار منها ذهبت لها بسرعة وأمسكت يدها: ماما.. ماما ردى على .. ماما.

فتحت وفية عيونها وقالت: حتة وقعة ؟ إيه ده يابنتى ؟؟ أنا إتبهدلت.

إنتى كويسة.

أيوه ياحبيبتى كويسة وإنتى.

الحمد لله..

نظرت وفية للحبل وقالت : لسه مربوطين ببعض أهو شفتى فكرتى؟؟

فكرة عبقرية بجد ....

والحاجات كلها موجودة والحمد لله.. إحنا فين بقى؟ جينا المملكة؟

معرفش ياماما, بس شكلنا كده فى غابة..

ضحكت وفية وقالت: يبقى مقلب لو جينا مكان تانى وإلا وقعنا فى جنينة وسط القاهرة..

شاركتها كريستال الضحك وقالت: ده نخل وموجود حوالينا كتير..

آه ده شجر وزرع كتير... يارب تكون دى المملكة بتاعة هارون..

يارب ياماما..

طيب هانعرف منين ؟

نسأل حد؟

هو فيه حد هنا.. ؟

طيب بصى خليكى هنا هامشى شوية و..

لأ ياحبيبتى .. مش هانفترق..

طيب وهاتمشى معايا إزاى بالحاجات دى ؟

مش عارفة بقى إتصرفى..

طيب سيبيهم ونبقى نرجع نآخدهم.

لأ .. أخاف يتسرقو..

إسمعى كده, أنا سامعة زى مايكون صوت عربية ..