في قبضة الجحيم [ متوقفة حالياً ]

البارت الثاني عشر

رهف بحرگة : اكرهك يحيى اكرهكك
يحيى ببرود : واني اكثر وهسة مثل الحبابة تكومين تعدلين نفسج وترجعين يم النسوان وكأنما مصار شيء
باوعت عليه بعيونها الحمرة : بسيطة يحيى
بسرعة نزل لمستواها وسحبها بعنف : لجج شنو تهدديني مثلاً
رهف : عوف ايدي كافي عاد حطمتني بما فيه الكفاية
تقرب منها اكثر وركز بعيونها : تحملي نتيجة خطائج انتي مو ردتيني هاي بعد اني صرت ملكج بس وحق الي رفع السمة وبسط الارض الا امرمر عشيتج هاي خاف انتي بانية امال وحب وعشق - نفى براسه باستفزاز - وخاف عبالج - ابتسم باستخفاف - رح اتقرب منج لو اهواج لا رهف انتي غلطانة كلش غلطانة شفتي اني شكد حباب كاعد احجيلج الي رح يصير بيج بالايام الجاية
جانت رهف
مفرفحة من البجي
المفروض هسة هي خطبتها تكون الفرحة ما سايعتها مو
العكس
مجانت تريد 
تحطم كل احلامها الي جانت راسمتها وياه
متريد تكرهه بعد ما حبتة كل هذا الحب الجبير
الي يستهزء ويستخف بيه
بس هو ما رحم حالها وبجيها وكأنما
استيقظ الوحش الي بداخلة
حتى يلقي عليها كل هذه الكلمات المسمومة
حرك اصابيعة ورفع حنجها مرة لخ
يريدها
ترجع تباوع بعيونة
يحيى : شفتي انتي ما استحملتي هذا الكلام لعد شلون رح نعيش سوة اني ما متقبلج - وبنبرة خافتة - عندج مجال ترجعين حرة عندج مجال تتحررين من سجني الي بانيه الج ! سوي معروف لنفسج والي وفسخي الخطوبة !!
اما من ورة الباب جانت امها تستمتع لكلشي
جانت حايرة تدخل وتفك هذا النزاع بس
الكل رح يتشمت وتصير سيرة بتها على كل لسان
ان بعدهم بالخطوبة وصارت مشكلة وفال نحس وغيرة من الكلام
لو تبقى تسمع للاسهم الي يرميهم يحيى على بتها وكأنما رهف خالية من المشاعر
وبصوت مبحوح دكت الباب
ام رهف بادعاء : يحيى تلحك على رهف- ضحكت باصطناع - خلي البنية تطلع صديقتها وخواتها يردوها يردون يشوفوها ويحجون وياها
يحيى وهو متجاهل امها وكل تركيزه على رهف وبتأمل حجة : ها شتكولين
اذا تردين عذر كولي احنة طلعنة ما مناسبين لبعض او اخترعي اي جذبة انتي هاي مهنتج ومحترفة بيها
رهف وهي تدفعة بكل صرامة
رهف : تحلم افسخ
يحيى وهو يرص على اسنانه بعصبية : لججج انتي شنو من بشر يعني عاجبج اهينج
رهف: وخر من الباب اريد اطلع
يحيى واكف مقابيلها: اني اشفقت عليج وانطيتج فرصة بس انتي ضيعتيها قسماً عظماً رهف ما رح اشفق عليج ولا رح ارحمج بس يلا ميخالف اني رح اتحمل كم شهر وراها كلشي ينتهي
مسحت دموعها وهي ترجف: الله ياخذ حقي منك تسوي بية هيج بس لان احبك ترة دنيا دوارة مثل مكاعد تأذيني انت هم رح تتاذى
بهتت ملامحة لان تذكر حور
طلعت رهف
تلكتها امها بسرعة وحضنتها
تنهد بقلة حيلة
طلع ورة رهف وشافها وهي بحضن امها
جانت امها تخزر بيحيى وتتحسب
مر من يمهم يحيى وهمس: هسة اني الظالم بنظركم خوش والله تكتلون القتيل وتمشون بجنازتة عبالك اني الي غصبت بنتج علية لوما هي فارضة نفسها علية على العموم احتفظي بدعواتج لنفسج لان متاكد ما رح توصل حتى .
——————————————————————
اما حور
جانت تقرأ ومندمجة لحد ما دخلت رسيل عليها
حور : هلا حبيبتي شلونج
رسيل بخفوت: بخير
لاحظت حور رسيل مو على بعضها
حور : احجيلي صاير شيء
نفت رسيل بخفة
حور : دحجي رسيل خوما احد مضوجج
تنهدت رسيل : اي رقية ما ادري شبيها علية تخيلي واحنه كاعدين نراجع للامتحان اجتني تكولي اخوية يحبج ويريد رقمج ومن هاي السوالف
فكيت عيوني بصدمة
حور : خوما اخذتي الرقم
رسيل بانزعاج : شبيج حور طبعا لا بس هي من رفضت وضلت تتمسخر عليه وتكولي معقدة وانتي مو مال واحد يحبج
حضنت اختها بشدة : خلي تولي هاي وحدة عار رسيل ابتعدي عنها هاي تريد تلهيج عن مستقبلج مبين من كلامها حاقدة وتكرهج لو تغار منج
رسيل : هو اني استغربت منها جانت قبل تحجي وياية وتحبني واساعدها بالواجبات فجاة تغيرت
حور : هيج نوع خافي منة باعي علية اذا تكرر هذا الشيء وياج لو تكولين للمديرة لو تجين تكوليلي واني اتصرف وياها انتي خليج مبتعدة عنها وتصرفي طبيعي ولا تاخذين منها لا مي ولا عصير ولا حتى اكل الله اليعلم شنو ممكن تخلي رسيل الاعدادية كوكب وحد بنات اشكال والوان انتي مثل ما تخطيتي الرابع والخامس تخطي السادس وخلصي من هيج بشر
رسيل : ان شاء الله ... -سكتت شوي بعدين حجت - زين حور اني حجيتلج شنو البيه انتي شبيج احسج ضايجة او زعلانة
ابتسمت بحزن : ماكو شيء مهم بس ضغط لان جاي اواجه صعوبة بالدراسة وبحياتي بشكل عام
رسيل : اذا تحتاجين تحجين لاحد اني اختج اني موجودة
حور : فدوة لگلبج الله رزقني بهيج اخت حلوة وتخبل
وجان فجاة وبدون مقدمات
نسمع عياط تقى
تقى بصياح: سويتهااااااا يا نكس سويتها وتزوجت
من الصدمة اني ورسيل صفنة وحدة بوجه الثانية
زواج!!!
گبل نزلنة
واشوف الهوسة
تقى وهي تحاول تكمش البينة حتى تكتلها
وبسام واكف بنص
وابويه كاعد على صفحة ومبين التعب على وجهه
سلوان وقصي بنص
وامي حايرة المن تفاكك
قصي : يعني هاي شغلتنه احنه نفاكك بين النسوان مو حالة هاي
سلوان بعصبية : هاي عود انت الجبير وهيج تسوي شبيك رحمة للكائنات وهو احنة بيناتنة رح ناكل بعض تجي وتجيب نفر زايد علينة ما فكرت وين تكعد شنو تاكل ومرتك هاي واصلاً انت بالسنة حسنة تحصلك شغل
بسام بصوت عالي ممزوج بعصبية : مالكم دخل اني حر واذا على المكان عادي تقى تروح لبيت اهلها وسحر تبقى هنا
قصي : مو بيت هذا فندق
بسام: انت انجب ماشي
ابو حور : رحيق تعالي لج الدنيا تفتر بية
ركضت رحيق عليه
ام حور : شبيك
ابو حور : وديني للغرفة مجاي اتحمل الهوسة والله رح اموت من ورة هذا البيت
ام حور لحور ورسيل: تعالوا ساعدوني بابوكم الرجال تمرض من ورة هاي العطلات
صاح بسام بغضب : محد عطلات غيرج بعدين شكو بيها تزوجت على سنة الله ورسوله وانتو كلش زين تعرفون السبب - باوع على تقى - محد الة حكم او سيطرة علية ومثل ما هذا البيت الكم حصة بيه اني هم
همس سلوان : الله شيسوي بيك بعد بهل الكبر وعقلك صغير فوك الفگر يتزوج استغفر الله .
البيت جان متكهرب يعني 
على الكلمة تتحاسب ويمكن تصير مشكلة
ابوية ضغطة مو تمام
ويحيى من اخر محادثة بعد ولا راسل او خابر اي اني اعرف حقة
بس مو هيج يعني احسة هم جاي يجبرني يعني لو اقبل لو بعد منحجي
بس رغم هذا الشيء راسلتة كذا مرة وما يشوفهن
اجت امتحانات نصف السنة والتهيت ..
طلعت من البيت مسعجلة هذا اول امتحان
بليل جنت اقرا وارجع ليورة
حتى ملابسي ما حضرتهن
كعدت الصبح بالكوة
لبست اي شيء يجي كدامي
حور : يا الله الا هذا القميص شون بلوة
مجان عندي مجال اكعد ادور لان وراية طريق
لبستة ولبست بنطلون والشال
واخذت الكتب وعلى السريع
حرت اروح لخالي يوصلني لو هم يبجي بوجهي ويضل يتعذر لو عطلانة السيارة  لو ما بيها بانزين فد مرة متغير
تأففت بقلة صبر
غيرت رأي حروح تكسي اي لان النفرات تاخرني هواي
طلعت وكفت يم شارع العام
وكل دقيقة على الساعة
وبحكم اني مستعجلة اكيد ما رح اكعد انتبه على كل سيارة توكف لو تمر من عندي
بس جانت اكو سيارة وحدة واكفه على السايد الثاني من الطريق جذبت انتباهي وضليت مشبهة عليها
هاي سيارة يحيى لو غيرها
ما اهتميت هواي
وكفت تكسي گبالي
وجان اسمع اسمي : حورررر
رفعت راسي واشوفة واكف يأشرلي ما اصعد
تنهدت
حور : هاي هية عمو ما اروح
السايق : ليش بنتي هسة على سريع اوصلج
ردت احجي وجان فجاة اسمع صوتة الحاد
: شلزكت يعني متريد تصعد وياك لو هي سالفة غصب
اشرت ليحيى بعيوني اترجاه ما يسوي مشكلة من صبح
بس هو ما اهتملي
السايق : وانت منو حتى هيج تحجي وياية
راد يحيى يفتح الباب يحتى يطلعة بس وكفت بوجهه وانفجرت
:  يحيى ليش جاي!!! اني ما طلبت منك تجي
سحبها من ايديها بعنف واستهتار
وجراها وراه لحد ما ركبها السيارة غصب
حور وهي تريد تطلع: فك الباب يحيى هذا مو اسلوب !!! - بصوت عالي -
رص على اسنانه : نصي صوتج واحترامي نفسج شوي ترا اعصابي كوة لازمها
تچتفت بضجر واضح على ملامح وجهها
بعد فتره بسيطة
نطق بسخرية وبرود عكس الي بداخله :شنو ما عندج بس هذا القميص ؟ ترة محلو
رفعت حاجبها بانزعاج : محد طلب رأيك
ضغط على الاستيرن بقوة: اها طلعت السالفة هيج يعني متردين رأي طلعتي تردين رآي الناس الغربة -التفت الها وصاح - يعني عاجبج صدرج هيج طالع 
.
.
.
يتبع
اعتذر عن التأخير
صارت ظروف واضطريت اتوقف لفترة بس هسة ان شاء الله ارجع شوي شوي
لا تنسون التعليق والتصويت هذا يحفزني استمر ❤️