في قبضة الجحيم [ متوقفة حالياً ]

البارت السادس عشر

كمش وجهها بثنين ايديه
وبرفق كال : راح لمكان احسن من هنا صدكي هسة هو كل الي يحتاجة الدعاء ادعيلة بالرحمة والمغفرة ...من تبجين كاعدة تعذبيه وتعذبيني ما اتحمل اشوفج هيج حور گلبي يأذيني عليج
باس عيونها على كيف وبلطف
ورجع ضماها لصدره
وهمس : ما رح اعوفج وحدج رح اكون ظلج
ضلت هادئة بحضنة وكأنما جانت منتظرة هيج حضن وكلمات تشعرها بالقليل من الطمأنينة
همس بأذنها: يلا تعالي ندخل اريد اسلم على امج واعزيها
همهمت بخفوت
يحيى باستغراب وانزعاج : اشو البيت فارغ وين البقية؟ زين سلوان شلون يعوفكم وانتو بس نسوان شكد عار
حور بملامح متعبة: خالي سلوان زوجتة ولدت فراح الها على السريع
دردم يحيى : يعني عافت الايام كلها الا بهذا اليوم قررت تجيب ولي العهد مدري ولية العهد
شبه ابتسامة اعتلت وجهها : قابل هي بكيفها يا يحيى
راد يحجي بس شاف امها جاية باتجاهم فسكت
ام حور بصوت مبحوح: هلا بيك ابني
راح باس راسها : البقية بحياتج يمة خاتمة الاحزان ان شاء الله احنه كلنة على هذا الطريق وما يبقى بس وجهه ربنا الكريم
ام حور بغصة : عافني وحدي وما اخذني وياه ابني اني تعبت والله ما عندي طاقة اتحمل شيء هسة بناتي وابني شلون رح يبقون ويواجهون هذا العالم اذا المنك وبيك ياكلك حتى-رادت تكمل بس سكتت -
يحيى: افا يمة اسم الله عليج عمرج طويل ان شاء الله اني موجود يمكم اعتبريني ابنج- اجت عينة بعين حور -
نزلت حور راسها ومسحت دمعتها بسرعة
ام حور : والله مقامك بمقام قصي وكفاتك ما ينعدن اشكرك اني
يحيى : سويت بس الواجب ما يحتاج تشكريني بعدين ليش تحجين هيج قصي شاب فاهم وواعي وعندج سلوان وبسام خوالهم وانتي ان شاء الله باقية خيمة على راسهم ليش تفكرين هيج وتخافين انوب تعبين من تفكير وتتمرضين
ام حور : ابني دنيا تغيرت هسة اخوك ياكل من لحمك ودمك شايف الاخبار والمصايب الي كل يومية نسمعها - قاطعها يحيى -
: بس اكو بعد ناس خيرة مو كل اصابيعج سوة
ام حور : انت تكول خوالهم خواليش!! سلوان لا يحل ولا يربط و دومة يوكف بصف مرتة اما بسام هذا راوانة نجوم الظهر يتعارك وية كل البيت وتحديداً ويه قصي مخلي عقله ويه عقل هل الولد واذا ما يتعارك ويانه معناها يتعارك ويه زوجاته واذا مو وياهم ويه الناس الغربة وهاي ضل هيج لحد ما خلاني ارملة يلا ارتاح
يحيى بتعجب وعدم فهم : خلاج ارملة..؟!شلون... ولا توقعت هيج تصرفاته زين شتأمرين تريدني اخليه بالسجن شوي يجرون اذنة ؟ واذا على سالفة سلوان خليه علية هذا الحيوان تكرمين مجان عبالي هيج ضعيف شخصية جان خابصني اني واني ... لازم يوكف وياكم انتو اهل بيتة وكفتة وياكم اولى من زوجتة
جان يحيى يحجي وعيونة تلقائيا تلتقي بعيون محبوبتة
انتبهت ام حور على هاي النظرات
فأشرت لحور حتى تروح
حور بهدوء : اسفة على المقاطعة بس اخوية شتريد جاي ... كهوة
رفع حاجبة باستنكار بسبب كلمة اخوية
يحيى بضيق : لا شكرا ما اريد
ام حور : خاف جوعان روحي حور صبي اكل لاخوج
غمض عينه بقلة صبر
وبعد ما تماسك اعصابة بصعوبة كال : يمة والله شبعان ما تقصرين
ام حور : ابني على الاقل اشرب شيء - باوعت لحور - روحي سوي جاي
تنهد يحيى : زين هسة عوفيج من الجاي شكلتي على بسام ؟
ام حور : لا ابني هو اصلا انطرد من البيت هسة هي دنيا جر اذانة مو الشرطة
يحيى : كيفج بعد اني موجود بس تخابريني تلكيني يمج
ابتسمت ام حور : تسلم... اعذرني ابني رايحة شوي لغرفتي وراجعة
يحيى : يمة احذي كل وقتج افا هذا بيتج انتي
ردت عليه بأبتسامة خفيفة
راحت للمطبخ ورة حور وكالت : شنو وكفتي هناك شمعة فگر مو دا ااشرلج حتى تولين
حور : يمة شبيج اكلتيني هسة شسويت اني ليش تسوين قصة من لا شيء
ام حور وهي تركز بحور وبصدمة: وين حجابج!!! شون طالعة هيج كدام الولد
بلعت حور ريكها بذعر : هسة انتبهت على شعري والله يمه ما ادري نسيت شالي جنت دايخة والله
جرتها امها من دشداشتها ونترت بيها : لا عبالج ابوج مات يعني نصير نلعب ونطب ونطلع ونتصرف براحتنا لا اني موجودة والشيء الما يعجبني يعني ميعجبني وتصرفج هذا معجبني واذا تكرر مرة لخ اراويج وجهي الثاني
جانت حور مندهشة من كلام امها
تغمض عيونها وتفتحهن من هول الصدمة
خاف جاي تتحلم ...
كعدت بالكاع بعد ما طلعت امي من المطبخ منهارة من كلامها القاسي
هاي لاول مرة تتصرف هيج وياية
شنو ارتبكت من ذنب حتى هيج يصير بية
اني والله حتى نفسي ناسيتها شلون ترديني اتذكر الحجاب
جان يحيى يستمع لكلامهم بالصدفة
بعد ما كامت ام حور من عندة ضل يحوص يريد يحجي وية حور راح للمطبخ وراد يدخل بس سمع امها وهي تحجي بعصبية وقسوة
هي مو كالت حتروح لغرفتها ! شجابها للمطبخ
كور ايده بانفعال
راد يدخل بس تراجع
لان الوضع بدل ما يتصلح رح يزداد سوء
جان كاعد على اعصابه يريد يشوف حور
خوما كاعده تبجي...  بعثر شعره باضطراب
يحيى : يلا صار لازم اروح
ام حور : ما شربت جايك
يحيى بصلابة : غير مرة ان شاء الله
وهو بطريقه دا يطلع راسل حور
" خابريني من يصيرلج مجال  "
راد يدز بعد بس ارتطم بچتف احد
: انتبه من تمشي ثول الثولك
ابتسم يحيى بسخرية
يحيى : شوف والله العظيم هستوني طالع معصب وردت اي احد گبالي حتى  بس اذب عصبيتي عليه وتخيل انت طلعت بوجهي
الرجال : دوخر منا  لا اخلي دمك بطولك ما متفرغلك شلون زبالة عليه
تقرب يحيى منه و بسرعة ركعة كلة : دكل خرا ابن الك###
ارتد الرجال ليورة بس ما وكع
هجم الرجال على يحيى وضربة بوكس على بطنة
آن يحيى من الوجع: ايا كواد لك اليوم شيخلصك مني
ضرب يحيى رجلة حتى يكدر يسيطر عليه
ونام فوكاه حتى يضربة بس هذاك غافلة وسواها بالعكس بس رغم هذا كدر يحيى يضربة ضربة قوية على خشمة بحيث خلة الدم يجري منة
صاح الرجال بألم 
دفعه يحيى وكام
وعلى هاي الاصوات طلعت حور وامها واختها برة
وبنفس اللحظة
اجة بسام يصيح بخوف: هاي شسويت لك هذا الي يطلبنا دين
نكث يحيى ملابسه الي انترست تراب وبتساؤل : يا دين
لطمت ام حور على وجهها : عزا بعيني هاي شسويت يحيى - انتبهت اكثر من شافت وجه بسام مزورك ومورم- وانت شبيه وجهك - بفزع -
بجت حور من شافت يحيى
اشر الها يحيى تدخل جوة
نفت براسها فخزرها بغضب
حور بهمس لرسيل : يلا ندخل
بسام وهو يساعد الرجال حتى يكوم: يمعود سعد كوم ترة الولد ما يدري بيك
ام حور : مو دا احجي وياك شبيك
يحيى : يمه رحمة لوالديج دخلي جوة ترة كلها تباوع علينا من ورة الشبابيك
بسام لاختة : هو اجة سعد وضربني علمود الفلوس لان تاخرنا عليه وجان جاي يجيكم فلحكته وطلع يحيى موجود حمدلله
دفع سعد بسام : وخر اني اكوم - خزر يحيى الواكف ببرود - هاي لان اجيت وحدي بدون جماعتي تصيرون براسي سباع
يحيى : لعد اني شنو مو هم وحدي بدون لا جماعة ولا خرا لو انت ما عندك ايدين ورجلين وتخلي ناس تدافعلك ؟ هسة المهم شكد تطلبهم يلا فض السالفة
ام حور : ابني روح لاهلك والله ما ناقصة اني هاي سالفة تخصنا انت توكل لبيتكم
بسام بعصبية: دولي دخلي جوة شعندج بين الزلم
ام حور : مالك دخل بيه ماشي
تجاهل يحيى كلام ام حور
وكال لسعد: شنو بلعت لسانك كول شكد اني ادفع
سعد : وانت منو ؟ شتصير منهم
رص اسنانه بقلة صبر : وانت شعليك
ام حور : الناس كامت تلتم علينة دخلوا جوة
سعد : يعني هم مدافعين فلوس وهم تتعدون ميصير هيج يعني اذا اخوية لو ابوية عرفوا بالموضوع والله يهجمون البيت عليكم
يحيى : ديلا يله يهجمون البيت مو السالفة فالتو
بسام بتوتر وابتسامة: ادخل للبيت يا سعودي بس خلي نتفاهم السالفة ما تنحل هيج بالشارع
سعد : ما تجوز انت الا تنكتل يلا
التهة يحيى من امة ضلت تدك عليه وهو يرفضها مرة ومرتين لحد ما جزع ورد عليها بنتر: شكو يمة
ام يحيى : ابني ليش ما ترد مو شغلت بالي
انتبه يحيى ان بسام وسعد وام حور دخلوا جوة
يحيى : مشغول بعدين احجي وياج
ام يحيى : مو ردت ابشرك حددنة الزواج سبوع الجاي بس لازم قبلها مسوين الحنة
بعصبية : يا حنة يا عرس يمة صديقي عندة حالة وفاه ما اكدر خلي نأجل السالفة
ام يحيى بحدة : يحيى انت كلتلي فلا ترجع بكلامك هسة ...لا تخليني اتمرض زيادة واموت والله تعض اصابيعك ندم بعدين
يحيى : يمة صدك تحجين!!! يعني صديقي شلون هيج اسوي يعني هو حزنان واني اجي اعرس ترة سلوان مو سنة وسنتين اني وياه عشرة عمر
ام يحيى : هو ما يدري بيك اصلاً حتزوج فخلي نسويها على سريع ابني لا طول السالفة وهي كصيرة
غمض عيونة بأرهاق
سد التلفون ودخل جوة
بسرعة عيونة كامت تدور حور
خاف موجودة
رجع دز رساله " ديري بالج تطلعين من غرفتج نخلص كلشي و عود طلعي "
ضم تلفون وكعد مقابيل سعد
سعد بعصبية : ماكو صبر بعد ال ٢٥ مليون اريدهن هسة حتى اقساط ما اريد
بسام : لا خوية بس على كيفك ويانة والله زوج اختي حتى ترابة اخضر بعده
بس خلي تمر فتره ويتعدل حالنا وننطيك الفلوس
يحيى : تعال وياية للبيت اني انطيك بسيطة السالفة ان شاء الله 
ام حور : ابني منين ٢٥ مليون دفعه وحدة مستحيل يعني اني اضل ادفع دين الرجال لو دينك
وبهل الاثناء دخلت حور على سريع وهي لابسة صاية
حور بخفوت: سلام عليكم
يحيى
طلعن عيون من الغضب
بلعت ريكها: بس تلفوني نسيته هنا اشرت على التخم الكاعد عليه بسام وسعد
كام يحيى بسرعة واخذه وانطاه الها وهمس الها : اني اعلمج بعدين
اخذت تلفون وراحت بسرعة
سعد : زين عندي اقتراح ثاني
التفت عليه يحيى وعلامات الانزعاج بادية على وجهه : اقتراحيش مو كتلك اني ادفع
حجة سعد وهو متجاهل يحيى : تزوجوني هاي البنية واعتبروا دينكم تسدد
ما لبث دقيقه وحدة وبسرعة
راح سحب سعد من قميصه وزمجر: شكلت بلة عيد
بسام : هوببب كافي عاد يحيى وخر عن الرجال
يحيى لبسام : انت ضم لسانك بحلك احسلك لان لو عندك شوي غيرة جان مقبلت على هيج كلام فارغ
ام حور : شنو انت شايفنة وانطيك بنتي بدل الدين شنو هي فصلية لو بنت شارع حتى اشمرها وانطيها للرايح والجاي
يحيى : والي رفع السمة وبسط الارض هسة اكتلك خلاص فاحترم نفسك وامشي اطلع برة واذا على الفلوس اني ادفعهم كلهن وخلي اقتراحاتك الخايسة لنفسك ماشي عزيزي
سعيد : ماشي ماشي على كيفكم يا كلمة وردي مكانج - باوع بعيون يحيى بتركيز وابتسم بخبث -
بعد ثواني معدودة
ام حور بصدمة : دممم ... يحيى
سعد : هذا جزاء الي يمد ايدة علية
وكع يحيى ينزف
مسح سجينة بقمصية وحجة ويه بسام المفجوع: بسام اخر مهلة الكم نهاية الاسبوع واذا هم ما دبرتوا الفلوس مصيركم نفس مصير ي- ح- ي-ى
طلع وصادف حور بطريقه ابتسم الها وطلع من البيت
حور باستغراب : هذا شبيه المخبل
دخلت للغرفة وانصدمت
.
.
.
مقتطف بسيط
تقربت منة وباست ظهرة
بوسات متفرقة
لحد ما حس بيها التفت الها على السريع وكال : ..
يتبع
سلام عليكم
شلونكم ان شاء الله بخير
بنات بحكم ان الدوام بلش ف للاسف التنزيل رح يتغير توقيتة يصير ممكن بالاسبوع مرة وحدة لان تعرفون كلية ومشغال واوعدكم ان البارت يكون طويل
وللامانة جاي احاول اسرع بالاحداث قدر الامكان لان اريد اختمها وبس دمتم سالمين واذا عدكم اي توقعات شاركوني ♥️ .