💝 Part - 16 💝
◽◽◽◽◽
အခန်းတံခါးခေါက်သံကြောင့် သူ မျက်မှောင်ကုပ်သွားပြီး အသက်ကိုတစ်ချက်လှမ်းကြည့်တော့ အသက်ကလည်း တံခါးကိုလှည့်ကြည့်နေသည်။
ပြီးမှ သူ့ဆီအကြည့်ရောက်လာ၍ ကမန်းကတန်းလက်ကာပြလိုက်ပြီး လုပ်လက်စဒရုန်းတွေကို စက္ကူပုံးလေးထဲထည့်လိုက်သည်။အလုပ်လုပ်နေချိန်တွေဆို ဘယ်လိုလုပ်ရောက်လာသည့် အနှောက်အယှက်တွေလဲမသိ။
ဘုန်းအာဏာလျှံ အလုပ်လုပ်နေပြီဟေ့၊ သွားရအောင်ဟု တိုင်ပင်ထားကြသလားမသိဘဲ ရောက်လာလျှင်အချိန်ကိုက်…"အိုလမို!! ငါ့အချစ်ကလေး"
"အိုညီး!!"
ဆူဆူညံညံနှုတ်ဆက်သံတွေနှင့်အတူ ခုန်ပေါက်နေသည့်ခြေသံတွေကြောင့် အခန်းတံခါးကိုအသာဟကာ ခေါင်းထွက်ကြည့်လိုက်တော့ အသက်ကိုဖက်ပြီးအော်ဟစ်နေသည့်ကောင်မလေးတစ်ယောက်။
သူငယ်ချင်းမထားတတ်သော အသက်အတွက် အတော်လေးရင်းနှီးပုံရတာမို့ ထိုမိန်းကလေးဟာ ဘယ်သူများလဲမသိ…"ကြည့်ဦး အရပ်ကြီးမြင့်လာလိုက်ပုံများ"
"အာ!! ဒါက ဒေါက်စီးထားလို့ပါ ၆လက်မလေ.. အိုက်စ်စ်"
"ချွတ်စမ်း ခုချွတ်"
"မညစ်ပတ်နဲ့နော် အိုညီး"
"နင် ငါ့ထက်အရပ်ရှည်နေတာကို ကြည့်မရလို့"
အသက်ကိုယ်တိုင်က ဆူညံစွာအော်ဟစ်နေတာမို့ ဒီနှစ်ယောက်ဟာ အတော်လေးရင်းနှီးဟန်ရှိသည်။
ထို့ကြောင့် အခန်းအပြင်ထွက်လာခဲ့တော့ ထိုမိန်းကလေးက အသက်ရဲ့ခါးကိုဖက်ပြီး တတွတ်တွတ်နဲ့ဘာတွေပြောနေသလဲမသိ။"ဟယ်! ဆင်လိုက်တာ"
ဆိုပြီး သူ့ကိုတည့်တည့်ကြည့်ကာ အော်ချပစ်လိုက်သည်မှာ အကျယ်ကြီးဖြစ်၏။
အသက်ကတော့ ရိုးအီနေဟန်ဖြင့်ရယ်မောရင်း ထိုမိန်းကလေးကို ခေါင်းခေါက်နေပေမယ့် သူကတော့မျက်နှာပူသွားမိတာအမှန်ဖြစ်သည်။
ဘယ်လိုဟာလေးမှန်းလဲမသိ…"ကိုကို မမှတ်မိဘူးလား"
"အင်း မမှတ်မိဘူး"
YOU ARE READING
အသက်ကို အသက်လိုငြိတွယ်သူမယ်
Romanceကျွန်တော်ချစ်ရမှာကိုကြောက်တယ် ဘာလို့ဆို ချစ်မိသွားရင် မျက်စိကန်းသွားသလိုပဲ အန္တရာယ်လည်းမသိတော့ဘူး ချောက်ကမ်းပါးလည်းမသိတော့ဘူး ဘုန်းအာဏာလျှံ အချစ်ကိုအယုံအကြည်မရှိဘူး အသက်သိတာက အသက်တို့မိသားစု အန္တရာယ်မရှိဖို့ပဲ ချစ်မိတဲ့သူက ရှုံးတာပဲတဲ့ အသက် ဘယ်တေ...