Unicode
" အခု ဘာဖြစ်လို့တဲ့လဲ"
လော့ဝမ့်ကျိုး ကျောပြင်တွင် ချွေးများစိုရွှဲလာသည်။
" နေ.. နေပါဦး... မင်း ဘယ်သွားမလို့လဲ"" အင်္ကျီလဲမလို့လေ"
ဖေးတုက သူ့ကိုကျောခိုင်း၍ ဒုတိယထပ်သို့ တက်သွား၏။လော့ဝမ့်ကျိုးမှာ အဆိုပါစကားလုံးများ၏ ရိုက်ခတ်မှုကြောင့် မျက်လုံးများ အရောင်မှိန်ကျသွားသည်။ ဖေးတုအနောက်မှ သူ လိုက်မသွားနိုင်ခင် အသံပိတ်ထားသော ဖုန်းထဲမှ အချက်ပြမီးလင်းလာသည်ကို တွေ့လိုက်ရသည်။
" ဝမ့်ကျိုး.. ငါပါ"
ပထမဆုံး သူ့ကို ဆက်သွယ်၍ ရခဲ့သူက ထောက်ရန်ဖြစ်၏။ ထောက်ရန်က ချက်ချင်း ပြန်ပြောသည်။
" ရှစ်နျန်ကို အခုထိ အရေးပေါ်ကုသမှု ပေးထားရတုန်းပဲ.. ဒါပေမဲ့ စုံစမ်းရေးအဖွဲ့ကလူတွေ ရောက်လာကြတယ်.. ဘာတွေဖြစ်နေတာလဲ.. ယန်ရှင်းကရော ဘာဖြစ်သွားတာလဲ.. သူ့သတင်း ရသေးလား"" ငါ.."
လော့ဝမ့်ကျိုး ပါးစပ်ဟရုံရှိသေး နောက်ထပ်ဖုန်းဝင်နေသော အချက်ပြမီး ပေါ်လာပြန်သည်။ ဖုန်းခေါ်သူအမည်က လန်ချောင်းဖြစ်နေသည့်အတွက် ထောက်ရန်ကို ပြန်ပြောလိုက်သည်။
" ခဏနော်.. ဟဲလို ရှောင်ချောင်း"" ဘုရားရေ... အခုမှပဲ ဆရာဖုန်းကိုင်တော့တယ်"
လန်ချောင်းက တုန်ယင်စွာနှင့် ပြောလာသည်။
" မျက်မှန်လေးက ဆရာနဲ့ အဆက်အသွယ်မရဘူးပြောလို့လေ.. ဆရာ့ကို အရေးကြီးစကားပြောစရာရှိလို့.. မှတ်ပုံတင်အတုနဲ့ လူတွေကို ကျွန်မတို့ အကြမ်းဖျင်း သတ်မှတ်လို့ရပြီ . သူတို့တွေအားလုံးက Picture Album ပရောဂျက်ရဲ့ မပြီးပြတ်သေးတဲ့အမှုတွေထဲက နစ်နာသူတွေရဲ့ ဆွေမျိုးသားချင်းတွေပါ... ပြီး.. ပြီးတော့ အခုပဲ ဒါရိုက်တာချန်းကို ဖမ်းသွားကြတယ်.. CCTV တပ်ဆင်တဲ့ကုမ္ပဏီက ပြဿနာရှိနေလို့တဲ့... သူတို့ပြောတာက ဒါရိုက်တာချန်းက အတည်ပြုပေးထားလို့တဲ့... ပြီးတော့ သူတို့က ကျွန်မကို လက်ရှိစုံစမ်းရေးအကြောင်း အသေးစိတ် တင်ပြချက်ရေးရမယ်တဲ့.. ဆရာ ကျွန်မ ဘယ်လိုရေးရမှာလဲ"" ကိစ္စမရှိဘူး.. မကြောက်နဲ့"
လော့ဝမ့်ကျိုးက ဖြည်းဖြည်းချင်း အသက်ပြင်းပြင်းရှူလိုက်သည်။
" ငါ ပြန်လာတဲ့အထိ စောင့်နေ.. မင်း ဘာရေးရမယ်ဆိုတာ ငါ ပြော...."
ČTEŠ
တိတ်တဆိတ် မြတ်နိုးရသော ( မြန်မာဘာသာပြန်) - Completed
Mystery / ThrillerTitle : Modu/Slient Reading Author: Priest MC: Luo Wenzhou × Feidu myanmar translation Chapters 180+5 extras