(Unicode)
ခွပ်...
ခွပ်...
ခွပ်...
ဒုန်းဆိုင်း စီးလာတဲ့ မြင်းနှစ်ကောင်က ယှဉ်လျက်။ မြင်းပေါ်မှာတော့ လူနှစ်ယောက် လိုက်ပါလာသည်။
ဝမ်ရိချီးနဲ့ ယိမ်းယင်းပင်.....
ညီဖြစ်သူ ဝမ်ရိပေါ်နဲ့ ရှောင်းကျန့်ကို ၃ ရက်အတွင်း ပြန်လာခေါ်မယ်လို့ ပြောခဲ့တာကြောင့် ဝမ်ရိချီးက မနားတမ်း ခရီးဆက်သည်။ တဖက်မှာလည်း ယိမ်းယင်းခမျာ ယောကျာ်းလေး တစ်ယောက်နဲ့ နှစ်ယောက်တည်း ခရီးရှည်သွားနေရတာမို့ အမြန်ဆုံး အိမ်ပြန်ရောက်ရန်သာ စိတ်ဆောနေခဲ့သည်။
*ယိမ်းယင်း...ရှေ့က ဆိုင်လေးမှာ ခဏ နားရအောင်...
*ကောင်းသားပဲ ရိချီးကောကော...
တရက်နဲ့ တည အပြင်းအထန် ခရီးနှင်ခဲ့တာကြောင့် မြင်းရော လူရော နားဖို့ရန် လိုအပ်နေပြီ မဟုတ်ပါလား။ လမ်းဘေးဆိုင်လေး တခုမှာ ဝမ်ရိချီးတို့ ရပ်နားလိုက်ကြသည်။
*ဘာများ သုံးဆောင်ကြမလဲ ခရီးသည်တို့...
ဆိုင်ရှင်က ဖော်ရွေစွာ မေးလေသည်။
*ရေနွေးတအိုးနဲ့ ပေါက်စီ ချပေးပါ...
*ရပါမယ်...ခဏလေး စောင့်ပါ ခင်ဗျ...
ဆိုင်ရှင်က သွက်လက်စွာ ထွက်သွားသည်။ တအောင့်အကြာမှာတော့ ရေနွေးတအိုးနဲ့ ပေါက်စီပူပူ တစ်ပန်းကန် ရောက်လာလေသည်။
*စား ယိမ်းယင်း...ပြီးရင် ကောကောတို့ ခရီး ဆက်ရအောင်...
*ဟုတ်...
ယိမ်းယင်းက ခေါင်းငြိမ့်ကာ ပေါက်စီကို ယူရန် လက်လှမ်းလိုက်သည်။
ဝှစ်...
*အ...ရိချီးကော...
လေကို ခွင်းလာတဲ့ မြားတစင်းက ယိမ်းယင်း လက်မောင်းကို တည့်တည့် လာစိုက်သည်။
*ယိမ်းယင်း...
ဝမ်ရိချီးက အလန့်တကြား အော်ရင်း ယိမ်းယင်းကိုပွေ့ယူလိုက်သည်။
*ကောကော...သတိထား ရန်သူရှိတယ်...
ယိမ်းယင်းက နာကျင်မှုကို ကြိုးစား ထိန်းရင်း ဝမ်ရိချီးအား သတိပေး လိုက်သည်။
YOU ARE READING
Melody of The River (U&Z)-Completed
Fanfictionနူးညံ့တဲ့ ထိတွေ့မှု သိမ်မွေ့တဲ့ မေတ္တာတရား နက်ရှိုင်းတဲ့ ကြင်နာခြင်း နွေးထွေးတဲ့ ချစ်ခြင်းတခုဟာ ဆန်းကြယ်တဲ့ သစ္စာတရားတခုနဲ့ ပေါင်းစပ်မိခဲ့တဲ့အခါ...... မြစ်တစင်းရဲ့ တေးသွားတခုလို ဒီရင်ခွင်ဆီ သိမ့်တိုးစွာ စီးဝင်ခဲ့လေသည်။