فصلية شيخ قصي

part 10

فصلية شيخ قصي

بقلم:دموع علي

زين العابدين يگول:
لو تطلبين نجمه اجيبه لچ
لو اعرف اصارع واجرهه من حضن اليل
-------------------
زين العابدين
اني زين العابدين محمد فاضل عمري٢٠  ادرس كليه إدارة أعمال

متعلق بأختي زهراء بشكل لا يوصف اتاذيت اهواي عليها كل يوم بليل ألوم نفسي و دموعي تجري على خدي اني السبب متأكده تتعذب خلال شهر ونص حاولت اتصل بيها اكثر من مره بس يطلع مغلق القلق ياكل كلبي اكل اهملت حياتي و صحتي دراستي صرت اگعد وحدي بلغرفه حتى اكلي قليل
ابتسامه بعد مترسم على شفتي عايش بقلق وخوف
ضليت مده طويل ماادوام جامعه و صلني تحذير وابوي طلب مني ادوام تنفيذ لارغبة ابوي

رحت اول يوم بعد غياب ايام طويل من يوم الحادثه ومره ١٥ يوم اني غياب من غير اجازه المريضه وصلت رحت اتمشى على حشيش فجأه شفت بنت تركض ناحيتي  و ضحكته رنانه و وراها بينه تركض تريد تلزمها  انضمت  البنيه لي تضحك وره ظهري
والثاني كدامي بعدين البنات استعوبنه شنو سون و اعتذرن مني رجعت بهذاك اليوم رجعت للبيت عقلي
يفكر بهاي البنيه ام الضحكه شكد روحه طفوليه ضحكته رنانه صوت ضحكته بذني

ثاني يوم حاولت انسها بس للاسفه طلعت بوجهي اول ما دخلت للجامعه و الحظ النعال طلعت بنت من بنات قاعتي  طبعا انصدمت لان هاي اول مره اشوفها بجامعه رحت سألت عليها وطلعت منتقل جديد للجامعه مالتنه وهي من بغداد اجتي بل وقت اني جنت بيه مريض وغايب  سألت عليها البنات كالو اسمها (سندس)بديت اتقرب منها بس هي تبتعد كلما ردت احاجي لو افتح موضوع وياها اكثر من مره تسوي مقالب بصديقاتها وتوكع بيه لان دائما اراقبها وقريب منها هي صح ما تنطيني  مجال بس اني ازعجهه دائما

جانت طفله برئيه ولطيفه بنسبه الي صرت لا ليلي ليل و نهاري نهار على طول افكر بيها وافكر بزهراء اختي اشلون وضعه اشلون عايشه جانت سندس كلما تشوفني حزين و صافن تجي تحاول تضحكني
اطلعني من حزني بدون ماتعرف شنو بسبب حزني بس جانت تحجي كلام حلو يذكرني ب زهراء  و ضحكه بسيط منها ودائما تاركه مسافه كلش اهواي بينا لمن نحجي صح مو اهواي حجينا بس حبيت كلامها

جانت  متتقرب مني او من اي شاب بجامعه وهاذا اهواي ميرحني
ومخلي بالي مرتاح صارت جزء من يومي صرت متعلق بيها مااكدر يوم واحد بدونها بدون لا اسمع صوته او اشوفه او اشوف ضحكتا صارت جزء جبيره مني صرت انجذب لها واحسه كلبي يريدها صرت ادوام بس علمود اشوفها

تدرون شي اني عمري وحياتي ما جنت آمن بشي اسمه حب بين شاب و بنت او صداقه بين شاب و بنت جنت اعتبر الحب بين الجنسين مجرد مصطلح احنا سوينا وهاذا شي مموجده اصلاً اخواتي جانن يحاولن يقنعني بس مستحيل لكن بعد ماشفت سندس صار عندي مشاعر من ناحيتها مشاعر مااعرف افسر حب لو تعلق لو تعود لو انجذاب للشخصية المرح و الغامضه بس اتأكد هاذا حب من بعد موقف صار بجامعه