فصلية شيخ قصي

part 44

فصلية شيخ قصي

بقلم:دموع

زهراء:
ما مَريّت صَدفة ببالَك اليّوم
ما مَر موقَف و ذَكرَك بيهَ
ما تشتاقلي
ما يَگعدك الليّل
ما فَكرت مَرة تشوفنَي شويَة
مَعقولة نَسيت أيامنا بساع
مَعقولة المَشاعَر كلها چذبية .
------------------------------------
زهراء

كعدت على السرير اضحك و اذكرت شسويت

لمن خلصت اكل صعدت للغرفه الأطفال نبشتها نبش لحد مالكيت الاريده جانت عباره على ابوريص
سليكونيه ومبينه مثل الحقيقه

هاي أميليا وأمير  مشتريته بدون مااعرف و خرعوني بيه وبعدين اني ضميته بغرفتهم وهسه اجو وقت الحاجه له

اني اعلمها دخلت للغرفه لكيت ملابس لها على السرير مبينه ملابس طلعه حطيت اللعبه ب جيب البنطرون وطلعت

وهسه خطتي نحجت خلي نشوف وين بعد يطلعون 

دخل قصي للغرفه باوعلي بغضب وكلت

-شبيك شكو؟
-انتي حطيت هاذا مو

ذب اللعبه بلكاع وكلت

-اي اني
-فوكها بكل عيني صلفه
-اعترف اني حطيته وشوف اني مخبله وانت اكثر واحد تعرف هاذا الشي اذا بقيت هاي تونه بلبيت ولله اخبلها وياي
-مره ثاني إذا عدتي هاي الحركات السخيفه يازهراء اموتج
-قصي رجاءا اطلع بر اريد انام تعبانه
-اني اعلمج

طلع واني كمت لبست وأخذت مفاتيح السياره اريد اروح اشوف الأطفال نزلت للصاله شفته هو هم لابسه ما اهتميت

قصي:اني رايح اشوف الأطفال تعالي وياي
زهراء:اوك

ركبت بسيارته و وصلنا دخلنا للبيت واستقبلونه الأطفال كعدن نضحك ونسولف وياهم

طلعن البنات وكعدن كعد عائليه بس ليليان جانت مو على بعضها متحجي و ساكته و ملامحها حزينه قصي كال

-شبيج ليليان
-مابيه شي
-عليه هاي السوالف احجي شبيج
-هم جنت تقدير جيد بالامتحان
-ليليان بلا جذب

قبل لا تحجي دخل مرتضى و عاكده حواجبه و يمه فهد مرتضى باوع ل ليليان وخزرها هي خافت و نزلت راسها قصي كام راح يم مرتضى رفعه من ياخته قمصيه وكال

-عيونك اطلعهن من مكانها اذا عدت هاي الحركه فهمت
-وخر عني ولا تسرع
-لك انت عينك طالعه

ضربه بوكس وكع بالكاع ليليان ركضت على قصي لزمت ايده وعيونه مغروگه بدموع

ليليان:قصي لا تضربه لله يخليك
قصي:ليليان روحي للغرفه
ليليان:لخاطري لا تضربه
قصي:ليليان

مرتضى كام من الكاع راد يهجم على ليليان قصي وكف كدامها وكال

-عينك صلفه اخوها واكفه كبالك وتريد تضربها اذا ما ندمتك
-افهم ليش اول