#الاطلس "دمليج أسود"
بقلمي: زهراء السلامي 💛
لتنسون التصويت + التعليق بين الفقرات + متابعة لحسابي 🌼.
• ━━━━━━❪♣❫━━━━━━ •
-علي: تأخرنه
-زهراء: لا حبيبي ان شاء الله لا.. مساء الخير
-بسملة: مساء النور
-محمد: شلونج عمو، اهلج موجودين مو؟
-بسملة: اي موجودين، تفضلو؟
-زهراء: احنه جايين نزوركم حبيبتي بسملة
-بسملة: تفضلو جوه
دخلتهم للاستقبال ورحت اطفر جوه واهز رگبة، چفتت على غرفة امي وابوية وفتحت الباب بهمجية..
-بسملة: وصلووو وصلللووو
-ام مريم: هااا والله؟؟ احمد گوم استقبلهم گوووم
-احمد: منو همه
-ام مريم: عمة الاطلس جاية انطونه خبر قبل لا يجون حصة اتصلت بيه وگلتلي همه بالطريق
-بسملة: متشوفنه كاشخات بابا
-احمد: كل هذا يصير واني اخر من يعلم؟!
-ام مريم: دگوم عيني مو وكتهه بعدين نسولف
-احمد: ما اطلع ما يهمني
-ام مريم: بسملة جايين زلم هم؟
-بسملة: اي ابو الاطلس والحبربش كلهم وياه
-احمد: جاي استاذ محمد؟!!
-بسملة: اي بابا كلهم كلهم شلع قلع انصدمت من شفتهم
-ام مريم: گووم احمد عيب الناس وحدهم جوة
گام بسرعة يبدل ملابسه وامي شايلة شيشة العطر ترشله، تركتهم ورحت لخواتي كاعدات يلوبن مريم ودعاء ونور صافنة عليهن..
-دعاء: هااا شو اجيتي؟؟
-بسملة: وصلو عيني وصلوو
-مريم: يمة گلبي راح يوگف شفتي اطلس؟؟ اطلس وياهم؟؟
-بسملة: اي ولج عينيي وشلون كشخة كاشخ تكولين عريس
YOU ARE READING
الاطلس "دمليج أسود"
Romanceاثناء دوراني حول نفسي بالغرفة بحيرة انفتحت عليه الباب، اللتفتت اشوف منو واذا اللگه زلم ثنين طوال لابسين اسود من فوك ليجوه وينظرولي بأبتسامة ماكرة خبيثه.. -اوهووو فاتت المدلل هيج عروس -اشلونك يَـ حلوا حطيت ايدي على قلبي راح يوگف ابتعدت خطوتين ودورت ع...
