#الاطلس "دمليج أسود"
بقلمي: زهراء السلامي 💛
لتنسون التصويت + التعليق بين الفقرات + متابعة لحسابي 🌼.
لتلوُمني انتَ السبب
والصَار كُله من ايَدك
وياك واصَل مرحِلة
احتاچَك ومَااريدك .✋🏻💕
• ━━━━━━❪♣❫━━━━━━ •
لميته دا ادخله جوه التيشرت وجريت الربطة حيل طگ الدبوس ووگعت الربطة من راسي صرت صفرررة من الفشلة خليت ورجعت ادخل جوه بالمطبخ وچان رجليه توگف والدم يبس بشرايني من شفت ابوية بوجهي..
-بسملة شمكعدج بابا بهالليل
-هااا
-احمد: شنو ها شعندج بره؟
-جنت.. جنت افتح الباب لاستاذ عمر اجه
-عمر؟ منو عمر؟
مد راسه من الباب شاف عمر واكف وبيده الفايل، طلعله ابوية بسرعة يأهل ويسهل انخبص بي خبص والا يفوته جوه..
-احمد: لا لا ما يصير تفضل استاذ جوه
-عمر: تسلم والله عمي الوقت تأخر وراية طريق طويل اجيت بس اتطمن على امي گالو متخربطة
-احمد: اي تفضل تعال بابا لا توكف بره
جره يسحسله جوه دخله من باب المطبخ واشرلي ابوية شعري طالع، ضميته وبقيت واكفة على جهة اسمعهم يسولفون..
-احمد: چان دخلتك بس والله البنات نايمات بالصالة
-عمر: اي عمي بس اشوف امي هنا ما افوت جوه
-احمد: اعذرنا حبيبي استاذ مو من مقامكم البيت
-عمر: لا عمو شنو السالفة بيت العامر ان شاء الله
-احمد: رحم الله والديك، روحي بابا صيحي خالتج ام عمر
هزيت راسي اي ورحت للغرفة دكيت عليهم الباب محد جاوب، فتحتهه على كيفي ورحت على زهراء نايمة همست يمهه بحس خافت ما حست ندستهه بكتفهه كعدت مخروعة وفززت غدير وسارة وياهه..
-زهراء: شصاير شنو شبيهم ولديي شبيهم
-بسملة: ماكو شي خالة والله ماكو شي بس عمر اجه يشوفچ
YOU ARE READING
الاطلس "دمليج أسود"
Romanceاثناء دوراني حول نفسي بالغرفة بحيرة انفتحت عليه الباب، اللتفتت اشوف منو واذا اللگه زلم ثنين طوال لابسين اسود من فوك ليجوه وينظرولي بأبتسامة ماكرة خبيثه.. -اوهووو فاتت المدلل هيج عروس -اشلونك يَـ حلوا حطيت ايدي على قلبي راح يوگف ابتعدت خطوتين ودورت ع...
