هيام قلبي

Chapture 22

نضت علا 3 تاع صباح لما يقطر عليا درت لفلاش تاع تليفون رحت نوض ضو مكانش راح تريسيتي نو تصب لما يقطر من سقف نضت هزيت لفراش سقف مخسر كامل ديار كل يقطرو وانا نقول كراهالنا رخيسة جبت ساشيات نربط ونغطي فالسراير تاع صالة غطيت تيلي ولخيوط وانا ميتة بالعيا حابة غير نرقد عيطت لخالد محبش يهز عليا منعرف وينو علاه مروحش جيت نعيط لماما ضرك تخلع عليا كيفاه ندير نعيط لمحمد من تبهديلة تاع قبيل نزيد نعيطلو هذاك وش خص.. تفكرت بلي عندي نميرو تاع رزيقة قلت نعيطلها وخلاص صونيتلها ردت عليا.. الو خالتي رزيقة وش راكي.. والله يا وجظان بنتي من قبيل حنا عڨاب لما ديار ولاو بحر.. عيطتلك علا جال هاذي حتا انا لما يقطر عليا من سقف.. انا دخلي من تحت عييت وش نديرلو.. عندك الضو ولا لا.. لالا قطعوه.. وش دير ماماك.. لباس الحمد الله روحت امس.. اا نحسب فيها هنا مالا راكي وحدك.. ايه.. يخااه و مخفتيش استناي ضرك تجيك روان تبقا معاك لصباح افتحي عليها.. هخلاص راني نستناها ربي عيشك.. بلا مزية رانا جيران كوبيت وبقيت نستنا حتا جات فتحتلها.. اهلا تفضلي دخلت قفلت لباب تشوكات كي شافت سقف يقطر وناضت تضحك.. حنا لعكس تاعك نتي جاك من لفوق حنا من تحت هيا نهبطو عندنا خير هنا مكانش وين نقعدو.. صح بصح باباك لتحت ميصلحش.. بووه ضرك نروحو لشامبرتي و نقعدو هيا هيا البسي كاش حاجة.. رحت لبست عباية و خمار قفلت لباب بالمفتاح هبطنا طبطبت فتح راجل تخبيت وراها حشمت زيد فليل.. وش جابك.. بعد وش دخلك تعرف غير تشرك فمك هيا وجدان ادخلي.. شكون وجدان هاذي.. ياولدي بعد خلي طفلة تفوت هيا ارواحي فوتي جات خالتي رزيقة.. زاكي وش دير هنا امشي لصالة اقعد مع باباك خلي طفلة تفوت.. شكون هاذي.. جارتنا جديدة روح برك ادخلي طاطا ادخلي دخلت دارو شمع فدار راحت من بالي طول لقيت جون واقف فالهول يشوف معايا حشمت قدقد دخلتني روان لبيتها و خبطتت لباب في وجهو.. اسمحيلي هذا خويا شوية فضولي اذا كشما يقولك احڨريه ادخلي نحي بشماق فوتي لسرير متحشميش دار دارك ديريني كي ختك.. ربي ينجحك ان شاء الله مننساش خيركم.. بووه بلا مزية الانسان يدير الخير حتا فالحيوان فمابالك بالعبد.. صحصح معاك الحق.. رحت لسرير عندها زوج معندهاش خيات عندها خوها زاكي كبير كثر مني بعامين يخدم فلابوسط، تكيت جابتلي غطا تفكرت تاع محمد نسيتو لفوق ياا ربي حابة نخليه عندي شاف فيا.. وش بيك علاه تقلقتي.. نسيت واحد لحاجة لفوق.. وش هي.. غطا مدهولي خطيبي قبيلا خلييه منبقاش طالعة هابطة.. ضحكت، اسمعي نقولك حاجة بصح متتوسويش نورمال.. ايه قولي.. عجبني خطيبك يطربڨ فالزي كي جاو مروحين من عندكم طليت من تاق كون مجاش تاعك اقسم بالله غير ندير لمستحيل باه ندييه.. ضحكت، راهو ليك اذا قدرتي تديه اديه هنيني منو.. عقدت حواجبها، علاه تقابضتو.. لالا هو نيفوه طالع بزاف لعكس تاعي يحب كلش مسڨم و مليح وانا كلش تاعي مقود.. يوو مالا نقولهالك العلاقة تاعكم ناجحة ميا بالمية.. اه علاه.. كي يرتابطو زوج حوايج متضادين يتكاملو وين تلقاي التضاد يكون التكامل درتيلي لحماس.. هههه بصح مجربتيش عمبالك وين نشوفو ندخل في بعضايا و نتوتر نولي ندير في تصرفات انا نحير في روحي قبيلا برك عيطتلي راحتلي لهدرة وليت نتمجنن يااو غير نسكت.. معليش لحاجة هاذي بلاك داخلة في شخصيتك وهو يحبك ولا لا.. والله وش نقولك هو قالهالي من قبل بلي يحبني ومنعرف.. وش رايك نتي.. اووف وش راح نقولك فالحاجة هاذي عندي تناقض من جيهة نقول يحبني خاطر دار حوايج علا جالي متناسبش شخصيتو و من جيهة نقول كيفاه يخلي الاصناف و الاشكال تاع لبنات ويجي عندي و عمبالك صرالي مشكل في جرتو قلت بلاك يحب يسكت ضميرو ويحتم في روحو عليا منعرف منعرف كلش تخلط.. ونتي تحبيه.. اه.. ضحكت ونتي تحبيه ولا لا.. اا وش راح نقولك كون مجيتش نحبو مقبلتش بيه.. عندك لحق واحد كيفو و ميتحبش وش يخدم.. طبيب.. يووو هههه بصحتك واللغير تستاهلي.. وتخيلي نخدم معاه.. ايي وانا نقول عجبتيه.. خلاص بركاينا راح توليلي فرح.. اييه حقا فرح حتا ختك الله يبارك عقليتها فوور.. شوية يعني هذا وين بدات تتعلم.. اي هي دوزيام لعام جاي لباك تكره حياتها.. علاه تكره بالعكس تفوت تجربة تقوي شخصيتها انا نشفى عاني تاع لباك صح فات عليا كحل كرهت الليسي و لعباد لي فيها و الاساتذة كنت منحملهمش وكنت ناقصة شوي فالقراية وشحاال بكيت فهذاك لعام اييي كنت رقاد منشوفوش نضل فليكور صباح عشية وبابا ميمدليش دراهم باه نشري الادوات و نخرج لورق و نسلك لي كور و تعبت بزاف كنت منتفاهم حتا مع طفلة كل منافقات و يحبو ينعتو رواحهم يشوفو لولاد يتبدلو الحمد الله كون مجيتش نصلي و نقرا فالقرآن و ندعي في ربي كون راني قتلت روحي من هذاك الضغط والحمد الله تجربة خرجت منها حية.. ايي سعدك تهنيتي والله.. متخافيش منو نتي اقراي و اتعبي شوي و اتوكلي علا ربي سبحانو بإذن الله تنجحي وديري في بالك كلش مكاتيب ياخي.. ايه هذيك هي وش كتبلي ربي.. هكذاك و يصوني تليفوني هزيتو لقيتو خالد رديت عليه.. الو خالد وينك.. وينك نتي راني عند لباب نطبطب افتحي.. منيش فدار راني عند جارتنا لتحت.. اه وش ديري ثم فالوقت هذا.. يااو سقف دار كل يقطر بالما تاع النو مكانش وين تريح.. قولي والله.. والله نكذب عليك ارواح ادي المفتاح شوف بعينك.. اني جاي نشوف تراه لمشكل هذا.. نضت درت خيماري، اسمحيلي نمد لخويا المفتاح برك.. ايه نورمال راحت فتحتلي لباب خرجت عندو شاف فيا.. ياخي لباس عليك.. ايه ايه لباس نهار كامل انا نعيط نتا متردش.. قرصني من خدي، ياعمري تغشت من خوها خلاص خلاص غدوا نشريلك شيبس سمحيلي ختي والله فت عند جمال حكحمني بالهدرة  وعرضني للعشا ڨصرنا مفقتش لقيتها لوحدة جيت جاي النو مكانش كيفاه نروح حتا عيطت لصاحبي جا جابني وتليفون مفقتش بيه كان سيلونص جيت نعيطتلك قلت تكون راقدة حتا جيت نطبطب محليتيش.. امم باين فيك.. ههه وجدان رانا فالبلوك متهبلينيش هاتي نشوف تراه وش صرا.. هاك وغير شوف وين تبات انا حشمت روحي جيت هنا.. اقعدي برك راهم ناس ملاح نعرفهم متخافيش ايا تصبحي بخير غدوا اطلعي عندي.. ايه ان شاء الله  تصبح علا خير.. ونتي من اهلو طلع رديت لباب و رجعت لشامبرة قفلت لباب نحيت لخمار مقدرتش نحي لعباية راني فدار ناس كشما يصرا، شافت فيا روان.. اسمعي وين راح يرقد خوك دار مبلولة.. والله ما نعرف ضرك يشوف كشما يفكر.. واللغير اصبري اصبري نقول ماما تهدر مع بابا يقولو يجي يبات هنا مع زاكي.. يخااه بزاف عليكم.. نورمال وش بيك اقعدي ضرك نجي راحت واللغير غاضني خالد كنت حابة نقولها بصح حشمت انا بزايد ناس منهار لول فتوحلنا لباب ركبنا فوقهم اووف بزاف والله، زادت شوي جات خالتي رزيقة.. بنتي مقلتيليش كون راني عيطتلو عيطيلو برك يجي يبات مع زاكي.. ياخي نورمال متقلقش عمي.. بالعكس جبدلي عليه كي جيتي قالي و خوها وينو.. يعطيكم الصحة ربي يرحم والديكم و يفرحكم كيما فرحتونا.. امين ياربي تستاهلو راجلي يعرف خوك مليح وناس ملاح بلا مزيتنا هيا روان روحي فرشي للراجل حذا خوك خفي عيطيلو برك ابنتي يجي.. ايه عيطتلو رد عليا.. ايي خيتي وش هذا غدوا نجيب لبلاتر نعاود كلش دار بحر.. ياخي لقش مغطي.. ايه مزية فقتي.. خلاص اهبط برك ترقد هنا راهم يعيطولك ارواح مكانش وين ترقد ثم.. خلي برك تي بزايد.. خالد ارواح برك نورمال راك غلبان.. اووف واللغير مشكل راني جاي.. ايه ارواح، زاد شوي طبطب فتح عليه زاكي دخلو لشامبرة شمع دايرين بدار الحمد الله رتحت ضرك، روان رقدت غلبت مسكينة انا مقدرتش طار نعاس مالڨري راني راح نطيح بصح مقدرتش تليفون طفيتو لاباتري تهبط تريسيتي مكانش، بقيت نخم في حياتي و صوت تاع رعود حتا داتني عيني ورقدت.،،