-أيه المهزلة دى هو فين العروسة كل ده انا ملقتهاش ولا فى بيوتى سنتر ولا فى بيتها
×أهدى يا يوسف يابنى هى أكيد راحت فى عربية لما اتأخرت!
-و حتى لو دى كان زمانها وصلت الكل مستنيها و الفرح قرب يخلص يا عمى
أبو العروسة و العريس و الكل متوتر لحد ما سمعوا أصوات طبل و مزامير و داخلة العروسة فيروز لكن الصدمة كانت...أنها فى أيد راجل تانى ...أكبر منافس ليه فى حياته...أبن عمه
-كنتى فين كل ده يا ست فيروز و البيه ده ماسك أيدك بتاع أيه
كان لسة هيبعد أيدها لكن لقى قدامه أبن عمه أيهاب الل وقف و هى وراه لسة ماسكه أيده،قرب أيهاب و عينه مليانه مواجهه، عشان يصدم الكل بجمله.
_شيل أيدك عن مراتى
-مر...مرات مين ايه الهبل ده انت عاوز تبوظلى ليلتى طول عمرك بتكرهنى
×بس...مين ده يا فيروز و اللى بيقوله ده ايه...ردييى
=إيهاب جوزى يا بابا و انا و هو بنحب بعض بس يوسف هو اللى فرقنا عن بعض و غصبنى اتجوزه...مش مكسوف من نفسك و أنت مش لاقى واحدة تقبل بيك...صحيح مين هترضى براجل زيك غشاش و كل ليلة مع واحدة
-فيروز انتى بتكدبى صح عاملة فيا مقلب مش كده
_كلامك مش مع مراتى...عمى انا أتجوزت فيروز على سنة الله و رسوله
إيهاب بص ليوسف و أبتسم بشر حاسه يوسف اللى كان هيتجنن!
معقول اللى هو شايفه، معقول البنت الوحيدة اللى قدرت تاخد قلبه تعمل فيه كده، دماغه رجعت لورا و أفتكر حبها ليه.
=أهلا يا مستر يوسف انا البشمهندسة الجديدة فيروز
أول ما شافها بلم و أنبهر من جمالها-أنتى هتكونى السكرتيرة بتاعتى
=أيوة بس االبشمهندس محمود قالى أنى هشتغل تبع تيم المهندسين
-و انا مدير الشركة دى و صاحبها و بقولك هتكونى سكرتيرتى
أبتسمت أبتسامة خطفت القلب و عدلت نظارتها برسمية=هنبدأ الشغل طيب
مد أيده يلمس أيدها كعادته مع اى موظفه لكن الغريب رد فعلها لقاها بتشد إيدها و مشيت
-هتفضلى لحد إمتى تبعدى
=بشمهندس يوسف انا مبحبش طريقة التعامل دى انا بحب أحط حدود لأى حد يتعامل معايا
-هو انتى مرتبطة؟؟
=دى حاجة تخصنى مش من حق اى حد يتدخل فيها
-تمام... هتيجى معايا عزومة العشا
=انا شغلى متلخص فى الشركة بس فأرجوك ياريت حضرتك تلتزم بده
مشيت و هو بيتعلق بيها أكتر و أكتر و فى يوم حفلة الشركة عملاها كان كل الموظفين معزومين و الكل بيحاول يكون مبهر و يخطف الأنظار لكنه كان معاها هى و بس بعينه و قلبه و وجدانه.
أنت تقرأ
حكاوى «romantic »
Romance-مقولتليش برضوا إيه اللى خلاكِ متأكدة كده إنِ هرجع أبتسمت وقولتله_كل مرة أنت هتجيلى لأن كل مرة أنت البطل, مهما أختلفت هيئتك مهما أختلفت شخصيتك أو القصة فى الأخر انا من ضلعك وأنت بطلى -بحبك...بحبك حتى لما مكنتش أعرفك, بحبك حتى لو كنت بكرهك جوايا جزء...
