تم إختطافي ( قصة بالدارجة مغربية 🇲🇦 )

Part 13 ✨

#🥀💎 تم إختطافي💎🥀

#الجزء 13 : ❤🦋

*المرة الثالتة نجحت وقدرت نشد في القنبة..

فراس : مزيااان مزيااان طلعي

بقا كيدفع فيا بايديه حتى وصلت وتشقلبت..

فراس: واخيرااا يالاه لوحي ليا السلوم

انا: هاا بلاتي نرتاح

فراس: يارااااااا !!!!!!

بقيت مسرحة حتى رتاحيت وطليت عليه

فراس(معصب): يالاه لوحي

انا: بلاتي نشف حالتي ونجي

فراس: راه لطلعت ليك والله حتى نفرشخك

انا: حتى طلع بعدا هاهاهاها

مشيت هبطت هزيت مانطة وتغطيت بيها وخرجت طليت عليه ثاني لقيتوا كيترعد مسكين ... بقا فيا وانا كنت بغيت غير نشد فيه ... لحت ليه السلوم هو يطلع كيف شي وحش وجاي جهتي ...متصورووش اش شفت اويلييي فيين هو الشورط لي كان لابس  ايييه ايييه شفت هذاك لي فبالكم وناااري قداش استغفر الله ..استغفر الله ..بقيت حالة فيه فمي ..ملي هزيت عينيا فيه لقيتوا بغا يصرفقني ولكن حبس وبدا يشوف فين كنت كنشوف..

فراس: ءءءء..

غبروا بيدوا ومشى كيجري دخل لداخل ..تسرحت فلأرض وبقيت كنضحك كنضحك حتى سخفت..

فراس(كيغوت): وغييير ضحكي أ بلاتي على مك !!

انا: ههههههههههههههههههههه..

صافي مبقيتش سكت ..اول مرة فحياتي كنت غنشوف داك العجب ..بااز لمرتوا والله هههههه ...دخلت لقيتوا لبس..بقيت كنضخك بشوية..

فراس(مخنزر): علاش كتفرنسي؟

انا: ءء تت ههههههههههه

قرب ليا وشدني من يدي..

فراس: اجي بعدا علاش ملي طلعتي مبغيتيش تلوحي ليا السلوم ؟؟

انا: وغيير كنت بغيت نشد فيك...

زير على يدي كثر..

انا: ايييي ايييي

فراس: واش كنضحكوا هنا ولا شنو؟

انا: و صافي طلق من يدي راك قصحتيني.

طلق مني وبقا كيشوف فيا..تفكرت ثاني المنضر ديال قبيلة وانا نبدا نفرنس..حتى هو ضحك

فراس: ههه تفوو على عقل عندك شحال مسخ

انا: هههههه نقول ليك واحد الحاجة ولكن عنداك تعصب ، نصيحة مني سير نقصوا راه مغادي تقبل بيك حتى شي وحدة ههههههه

تلاحيت فوق الفوتوي وغمضت عينيا وبقيت كنضحك ونقوول ما ضحكت ملي حليتهم لقيتوا قدام كمارتي جمعت الضحكة

انا: مالك؟

فراس: شنو رأيك هاذ شي تجر....

قاطعتوا حيث عرفتوا أش غيقول ..

انا : صاففي سكتت يخخ

نضت فحالي وهو يجرني حتى طحت فوقوا ..شقلبني ودارني تحت منو..

انا : فف فراس حح حييد عليا.ط

فراس: هههه متحشميش وغير قولي ليا ياكما عجبك؟

انا: ءءءء استغفر الله اش جالس كتقول؟؟ حيييد عليا.

دفعتوا ونضت دخلت لواحد البيت ..قلبي كنحس بيه كيضرب في الميتين ... نااري نااري قلبييي مبقاش بغا يوقف معرفت علاش ... مشيت تكيت وبقيت كنفكر في اش وقع هاذ النهار كامل حتى بديت كنضحك غير بوحدي ..غمضت عينيا ونعست ..ما فقت حتى كان وصل الليل ..نضت تكسلت لقيت اللحافة ولات حالتها كلها عامرة ماء مع نعست بحوايجي فازكين...

#يتبع.....💜💫