تم إختطافي ( قصة بالدارجة مغربية 🇲🇦 )

Part 27 ✨

#🥀💎تم إختطافي💎🥀

#الجزء 27 : ❤🦋

فراس: لا أحبيبتي مواقع والو

انا: مالك مقلق؟

فراس: صراحة مكانش عليا ندير داك شي كامل فالاخير الله كيحاسب ولكن مندمتش حيث خطفتك والله

انا: حتى انا ههه زعمة مزياان ملي خطفتيني

فراس: شنو رأيك نخطفك ثاني ؟؟

دورت يديا على عنقوا..

انا: اممم موافقة ههه

فراس: خاصنا نتافقوا على امتى نتزوجوا

انا: انا مزرباناش

فراس:ولكن حنا زربانين

انا: شكوون نتوما ؟؟

فراس: انا و (شاف في سروالو)

انا: آآه والله يمسخك ، متبقاش تنعس حدايا نخاف انك تغتاصبني وداك شي مشاءالله عندك غير الله يحفضني منو وصافي

فراس: شوفي غدا وجدي وراقيك وغندوز المحكمة ندفع كلشي باش نتزوجوا في اقرب وقت ممكن

مجوبتوش خلعني من دابا..

فراس: عقلتي على داك النهار شحال ضحكتي عليه وقلتي ليا احسن عوان هاذي لي غتزوجك اوى اش كااين دابا أ بتي أ يارا هاهاها

انا: الصمت

فراس: اممم قريب غادي يهجروا ليك على داك النهار هههههه

انا: ونااري صاافي

مشيت نعست وحتى هو جا دخل معايا فالفراش وجلس كيثرثر ويعاود على مستقبالنا وانا غير ساكتة وكنقفقف ملي كنتفكر داك العجب لي عندوا ..نعست وخليتوا كيهدر مع راسوا

نهار جديد 🌞🌞 فقت ولقيتوا واقف كيلبس

انا: صبااااحوو فيين غادي؟

فراس: عند واحد الصديق يوجد لينا وراق الزواج ، نوضي عطيني لاكارط والوراق ديولك

انا: واش من نيتك أ فراس؟

فراس: علاش كتقلبي فهاذ الصباح؟ بنت ليك كنضحك!!

انا: وااخة غير متعصبش

نضت جبدتهم وعطيتهم ليه.. شدهم من عندي وقرب باسني في حنكي وخرج ... لبست وصليت ومشيت عند بابا ..لقيتوا خارج من الحمام

انا: بابا !!! علاش نضتي بوحدك مخفتيش طيح اجا اجا جلس

( جلستوا ) بابا: يـ ا يارا

انا: نعام أ بابا ؟؟

بابا: ففـ .. فـ فر ا سس..

انا: فراس!! مكاينش يالاه خرج اش بغيتيه ..هو جالس معانا فدار حيث ... حيث ..انا وياه أ بابا كنبغوا بعضياتنا ومشى دابا باش يوجد وراق دالزواج