ذنوب ملقاه

الجزء الاربعين

" سام "
بعد كلامه مع لمى اتجهه لشي الي دايم يسويه
وهو يشرب خمر عشان ينسى الي صار معاه
على انه الخمر ما يسبب بالنسيان
بالعكس يزيد عليه الحزن
لانه كل الي صار ، صار بوعيه
مجرد ما يصحى راح يذكر كل كلمه قالتها لمى وكل شي سوته غسق بحقي
حس نفسه ضايع
الدنيا لعبت عليه من كل جهه
موت ابوه وهو صغير
المسؤوليه الي اخذها وهو صغير بعد فقدان ابوه وابوي
بليلة الزواج اكتشف اني مو بنت
وفاة امه ، حقيقة البنت الي كانت غاليه عليه ولي كان يحمد ربه انه عوضه ب غسق الي كان يشوفها الاخت الي كان ناطرها من امه وابوه
الكلام الي كان يقطه علي
فعلته بالشهر العسل وندمه
شوقه لامه الي هد حيله ولي كانت له الام والاب
راح لها يطلب منها المساعده
يقولون الميت يسمع
وممكن انه تسمعه بس شلون تساعده اذا هو نفسه ما ساعد نفسه
تعود ان طاح بمشكله وما قدر يحلها يلجأ لامه
بس الحين يلجأ لمنو ؟
قاعد عالارض وبين كفه اليمين تراب قبر امه
نطق بغصه : ليتج يا يمه ترجعين له بس خمس دقايق تقولين لي شنو اسوي مالي غيرج يمه الجأ له
حذف التراب من بين كفه
رجع اخذ تراب مره ثانيه ونطق : يمه تحجيت بشرفها ما صدقتها من قالت ما سويت شي حتى الجنين الي ببطنها قلت مو ولدي
مسح دموعه بكفه اليسار : يمه قومي قولي لي انت مو ريال قومي طقيني كف لانه استاهل بدال واحد ١٠
تنهد : يمه احس بنار وسط قلبي قومي قولي جم كلمه يطفي هالنار الي بقلبي قومي يمه اخذيني بين احضانج قومي يمه دليني على طريج الصح
رفع راسه ، خذا نفس عميق ونطق : آههههههه يمه آه
نزل راسه وبحركه سريعه مسع دموعه من سمع احد ناداه ب اسمه
التقت ونطق : انا سام بس منو انت وشلون تعرف اسمي ؟
حارس المقبره : في احد قاعد يم سيارتك وطالب انه يشوفك ضروري
قال كلامه وراح من قبل لا يسمع رد سام
عقد حواجبه : منو ؟ معقوله يمه تكون لتين ؟ يمه انا ماني عارف ان شفتها شنو بسوي او شنو بقولها وانا طول الوقت كنت اغلط عليها واهينها
ترك التراب الي بين كفه ونطق : يمه انا بروح بس برجع ازورج مره ثانيه بس تكفين يمه انا وايد مشتاق لج وايد تكفين تعالي لي بالحلم لو بس اشوف طيفج يمه ، مشتاق لج يمه الصور ما تطفي الشوق الي بقلبي والله لو بس المحج بالحلم ابي اشوفج يمه
طبع بوسه على قبر امه
قام مشى اول خطواته

التفت لقبر امه ونطق : يمه سلمي لي على ابوي قولي له ولدك سام حيل مشتاق
اتجهه لسيارته وهو كان يفكر شنو من كلام يقوله لي
لانه كان يحسب انا الي قاعده يم سيارته
وقف من شاف الشخص الي ناطره مو انا
كانت امي وكان الحارس معطيها كرسيه عشان تقعد
اتجهه لها بخطوات سريعه
انحنا لمستواها ، حط راسه على رجولها ونطق بغصه : كأنه وجودج اهني هي مساعدة امي لي .. خالتي
نزلت دموعه لوسط خده : خالتي تكفين سامحيني تكفين
رفعت كفها لشعره ومسحت عليه : لا تطلب المسامحه مني يا ولدي قبل لا تطلب المسامحه من انسان اطلبه اول من ربك .. ربك الي عصيته من شربت هالخمر
رفع راسه لامي ونطق بنبرة حزن : كنت ابي انسى الي انا قاعد اعيشه
امي : الي قاعد تشربه مارح ينسيك مردك راح تصحى من الي شربته وراح تذكر كل شي شنو أستفدت ؟ ها تكلم قول شنو استفدت غير انك خليت ربي يغضب عليك الي انت قاعد تعيشه هذا غضب ربي عليك لانك شربت شي ربي حرمه علينا
سام : كنت ضايع يا خالتي
امي بحده : ماهي حجه هذي دامك ضايع ليش ما تقربت من ربي ؟ دامك انت ضايع ليش ما تقربت من ربي عشان يرضى عليك ليش لجأت للخمر وغضب ربي ؟
سام : انا قبل وفاة امي كنت اصلي .....
امي : الي قلبه متعلق ب ربه ما يلجأ لغضبه وقت الشده
سام : ربي راح يسامحني ؟
امي : ﴿ فَمَنْ تَابَ مِنْ بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ إِنَّ اللَّهَ غَفُورٌ رَحِيمٌ ﴾
سام : ونعم بالله
امي : ولتين خلها هي متى ما تسامحك تسامحك والحين ابيك تقوم نروح البيت ابيك تسبح وتجابل القبله وتصلي وتدعي من قلبك وربي غفور يا ولدي غفور وكريم لعباده
ابتسم : ان شاءالله
مسحت دموعه ب اصابعها : ربي يهديك يا ولدي
سام : خالتي شلون عرفتي اني اهني ؟
امي : طلعتك من امس صار الصبح وللحين ما رجعت البيت ادق عليك تلفونك مسكر قلت اكيد انت اهني
سام : يا بعد قلبي يا خالتي انزين تدرين لتين وين ؟
هزت راسها ب اي : ادري كلمتني امس ويلا امش تكسرت وانا قاعده بالكرسي رجعني البيت
_
_
غسق : سيارة سام مو موجوده شكلهم مو بالبيت
الفهد : يعني وقته الحين تبين تاخذين اغراضج خو ليش ما خذيتهم امس
غسق : شلون اخذهم كلهم وانا ما كان عندي الا جنطه وحده
نزلت من السياره
اتجهت للباب وطقت الجرس
مره مرتين ثلاث
محد فتح لها الباب لانه من الاساس محد بالبيت