تملكني عشقا❤️⁩⁦🔥

part 1

بسمِ اللّه الرحمٰن الرحيم "

/المقدمة/

هبه (ببكه ): يما إنتي امي أفهميني مانبيش نتزوجه ليش ماتبوش تفهمووني ليييش 😭

ام هبة(خيرية): والله يا بنتي ماعنديش مانديرلك بوك عطا كلمه لنااس مانقدرش نتكلم أفهميني 😓

هبة(ببكه): واللهي الا لما ننتحر مانبييش واحد مانعرفاش منين ولا شن شكله 😭

خيرية : شن تقولي هبلتي إنتي تعودي من الشيطان والناس سمعتهم كويسه وهما حالتهم المادية ماشاءالله توا بري توضي وصلي واستغفري ربك مرات يطلع فيه خيير 😓

هبة: حااضر يا ماما على خاطرك حنرضى بالمجهول 😭

خيرية : سلم بنيتي ربي يخليك لياا هي صلي والحقيني صبي معاي الغدا قريب يجي بوك وخوتك

هبة(وهي تمسح في دموعها) : حاضر يا ماما ربي يخليك ليا
............

‏" ستترك هذه الندبة علامة تذكرني أن حتّى يد المُحب لن تكون على الدوامِ حنونة🥀 " .

..............

تعالو نحكيلكم أكيد مش فاهمين شي تعالو نفهمكم شن قصة هبة وعيلتها

- هبيه مواليد الـ 2000 طشه(قصيره) نقشها على الاسود وبشرتها حنطيه وشعرها لونه اسود وطويل

-امها خيريه وباتها محمد طبعا امهاا قنينه وطيبه وحنينه - باتها حتى هوا طيب بس فيه اسباب خلوه يعطي بنته لي ناس بدون مايسألها او ياخد رايها كيف ماشفتو وحالتهم المادية على قد حالهم .

خواها عندها 2
عبدالوهاب مواليد 98
قصي مواليد 99

كملو الرواية عشان نعرفو الاسباب يلي خلو بات هبة يزوجها بدون مايشاورهاا ؟؟

في مكان اخر ...

؟؟؟ : تي بالله فوتني يا راجل ماتنفخهمش

؟؟؟: خيرك متكنط غير احكيلي تي صاحبك نا

؟؟؟: مش وقته خليه بعدين

............

////////////
في بيت محمد

هبة تغسل في الماعين وعقلها مش معاها بكل تفكر في المجهول

خيرية : هببة هيي هبة

هبة (انخلعت): ااا نعم يماا

خيرية : تكملي غسل لماعين تعالي باتك بيكلمك في موضوع

هبة (بحزن) : انشالله خير حاضر شوي ونجي

خيرية : ربي يرضي عليك بنيتي السمحه

هبة ابتسمت .

في المربوعة .

طق طق

محمد : خشي يا بنيتي

هبة : بابا كلمتني

محمد: اي يا بنتي تعالي قعمزي بحدايه

هبة (مشت وباست راس باتها وقعمزت بحداه)

محمد: ربي يرضي عليك اسمعي يا بنيتي صح ماعطيتك وقت تفكري وعلى طول عطيت كلمتي لناس والناس أنا نعرفهم والراجل صاحبي طلبك لي ولده وانا نبي نتهنى عليك قبل ربي ماياخد امانته

هبة(ببكه) : بعيد الشر عليك بابا ماتقولش هكي ونا اي شي تقوله حاضر ومش حنعارض على الزواج وحنلبي طلبك واهم شي رضاك

محمد: ربي يرضى عليك دنيا واخره يا بنيتي

هبة (ناضت باست راس باتها وخدت رضاه)

طلعتت من المربوعة ومشت لجنان قعمزت وقعدت تشوف لي السما وتعد في النجوم لان هبة عندها عاده لما تضايق تقعمز وتشح لسماا

هبة : ياربي اكتبلي الخير في حياتي الجاية لان خايفه يمكن يطلع يضرب ولا يطلع سكار ولا يطلع حشاش يااارب كون معايه .

نااضت توضت وصلت العشاء ودعت لربها .
.......

" لأنَّ له قلبٌ مضطرب لم يُشْفَ من جروحه القديمة، قضى حياته وهو يُمسك بأيادٍ غير آمنة، ويندفع نحو أَذْرُعٍ لم تُرحِّب به 🥀."
......

تعديل

تعالو نحكيلكم عن بات هبه
محمد بات هبه مريض بالخبيث اللهم اعفنا وخبر مرته وضناه انه مريض بس ماخبرهمش شن مرضه يعني مايعرفوش يلي يعرف محمود صاحب محمد لان اصحاب وقريبين من بعضهم وحتعرفو من محمود في الحلقات الجايه

الكاتبة وعد إبراهيم .

البارت 2 حيكون مشوق بحكم حنخشو في الرواية وحنتعرفو على الشخصيات الاخرى .

اتمنا لكم قراءة ممتعه .

كانت نبذه عن الروايه ⁦❤️⁩🔥