تسريــع الاحداث 🍃🔥
مصعب خش للحوش وفي ايديه كياس :طشتي وينك تعالي خودي لكياس من ايدي
هبه طلعت من المطبخ تمسح في ايديها وخدت منا لكياس
هبه :سلمك جيااب يا قلبي ..ودخلتهم للمطبخ
مصعب :امس جو نبيل من تركيا غيري نرفعك تسلمي عليهم
هبه :الحمدلله على سلامتهم
مصعب : بكرا طالع عندي توكه في المقر بالاقل اسبوع ونروح وانتي نرفعك عند هلي لين نجي
هبه :اها تمام نروح نوتيلك شنطك
مصعب :تمام
..غيرت ومشو لي حوش اهل مصعب وكان مصعب مكلم عبير وريما وهلهن والكل مستغربين ليش جامعهم وريماا خايفه بتمووت
وصلو مصعب وهبه لي حوش اهله استغربت هبه ليش الكل موجود بس خلت روحها طبيعيه
خشو سلمو وكانت فيها الصالةعمتهم نعيمة و عبير وهند ومنيرة ولجين وحنين وبنتها اسيل
وريما وامهاا
الاضافه يلي الكل يستناا فيهاا❤️🔥 .
هبه🍃
خشيت سلمت وبسيف نعيمة مدتلي ايدهاا وبعدين سلمت على حنين بالاحضان وقعمزت
.
هند : شن احوالك
هبه :الحمدلله
هند :دومم انشالله
نعيمه:اشبيهاا اكيد بتكون كويسه 😏
مصعب :طبعا اكيد مستغربين ليش كلمت الكل حنقول كلمتين وتسمعوهم كوييس
هبه تفكر شن مصعب داسس وماقاللهاش
مصعب :موضوع امتاع الاستراحة يلي يخص مرتي يومتها ولاممكن نشكك في مرتي واحترامها والكل شكك واتهمها ونا دورت ورا الموضوع ...وقعد يشوف لي عبير وريما يلي بيموتو من نظرته
مصعب شاف لي عبير و يما:تبو تعترفو ولاا نخليكم تتكلمو بطريقتي ...
مصعب بصوت عالي هز الحوش:يلااااا
ريما وعبير رعشو مع بعض ...والكل مستغرب ومش فااهم
عبير بتلعتم:أنا مممادخلني كله ريماا يلي خططت ودارت كل شي نا مادخلنيش وربي يا مصعب هيااا يلي جابت الولد وخلت هبه تخش للمخزن ونا كلمت ماما بس هيا يلي قاتلي وقعدتت تبكي😭
ريما بخوف:شن تخرطي انتيي اسكتييي
هبه مصدوومه فيهم كيف قدرو يوصلو لي شرفهااا ومش ساهل توصلي في شرف بنت وتوسخيه
مصعب :تعرفي يا ريماا نا دبرت موضوعك وباتك حيصرف ونا مرتي خطط احمرر يابال توصلو شرفهاا وانتي يا عبير احسابي معااك بعدين
هبه قعدت تبكي ووقفت قدام لي ريماا:أنا شن درتلك لين توصلي في شرفييي يا حقييره
ريما :إنتي الحقيره والتافهة والوسخه يلي خديتي مصعب مني
هبه ضربت كف لي ريماا لين طاحت عالارض وهيا ماسكه وجهاا
هبه :هداا الكفف مش حتنسيه طول عمركك
منيره :ريماا ماتوقعتش تديريها والله تديري هكي طحتي من عيني .
نعيمه ماعرفتش شن تقول
الكل اعتذر من هبه 🔥
هبه قدرت ترد اعتبارهاا بفضل مصعبب وهنا الحب الحقيقي انه يكون سندك ويكون جنبك في وقت الكل ضدك ❤️
مصعب طلع وهبه قعدت مع البنات طبعا ريما رفعتها وروحتت وكان باتها عارف كل شي لان مصعب حكاله ووراله دلائل وهوا كان يتوعد لي ريما واول ريما روحت لاقاها باتهاا وعطاها طريحه نبااش لقبور وامها ماقدرت تفكهاا من بوهاا .
وعند البناات بعد هداا الوضع
لجين :تعالن نكسدو في لجناان
هند :هي خل نطلع المفرش
حنين :ونا نمشي نوتي الشاهي والمكسرات
هبه :ونا نمشي مع حنين
YOU ARE READING
تملكني عشقا❤️🔥
General Fiction#رواية باللهجة الليبية 🔥❤️ #اتمنا لكم قراءة ممتعه ❤️ #رواية جديدة واحداثها غريبة❤️ روايــات وعـــد ابــراهـــيم 🔥 فتــــــــاة الشـــمــــــــس🔥❤️
