အခန်း ၁၈ မြေခွေး၀န်ကြီးချုပ်
ရထားလုံးတံခါးဘေးမှာ အေးခဲနေတဲ့ ကျွော့ချင်းက အကျပ်ရိုက်နေတော့သည်။ သူမက စိတ်ပျက်လက်ပျက်နဲ့ ခေါင်းငုံ့ထားလိုက်သည်။ သူမခါးမှာ ချည်ထားတဲ့ အစိမ်းရောင်ဖျော့ဖျော့ စကတ်ကို ပြန်သတိရလိုက်လိုက်တဲ့အခါမှာတော့ ကျွော့ချင်းရဲ့ မျက်လုံးတွေ တောက်ပလာပြီး သူမကိုယ်သူမ တိတ်တိတ်လေး သတိပေးနေသည်။ စိတ်အေးအေးထား၊ သူ သတိမထားမိလောက်ပါဘူး။
ရထားလုံးအပေါ်ရှိ ရှီးယန်၏ သွယ်လျသော မျက်လုံးများကို မော့ကြည့်ရင်း ကျွော့ချင်းက သူမဘာသာ ထပ်တွေးမိပြန်သည်။ အဲ့တာကို သူ သတိမထားမိဘူးပြောရင် သရဲပဲ ယုံလိုက်မယ်။ သူမက သူမကိုယ်သူမ လှည့်စားနေမိမှန်း သူမ သိသော်လည်း ကျွော့ချင်းက ချောင်းအနည်းငယ်ဟန့်လိုက်ကာ သူမ၏ စကတ်ကို ဆွဲချရင်း နောက်သို့ ဆုတ်သွားလိုက်ပြီး သူမတက်နိုင်သလောက် အနူးညံအပျော့ဆုံးအသံဖြင့် "တောင်းပန်ပါတယ် ကျွန်မ... ရထားလုံးမှားသွားလို့ပါ"
လို့ရှီးယန်က သူ့မျက်ခုံးများကို အနည်းငယ် ပင့်တင်လိုက်ပြီး သူ၏ ရှင်းလင်းသော အသံတိုးတိုးက အပြုံးရိပ်များဖြင့် ပြည့်နှက်နေကာ "မင်းက ဖြတ်သွားမိတာလို့ ငါလည်း ထင်ပါတယ်~"
ကျွော့ချင်းရဲ့မျက်နှာက တင်းမာနေပြီး လို့ရှီးယန်ကို စူးစူးရဲရဲ စိုက်ကြည့်နေသည်။
သူမ ခေါင်းကို မော့လိုက်သောအခါ သူမလည်ပင်းတွင် အနီရောင်တောက်တောက်များ စွန်းထင်းနေသော သွေးကွက်များက ထင်ရှားစွာ ထွက်ပေါ်လာသည်။ လို့ရှီးယန်၏ မျက်လုံးများက အနည်းငယ် ကျဉ်းမြောင်းသွားကာ သူ့မျက်နှာက အနည်းငယ် ပြောင်းလဲသွားပြီး "မင်း ဒဏ်ရာ ရလာတာလား"
ကျွော့ချင်းက မနာကျင်တော့ဘဲ လည်ပင်းကို ညင်သာစွာ ပွတ်သပ်ပြီးနောက် သွေးများ ခဲလုနီးပါး တောင့်တင်းသွားကာ "ရပါတယ်၊ အရေပြားကို ချစ်မိရုံပါပဲ" ဟု အမှတ်တမဲ့ ပြန်ဖြေလိုက်သည်။ ယခု သူမအတွက် အနာကျင်ဆုံးက ခါးဖြစ်သည်။ မျှော်လင့်ထားသည့်အတိုင်း၊ ကုယွင်ကဲ့သို့သော မျိုးရိုးဗီဇပြောင်းလဲထားသော အမျိုးသမီးများမှလွဲ၍ ထိုကဲ့သို့ ရက်စက်ကြမ်းကြုတ်မှုအပြည့်နှင့် တိုက်ခိုက်မှုများက အမျိုးသမီးများအတွက် အမှန်တကယ် သင့်တော်မှု မရှိပေ။
YOU ARE READING
နာကြည်းမှုတွေ လွင့်ပျယ်စေ...
Historical Fiction"မှားယွင်းသော လက်ထပ်ခြင်းမှသည်.....ကောင်းမွန်သော အိမ်ထောင်သည်ဘဝဆီသို့...(၁)" ***MM Translation (Just for fun) "မွားယြင္းေသာ လက္ထပ္ျခင္းမွသည္.....ေကာင္းမြန္ေသာ အိမ္ေထာင္သည္ဘဝဆီသို႔...(၁)"
