(بًسِـمً أّلَلَهّ أّلَرحًمًنِ أّلَرحًيِّمً)
البارت الاول من
قصة جساس ايريم
بقلمي انا شيرازا جبر
لاتنسون التصويت والتعليق ؏ الفقرات
☆~~~~~~~~~~~~~~~~~~~~~~~~~☆
خود:- يمه اجيت اني
سعاد:- هلا يمه يلا طبي الجو بارد
خود:- دخلت للبيت ونزعت ملابس المدرسه ابد مااحب الدراسه وعدت السنه ب الرابع الابتدائي هفف
_ كملت تبديل رحت شفت نجانه الخبز باقي قليل ميكفي عجنت نجانه رحت على التنور الحطب الكه اخوي كاظم حاط الحطب من غبشه
خليت ثلث طابوكات وصعدت عليهن حتى انوش التنور علكته بين متشتغل الجمريه شنكت الخبز وبديت اطرك الخبزه واصعد على الطابوكات واحط بالتنور بهل اثناء اجت امي تباوعلي
سعاد:- نادره ي خود
خود:- هههه اي احسن من بناتج الكبار
_تجاهلت كلامي وكالت عباره ماانساها طول حياتي
سعاد:- يايمه على طاري هل خبزات امي جانت تكولي ربج ينطي للنادره نص كرصه والجايفه تحصل كرصه كامله
خود:- شنو قصدها بيبيتي الله يرحمها
سعاد:- قصدها يايمه عل البخت والحظ
خود بضحك:- لا لعد نشاءلله احصل كرصه كامله
_كملت لخبز نتضرته يبرد ودخلته للبيت
بهل اثناء دخلو اخوتي عندي ٥اخوان و ٤ خوات
كرار الجبير مريم رحاب كاظم محسن علي انوب اني اني و جوريه و حسن بس خطيه من عمره ٣ شهور متمرض وميت وبزر الكعده ريحانه
_ كرار ازوج وسنه وطلكها مارهمت وياه خلصتها بس زعل وهي هم حقها لان جان يشرب ويضربها عاد راحت امي وخالتي عليها ماقبلت ترد كلتلهم
_ عصفور ونكطع خيطه مالي رجعه لكرار ابد وهو خطيه جان يحبه بس هاي رافج أصدقاء سوء وعمامي هم جانو يشربون وكرار ف تعلم منهم الشرب هو مو دائما يشرب بس من يضوج او واحد يغثه يشرب بس نفسه طيبه
_ مريم اخذت ابن عمي جبر الجبير خطيه جان عمرها ١٣ سنه وزوجوها على حياة ابويه الله يرحمه جان ميحب البنيه تبقى هواي يكول مسؤوليه رحاب جانت فلقه من الكمر بيضه حمره والعيون وساع ومربربه طالعه على امي ماخذه بياضها ولعيون من ابوي خطيه بعمر ال ٨سنوات صابتها سحايه والدكتور تخبل كام يغلط على امي يكلها كل هذه لجمال ومرضتها وممداريتها وهو اصلن اشبهه
_ بالوباء لان هواي من جهال لمنطقه تمرضو من ضمنهم ابن عمتي هم عاد كلها الدكتور لو تطيب لو تتخبل تضل عليله عاد امي ممخليه لا امام ولا مكان مماخذتها اله ودتها لشريفه بت الحسن عليها السلام وضاله تبجي امي وناخيتها عاد صارت زينه بس ضلو مداريها لان اقل شي تتمرض أما ابن عمتي لا خطيه ضربت عقله وضل لعمر كله عليل وعمتي تداري وتقوم بواجباته من صغير احد ماكبر لحد عمر ل ٥٨سنه يلا مات
YOU ARE READING
جساس ايريم
ChickLitطويل القامه ذو ذكاء حاد متعاون وذو حنيه عجيبه يراها اعظم انجازاته والشي الوحيد الذي يستحق ان يضحي بحياته من اجلها اما هي خائفه ووحيده عديمه الثقه بمن حولها صعبه الارضاء كيف سيقنعها بحبه؟ كل هذا سوف نتعرف عليه بروايه جساس ايريم .....
