البارت الرابع عشر من قصة
جساس ايريم
بقلمي انا شيرازا جبر
لاتنسون التصويت والتعليق ؏ الفقرات
(بًسِـمً أّلَلَه أّلَرحًمًنِ أّلَرحًيِّمً)
~~~~~~~~~~~~~~~~
جنت ناوي ماحب بس
انت جيت بدربي
لزمه حمامه بجف طفل
هيج انه لازم كلبي
~~~~~~~~~~~~~~~
_أحياناً تحس نفسك وسط ناس بس انت غريب واحيانا شعور الغيره يعصف بكل زوايه الكلب مثل عاتي فتحت تلفزيون وكعدت أتابع بس بالي مو يمه ابد امي دخلت تنام ضليت كاعده فجأة اجتني نوبه
بكاء طلعت صورته محتفضه بيها بالموبايل وضليت أعاتب بي مثل كل يوم وضلت تتردد كلمه ليش بدماغي ايام وليالي ليش مات ليش ماضل ليش ماعندي اخت او اخو ليش نكتب عليه اكون وحيده بوسط ضجيج هل دنيا وشيصير لو هو يمنه
ومكملين حياتنه وأسرتنا صرت انسج بمخيلتي أحلامي ل مستحيل تتحقق مسحت دموعي وكمت طفيت تلفزيون توجهت للمغسله غسلت وجهي رفعت راسي للسكف أريد هواء هاي كل مابجي خشمي يقبط رحت مددت ونمت
ثاني يوم مالي خلك ولا واهس اداوم جان ماكو متحان غبت ضليت نايمه لل ١١
خود :- ايريم
ايريم :- مطيته جسمي وجاوبتها هاا امي
خود :- شنو مداومين
ايريم :- لا ماعندي شي مااروح
خود :- لعد كومي تريكي وبدلي نروح لبيت ريحانه ومناك نشوف مريم مريضه
ايريم :- مممم
ضليت بفراشي شويه يلا كمت غسلت وبدلت مااحب اتريك نفسي تلعب لبست بنطرون وقميص حذاء رياضي وشال طلعنه اجرنه تكسي رحنه لبيت ريحانه جانت خطيه هستوها أعراض طلوكه عليها ويمها خاله رحاب تغدينه ورحنه العصر لبيت خاله مريم
كعدنه يمهم اجه ابنها الوسطاني
مجتبى :- هاي منو هنااا
خود :- هلا شلونك
مجتبى :- هلا خاله شلونج
ايريم :- شلونك مجتبى
مجتبى :- هلا ايريم شلونج
ايريم :- الحمدلله
كعدت شويه يمهم تضايقت منه كل شويه يباوع خليت وكمت يم البنات ضلينه نسولف طبعاً عمي مو كلش نحجي وياه حديث سطحي ولا هو يسأل بس شلونج وخلص محسسيني ابد مالي صله بيهم او بت اخو اجت براق يمي
براق :- اكلج اريد احجي وياج
ايريم :- احجي عمري شكو
أشوفهم بيناتهن هي وحنين اختها بكدي نفس العمر يتهامسن و يضحكن
براق :- مجتبى يريدج
ايريم :- شيريد
براق :- هههه لا ولج قصدي يريدج زواج وحاجهه امي وكلها شوفيلي بت عمي ماللكه احسسن منها شتكولين بس هو قبل ليجون يريد يسمع رأيج
YOU ARE READING
جساس ايريم
ChickLitطويل القامه ذو ذكاء حاد متعاون وذو حنيه عجيبه يراها اعظم انجازاته والشي الوحيد الذي يستحق ان يضحي بحياته من اجلها اما هي خائفه ووحيده عديمه الثقه بمن حولها صعبه الارضاء كيف سيقنعها بحبه؟ كل هذا سوف نتعرف عليه بروايه جساس ايريم .....
