عَسـى نهاية أشوَاقي في حُضـنك

Part 3

استوعبت نجود : وينها طيب ؟
وعد : مدري امشي غرفته
دخلوا البنات مرا ثانيه وكانوا متجهين لـ غرفة هاشم ، دخلو بدون احد يعرف
وعد : اسمعي نجود روحي دوري المفتاح وانا براقب الي يجي يمكن بأي لحظه يجي هو ، تمام ؟
هزّت راسها نجود وقامت تدور بالادراج ، والدواليب
وعد : بسرعه يا بنت لا يحس فينا
اتجهت للسرير ..
وعد : تخبي اشوفه بالدرج !
ناظرت نجود بـ وعد وناظرت تحت السرير ..
-
استغرب من باب غرفته مفتوح كان ينزل يجيب مويه بس مّر من عند غرفته وغير طريقه يشوف السالفه ، فتح الباب وشاف اخته
هاشم : شتسوين هنا ؟
توترت وعد ونطقت : هاا ، لا ولا شي بس كنت باخذ شاحنك جوالي طفى
هدوء شوي ونطق هاشم : شوفيه بالدرج
وعد : اي صح ، تمام
ناظر هاشم بالرجل الي تحت السرير ، وانتظر اخته تطلع
هاشم : المره الجايه قولي لي
طالعت وعد بمكان نجود وكأنها تفكر بموقفها بس طلعت من التوتر ، قفل الباب وكانت نجود على بالها الاثنين طلعوا لأن الغرفه كانت هادئه جدًا ، تنهدت براحه وطلعت بدون تناظر الي واقف ، قامت وناظرت فيه ، للمره الثانيه تقابله بدون حجاب
هاشم : انتِ مين و وش جابك هنا ؟
نجود : ها !؟
توترت لأن ما عندها جواب وكل تفكيرها ان احد يجي ويشوفهم
نجود : مالك دخل من انا
وبسرعه طلعت من الغرفه وقفلت الباب ، استندت على الباب تهدي نفسها ، دقيقه وراحت لغرفتها ، بنفس الوقت الي فتحت الباب فيه التفتت وعد
وعد : جبتي المفتاح ؟
نجود : مو وقتك وعد !
مسكتها وعد تجلسها وتهديها
نجود : انا اتغطى منه ! فوق ذا شافني مرتين
وعد : عادي ان شاء الله بكرا ويجي يخطبك ، زي المسلسلات حب من اول نظره
ضحكت وعد لما صفقتها نجود
وعد : شفيك علي !
نجود : بطلي حركاتك
ضحكت وعد : ان شاء الله
مسكت وعد يد نجود وكانت بتطلع ، بس وقفت نجود
نجود : ما ابغى
وعد : تعالي نكمل مهمتنا
نجود : روحي انتِ انا ما ابغى اطلع
وعد : تمام وشقول للبنات ؟
نجود : ما طقيت لهم خبر بس قولي لهم اني تعبت
وعد : تمام
طلعت وعد واتجهت للبنات ، شافت رعد معها بيدها الكورة ومتجهه للصاله
وعد : رعد رعد
رعد : نعم ؟
اتجهت وعد لـ رعد : احس السالفه ما تسوى
رعد : شقصدك ؟
وعد : صدقيني الحين العيال راحو
سكتت رعد وكانت تفكر بكلامها وقبل تتكلم ناظرت وعد بالمخزن الي بابه مردود ، وشافت البخاخات الي يبونها واتجهت بسرعه ناسيه كلامها ، فتحت الباب واخذت ٨ بخاخات لكل وحده بخاخين ، طلعت مسرعه لـ رعد
وعد : لقيتهم
اخذت رعد اربع بخاخات : وشذا كله
وعد : يستاهلون
رعد : وكلامك ؟
وعد : كلامي ؟
وعد : ان العيال راحو
ضحكت وعد وجات عهود على اصواتهم : خلصتو ؟
وعد : اي جبنا كل شي
عهود : طيب ونجود وينها ؟
وعد : تعبانه فوق
عهود : لا ناديها
رعد : بروح اناديها