К сожалению, это изображение не соответствует нашим правилам. Чтобы продолжить публикацию, пожалуйста, удалите изображение или загрузите другое.
** تقف نهى أمام باب بيت سامح وتطرق على الباب فيفتح لها محمود والده .. محمود : مين حضرتك نهى : أنا نهى ممكن أقابل سامح لو سمحت محمود_ متعجباً : إتفضلى يا بنتى أدخلى ** تدخل نهى ويقفل محمود الباب وينادى على سامح الذى يخرج له من غرفته وينصدم من وجود نهى .. سامح : نهى ؟! نهى : بكلمك ما بتردش قولت أجيلك عايزاك فى حاجة مهمة سامح _ بإحراج : بعد أذنك يا حاج إحنا هندخل الصالون محمود : تطلع مين دى يابنى؟ سامح : زميلتى فى الشغل يا حاج ** تبتسم نهى بخبث ويأخذها سامح ويدخلان الصالون ثم يدخل محمود غرفته بنفاذ صبر سامح : إنتى إزاى تيجى لغاية هنا ؟ نهى: بقولك إية أنا جايه أعرف الحكايه كلها من طقطق للسلام عليكم سامح : حكاية إية إللى عايزة تعرفيها ؟ نهى : حكاية الشيك إللى كتبهولك أدهم الهجان و مستنى تصرفه أنا سمعتك وإنت بتتكلم لما كنا مع بعض آخر مرة سامح : سمعتى إية وإزاى إنتى نزلتى تشترى حاجات و.. ** وهنا يتذكر سامح آخر لقاء مع نهى بسيارتها ونزولها لإحدى محلات السوبر ماركت لشراء بعض الإحتياجات وتركها لهاتفها والذى علم إنها سجلت له عندما جاءة إتصال من أحد أصدقائة أخبره فيه بعلاقته مع أدهم والشيك الذى ينتظر صرفه..ينظر سامح ل نهى بغضب شديد ويقول .. سامح : إنتى سبتى تليفونك و سجلتى مكلمتى مع صاحبى؟ نهى_ بخبث : التليفون سجل لوحده وأنا أش عرفنى إنك هتكلم صاحبك سامح : إنتى مش سهلة أبداً نهى : هتقولى حكاية الشيك ولا أقول ل أميرة وأدهم أخليه يوقف صرفه ** يتنهد سامح بغل شديد وغضب من تصرفات نهى ثم يجلس على الكرسي ويبدأ فى سرد قصة الشيك .. سامح : هو ده إللى حصل والموضوع ده لو وصل ل أميرة أنا إللى هحاسبك يا نهى مش أدهم نهى : هو أنت إزاى توافق؟ سامح : دى فرصة إنتى بتهزرى حب إية قصاد نص مليون نهى : وأنت مصدق أنه هيدفع؟ سامح : إية إللى يخليه يقول كلمه ويرجع فيها و ال نص مليون دول نقطة فى بحر من إللى عندة وبعدين أديكى عرفتى إية إللى هيحصل نهى : ولا أى حاجة أنا بس الفضول أخدنى أعرف إية إللى بينكم ** نظر سامح ل نهى بتعجب شديد من فضولها وقال .. سامح : انتى غريبة بجد نهى _ لنفسها: لازم أميرة تعرف لازم أحرق دمه
** بالقصر يقف الجميع مصدوماً وينظرون ل ليليان وتقول فريدة لها بغضب .. فريدة : إنتى كدابة مستحيل تبقى حامل ليليان _ بتوتر : مستحيل ليه يعنى؟ أدهم _ ل ليليان: تعالى معايا .. أدهم _ للجميع : عن إذنكم ** يدخل أدهم مكتبه وخلفه ليليان ثم تخرج أميرة من باب القصر غاضبة ونظرت سميرة ل سارة لتلحق بأختها ثم قالت فريدة ل سميرة بإستياء .. فريدة :إللى حصل ده شئ غير متوقع سميرة : إللى حصل حصل سميرة _ لنفسها : يارب ماتكسرش بخاطر بنتى يارب
