اسفه على التأخير لكن قله التفاعل مع الرواية بيزعلنى جداً أنا نفسي أنزل البارتات كل يومين لكن التفاعل مفيش للأسف 🥺🥺🥺
١٥
** ليلاً يجلس أدهم بمكتبه مع عمر ويعملان سويا ..
أدهم : الخامات كلها وصلت ؟
عمر : اه كلها مفيش حاجة ناقصة ..
أدهم : الصبح تقول ل نجلاء تحضر عقود الشيخ عبد الرحمن عمران عشان التعاقد الجديد ل شركته
عمر : حاضر هو بعتلك ؟
أدهم : كلمنى وبعتلى إستضافة أنا وأميرة مباركة لجوازنا بس أنا هسافر لوحدى
عمر : أنا من رأيى تسافروا مع بعض ياما أشتغلت يا أدهم بيه
** نظر أدهم ل عمر بتعجب لتدخله فى حياته وقراره قائلاً..
أدهم : من أكتر الحاجات إللى بستغربها فى حياتى يا عمر إنى مستحملك وسايبك تتدخل فى حياتى
عمر _ يضحك : عشان بتعزنى يا أدهم بيه وحضرتك لما بتعز حد بتعديله ما بتقفش له على الواحدة
أدهم _لنفسه: بحبها إزاى وأنا وقفتلها على الواحدة مزعلها وجارحها بكلامى فى أول غلطة تغلطها
عمر : مالك يا أدهم بيه
أدهم : مضايق شوية بس تمام
عمر : ينفع أعرف؟
أدهم : للأسف مينفعش المهم إحنا كدة خلصنا شغل
عمر : تمام بس أنا كنت عايز آخد رأيك فى موضوع شخصى
أدهم _ بإهتمام: سامعك
عمر : عايز أخطب رهف ومحتار وعايز رأيك أنت بتفهم كويس فى البنات
أدهم : ماتنفعكش ولا شبهك هى جريئة فى تصرفاتها بشكل هيتعبك بعدين
عمر : يمكن لما أعرفها أكتر وتحبنى تتغير عشانى
أدهم : ماتطلبش من حد يتغير عشانك هو باكدج يا مقبول يا لاء خصوصاً الطباع مابتتغيرش
أدهم_لنفسه: غريب يا أدهم أمال أنت عايز أميرة تغير طبعها وطيبتها ليه
** يشرد أدهم ويلوم نفسه فيلاحظ عمر شروده ويقول ..
عمر : فى حاجة شغلاك أوى ياريتك تقولى وترتاح و أنا هفكر وأشوف هعمل إية شكراً ليك يا أدهم
أدهم : أدهم ؟! أه ما إحنا خلصنا شغل بقى
عمر _يضحك : أنا همشي عشان ماتهزقش
أدهم : ياريت تمشي
** تحضر إبتسام السفرة لموعد العشاء بينما تنزل أميرة من على الدرج وتفتح باب القصر وتنتظر دخول سارة التى تأتى لها مبتسمة وتحضنها بشدة..
