عٌيِّنِکْ سِـر هّـلَأّکْيِّ

بًدٍآيَةّ کْلَ شُيَء

بًگدٍ مًآ حًآبً آسِمکْ وٌآعٌشُگ عٌيَوٌنِکْ وٌيَآکْ آلَتٌفُتٌ لَمًنِ يَصّيَحًوٌنِکْ ✨

هناك الكثير من ذكريات الطفوله بيه نتذكره وبيه تمر مثل لحضات جميله نعيشه بكل تفاصيله محد بدة من الصفر كلنا كان عدنه ام او اب دعمونه وخلونه نوصل للحلم بس لما عده شخص يخاف علي ويحبه تعرض لتعذيب من صغرة على يد امه  تعرض لكل انواع المشاكل وبعد كل هذا يجي شخص وينتشله من عالمه المضلم بعد كل وگعه وبعد كل مئسات يضهر  شعاع الشمس ينير كل شي وبعد كل عاصفه قويه تطلع شمس تجعل الدفئ بكل مكان

"سامي اريد احچي وياك سد الباب وتعال"
امر عاصف سامي يحس بالم داخل گلبة مبتعد عن السعادة يحاول يسكن جروح گلبة وروحه متنهد بأخر كلامه

"ها يابه احسك متغير ومو على بعضك "
رد سامي يشوف ابو ذبلان مثل وردة تسقط اوراقه يوم بعد يوم بحزن مالي عيونه غير عن كل مرة

"مادري شلون افتح وياك الموضوع بس انتبه الكلامي راح اعترفلك بكم شي سويته بحياتي واحد ندمت علي والثاني لو ينعاد چان عدته احس ايام الاخيرة هاي وما محتاج اعيش بعد"
قرار عاصف بالعتراف على سران واحد مرتبط بثاني   بشعور راودة طول هل فترة بدنو منيته يقرر ينفظ هذا الغم الابنه البكر

يسمع سامي ساكت يهز راسه مانع نفسه من مقاطعة ابوه

"انتَ الابن الي دوم تمنيته وحلمت بي من دريت راح يصير عندي ولد فرحتي منطيته لحد بس شاركني بيه شخص چنت اعتبرة صديق"
اتنهد عاصف يمسح دموعه الي مگدر يمنعهن يبدي يشارك حزنه والمه يبتسم بقهر على هاي الذكريات

"قيصر چان سندي بحياتي من طفولتي عشت ويا بحكم احنه جوارين صح هو چان اكبر مني بست سنين بس چان يدافعلي حتى لو اني الغلطن لهذا السبب بقينه على تواصل حتى من قرر ابو ينتقل مكان ثاني ويستقر بالعمارة  "
عض عاصف شفته وهو يتذكر المواقف الطفوليه الي خلته يتعلق بقيصر ومستحيل يبتعد عنه

"امك توفت بعد ما ولدتك ورفضت انو اتزوج وحدة ثانيه حتى تتحمل مسوليتك لهذا قررت اربيك وحدي بذيچ الفترة فتحت شغل واسست مشروعي الخاص بعد ما تخرجت هندسه وساعدني قيصر"
كمل عاصف يذكر اول مرة يوگف ويا قيصر من فتح له شركه بناء يضم ويا عاملين ومهندسين يكبر اسم شركته ويحقق ارباح خياليه بسبب معارف قيصر الي يدزهم علي

"بعده بفترة بدت علاقتي بقيصر تعلقت بي وحبيته واعترفت بحبي واني سكران وبذاك اليوم 12/12 بدت علاقتنه وساعدني بتربيتك كل ما يصير عندي شغل اخليك يم مرت قيصر وهاي الانسانه مستحيل ارد جميله   كونه ساعدتني وهيه الي دعمت علاقتي بقيصر " 
يذكر عاصف اول مرة يعترف لقيصر بحبه زوجته كانت موجودة وبدل ما تبعدة هيه تركت البيت ماخذه ابنه وسامي تعتني بيهم