أنا بحب اللي بيعرفوا يعتذروا، بحترم جدًا الإنسان اللي بيقدر يقف ويقول بهدوء: "أنا آسف" لما يغلط، من غير ما يحط مبررات تُفقِد الاعتذار معناه، من غير ما يحاول يداري على غلطه بعصبية وصوت عالي أو بهجوم على عليك عشان يقنعك إن أنت الغلطان، ويهرب من الاعتذار.. بشوف في الاعتذار دليل شجاعة وحُسن خُلق وتربية مفيش زيه.
امام ورشه عمر ورحيم
تتحدث فريده في الهاتف
_يا روان بتصل بيه مابيردش وانتي عارفه ان العربيه ايدي ورجلي مبقدرش اتحرك من غيرها.
تضحك روان بشماته علي صديقتها
_ركبتي مواصلات يا كوكو اسم الله عليكي ..اي رأيك في اختلاف الطبقات.
_انا مركبتش مواصلات انا جيت بأوبر.
_ ايوه ياباااا ما انتي غنيه بقي وكده .
_ اخلصي يا روان مش وقت هزارك هوصل لعمر ازاي دلوقتي ؟!
_طب تعاليلي علي البيت وانا هاخدك ونروحله.
_ نروح عنده البيت ؟!!
_ايوه يابت متخافيش عمر عايش مع اهله دا غير ان مامته واخواته حته سكره هتحبيهم اوي انا تقريباً شبه عايشه معاهم خالتي فاطمه ام عمر كانت صاحبه ماما الله يرحمها عشان كده معتبراني زي بناتها.
_خلصانه انا جايه البسي وانزلي عشان لو اتأخرتي عليا زي عادتك هاجي اضرب مرات ابوكي مليش دعوه .
لتقهقه روان علي حديث فريده
_ طب والله ياريت ،تعالي دا انا نفسي حد يجي يعلم الوليه الصعرانه دي الأدب.
امام منزل عمر
ترن روان الجرس باستمرار ، لتنظر إليها فريده بإستغراب
_ يابت بطلي الهبل دا هتحرقي الجرس والناس هيطلعوا يشتمونا.
تفتح عهد الباب
_والله عارفه انك انتي يا روما الكلب.
ترد عليها روان بإبتسامه
_مفيش حد بيعمل كده غيري اساساً
_ دا اي الفخر اللي انتي فيه دا ؟!! اي دا مين القمر دي ؟؟
تقدم روان صديقتها فريده الي عهد
_فريده صاحبتي بس بنت ناس اوي بنخاف نلمسها لتتلحمس ( تبقي مش نضيفه )
لتقهقه الفتيات سوياً علي حديث روان حتي فريده فهذا التعريف المخصص لروان عندما تقدم فريده لأي شخص ما.
KAMU SEDANG MEMBACA
عُمري الفريد ..♡
Romansaفي منزل مليء بالدفء والأمان الذي لم نجد مثلهم كثيراً في وقتنا هذا بقلم أميرة فكري ✅ رؤي فكري ✅
