عُمري الفريد ..⁦♡

أكلت الخاتم !!

‏أُحِبُّ صديقي البعيد في المسافة القريب جدًا بالشعور؛

أحبه في كل مرة أدخل محادثته
دون أن أهتم للتوقيت،

أحبه عندما أتحدّث كما أريد دون أن أرتّب كلامي، وأحبه كثيرًا عندما أتلفّظ بما أشاء

دون أن أقلق من سوء فهمه ♡

في صباح اليوم التالي تستيقظ والده عمر علي صوت علياء وهي تتحدث بصوت مرتفع للغايه تنهض من فراشها تتجه نحو غرفه الفتيات تتحدث علياء في الهاتف
_ دا عند امك يا معتز عارف امك

تحاول عهد وروان تهدأتها
_أهدي يا علياء

تدخل فاطمه الغرفة في الوقت الذي ترمي علياء الهاتف علي الفراش
_ في اي يا علياء

ترتمي علياء بأحضان والدتها وهي تبكي بقوة

تتحدث علياء من بين شهقاتها
_ الحيوان بيهددني انه هياخد بنتي مني يا ماما
_ معتز ( والد غاليه)
_ ايوه الزفت
_ اهدي بس يا حبيبتي محدش هيقدر ياخد بنتك منك وبعدين حضانتها معاكي انتي يعني حتي القانون معاكي
_ بيقولي انه هياخدها غصب عني يا ماما

تربت فاطمه علي ظهرها وهي تنظر إليها بحزن شديد

في غرفه رحيق تجلس رحيق علي الفراش واضعه يديها علي وجهها وهي تبكي بصمت تتحدث والدتها
_ أهدي يا بنتي عشان خاطري

تتحدث رحيق وهي تنفجر في البكاء
_ أهدي اي بس يا ماما دا زين معملش اي رد فعل لما قولتي ان متقدملي عريس والعريس جاي بالليل وهو ولا كأنه موجود وكأني انا ولا حاجه بالنسباله

تنهض والدتها وتجلس بجانبها تأخذها في احضانها وتربت علي خصلاتها
_ مش عارفه اقولك اي يا بنتي ، الواضح كده إنك إنتي اللي فهماه غلط

تخرج رحيق من احضان والدتها وتنظر إليها وهي عيناها محمرتان للغايه وأنفها ايضاً
_ قصدك اي مش فاهمه
_ قصدي انه بيتعامل معاكي عادي وانتي اللي ترجمتي معاملته معاكي غلط يعني هو بيخاف عليكي وبيتكلم معاكي عشان بيعتبرك اخته وانتي اللي حسيتي انه بيحبك.
_ أخته!!
تنظر رحيق أمامها وهي تفكر في حديث والدتها
_ معقول !! لا لا ، صدقيني لا يا ماما انا لو اخته مش هيكلمني طول الوقت مش هيقولي وحشتيني دا انا لما كنت في المستشفي ايام ما شهد كانت تعبانه مكنش سايبني وكان عايز يجيلي مع انه كان عنده شغل قالي في داهيه الشغل المهم انتي وانا عايز ابقي جنبك لو اخته مش هيقولي انتي بنتي يا رحيق انا مربيكي علي ايدي انتي حته مني اكيد مش هيقول لأخته كده يا ماما.. سيبك من كل دا عينيه يا ماما انا بحس بحب كبير اوي في عين زين كأنه بيقولي بحبك في كل مره بيبصلي فيها انا عارفه نظره الأخوه يا ماما النظره اللي في عيون زين غير النظره اللي في عين اخواتي صدقيني يا ماما.