كنا انا وياك والثالث الليل

1

—————البارت الاول————

نبداء قصتنا
بالمطار
ام صالح  بغصه:ليالي انتبهي على نفسك
ليالي :ابشري  يا يمه
رهف  حضنتها وهي تبكي:ما اصدق بعد كل هاذي السنين بتروحين
ليالي وهي تحاول ما تبكي :اكيد برجع  شدعوه يعني
سليمان  بدموع :ليالي بتروحي وتخليني
ليالي جلست تمسح على راسه :برجع لك اكيد ما بخليك
سليمان بدموع:ليالي صح  الي قاله صالح بيكون عندك اخوان ثانين غيرنا
صالح :متى تفهم؟هي ماهي اختك ولا اختي
سليمان بداء يبكي اكثر
ام صالح بعصبيه :مب وقتك يا صالح
ليالي حضنت سليمان :اختك معليك فيه خليه يدزها
ام صالح :يلا الحقي على الطياره يا بنتي قبل تقلع
ليالي حضنتها :مع السلامه
ومشيت لكن قاطع مشيها صوت ام صالح وهي تناديها
لفت عليها
ليالي :هلا يا يمه
ام صالح مدت الكيس الي بيدها
ليالي اخذته وفتحته شافت فيه عبايه وطرحه ونقاب وقالت وهي مستغربه من النقاب: لمين ذا ؟
صالح :يعني وش ذا الغباء اكيد لك
ليالي:ادري لي بس وش اسوي فيها
صالح بمسخره :والله شوفي النقاب والعبايه خوفي الناس فيهم والطرحه اربطيها على خصرك وهزي
رهف:صالح مره مب وقتك
ليالي :يع مريض بعدين  تسوق امها انت  من متى البس نقاب انا
ام صالح :اي اعرف طول عمرك ما لبستي نقاب ودايم تتحجبين  ولكن لازم تحترمينهم هناك وتلبسيه وعاد جدتك لو دريت انك محجبه بتقلب الدنيا عليك
ليالي بعناد :  النقاب ماني لابسته الا برضاي والله لو يقومون الارض ويقعدونها ما البسه الا وانا راضيه البسه الرضا الكامل
ام صالح تنهدت :ليالي اهل ابوك ماهم مثلنا
ليالي :انا مارح اغير شخصيتي ولا اسلوبي ولا كلامي من اجل شخص الي يبي يتقبلني مثل ما انا يا هلا والي مايبي كيفه
ام صالح تنهدت :روحي روحي الله يستر عليك
ليالي ابتسمت :مع السلامه
مشيت
ام صالح بدموع:الله يوفقها بحياتها ويحنن قلب جدتها عليها
صالح بحزن مخفي :شفيكم مبالغين ترا بتروح لاهلها ......لاهلها الحقيقين
سليمان بدموع:يعني مارح نشوف ليلي مره ثانيه؟
رهف حضنته وهي تبكي
صالح:خلاص عاد امشو لسياره بعدين راحت لاهلها الحقيقين  مب  ماتت  
ام صالح: اعوذ بالله  ما تعرف تتكلم انت و بعيد الشر عنها ان شاء الله
صالح بهمس :بعيد الشر ان شاء الله
ومشيو لسياره
.
.
في مكان ثاني
عند الجده
كانو كلهم مجتمعين على الاكل
الجده حفصه  :وليد اليوم اختك جايه مانت ناوي تستقبلها
وليد طالع فيها :وليه استقبلها؟اولا ما اعتبرها لا اختي ولا شي ولا اهتم لها وطالع على جدته وانتي ليه جبتيها الحين؟وبعد كل ذا الزمن تبينا نتقبلها  ادري انك مانتي جايبتها حب فيها  ولا فينا
الجده شفيقه :ابيكم تتعرفون على اختكم وتعيشون معها
وليد بعصبيه ضرب الطاوله:وانا مابي ما تفهمون انتم ماعندي اخت
وقام  خرج من البيت
ام زياد بعصبيه :واضح جيتها نحس من البدايه
الجده شفيقه:ان شاء الله ما تطلع  نفس امها
ام بدر :اوههه تربيت خوالها وش تتوقعين
الجده حفصه:لا تحكمون عليها قبل ما تجي
وعد بحماس :تتوقعون تطلع حلوه زي امها ولا زي عمي
بعد ما نطقت كلامها الكل سكت  وبدات تنرسل النظرات الناريه اتجاهها
بدر لف على فرح وبداء يرسل نظراته الناريه والتوعد لها
فرح  اشرت له انه مالي دخل هي الي تكلمت وطالعت فيها
الجده شفيقه:وانتي وين شفتي امها ؟
وعد توهقت  وطالعت  على  اسيل علشان تنقذها
اسيل ردت بدالها: ما شفناها هي دايم قبل ما تنام تتخيل شكلها
الجده شفيقه:اصلا ماهي حلوه
وعد :وعيالها طالعين حلوين على مين  طبعا عيالها غير وليد
هاذي المره انرسلت لها نظرات من حاتم
الجده شفيقه: طالعين حلوين على عمك بعدين وليد احلاهم
وعد ارسلت ضحكه ساخره
حاتم رفع حاجبه: بعدين انتي ما تستحين تمدحينهم قدام اخوك وابوك 
وعد :طيب الحق ينقال هم حلوين  الا وليد
بدر :عن الغلط على وليد تراه خويي
الجده شفيقه:اسكتوووو وكملو اكلكم
ام زياد :الا بسالك يمه من بيجيبها؟مدامه وليد مايبي
الجده حفصه :اكيد واحد من ذولي الثلاثه(تقصد زياد وحاتم وبدر)
حاتم :انا ماني فاضي عندي شغل دورو احد غيري
زياد بحماس :انا اناا بوديها
ام زياد ضربت كتفه :مانت رايح تجيب العوبه وطالعت في الجده حفصه  ولدي ماهو فاضي
بدر :ماهي بحاجه لك لا انت ولا ولدك  العاب انا بروح اجيبها
زياد :انت شفيك تدافع عنها كل ما جبنا طاريها او طاري امها تدافع عنهم
بدر: ببساطه لانكم ظالمين  تسبون البنت علشان غلط من امها وهي مالها علاقه فيه وتكرهوها  وهي ما سوت لكم  شي
زياد بضحكه :اوووو شوف من ينصح بدر
بدر  وهو يطالع زياد : مالك دخل يا النسونجي
زياد:ل.........قاطعه صوت فرح وهي تصارخ :خيرر انت شعندك تسب اخوي يا حيوان يا...ياا...يا
قاطعتها الجده بعصبيه :بس بس انت وهييي ما احترمتوني ولا احترمتم امهاتكم ولا احترمتو احد في الطاوله ولا الاكل وش قله الادب ذي
فرح :زياد هو الي بداء
الجده بعصبييه:بسس وقامت من على الطاوله
ام زياد لفت على بدر بعصبيه :انت وش عندك تسب ولدي اكيد تغار منه