كنا انا وياك والثالث الليل

2

—————البارت الثاني————
وقفو عند باب البيت
نزلو من السياره
وعد بابتسامه : اهلا بك بيوتناا كلها ترحب بك
ليالي كانت مستغربه من كلمه بيوتنا بس ما تكلمت
بدر شاف وجهها وعرف انها مافهمت اشر على بيت جدته شفيقه:هذا بيت جدتي شفيقه والي تعيشين فيه واشر على البيت الي جنبه وهذا بيتنا واشر على الي بعده وذا بيت عمي عمر بتشوفيه بعدين هو وزوجته واشر على البيت الي بعده وذا بيت عمي عمار ابو وعد.واشر على الي بعده هذا بيت عمي احمد ماهو في الحين يجي بالاجازات وطبعا الساحات الخارجيه مفتوحه على بعض(يقصد الحوش يعني مثلا زي حوش بيت الجده وحوش عمر مفتوحين على بعض = كل حوش البيوت فاتحين على بعض😭)
ليالي حاولت تفهم
وعد سحبتها من يد وفرح من يد :معليك تفهمين مع الوقت
فرح :اي اي تعالي اوريك بيت الجده شفيقه
ليالي :دقيقه دقيقه
وعد لفت عليها :وش فيه
ليالي بهدوء:شنطتي
وعد:يشيخه امشي بدر يجيبهاا
ليالي طالعت في بدر :لا شكرا انا اجيب اغراضي بنفسي
بدر لف على شنطه السياره وفتحها:روحي انا اجيبها
ليالي فكت اياديها منهم وتجاهلت كلام بدر وراحت تبي تشيل شنطتها
بدر يطالع فيها وبيشوف وش تسوي
ليالي نزلت شنطتها الاوله وجت تبي تشيل الثانيه بس وقفتها يد بدر وهي تمسك الشنطه كانت ماسكتها من جهه وهو من جهه
ليالي طالعت فيه الي وش تبي
بدر :قلت لك انا بجيبها
ليالي:وقلت لك انا بجيبها من نفسي
فرح :ليالي بدر بس قاصد يساعدك ما يقصد شي
ليالي بعدت وتنهدت هي مالها خلق تعاند : ما ني متعود احد ياخذ اغراضي متعوده اجيبها بنفسي واعتمد على نفسي
بدر نزل الشطنه :معليه خلاص روحي انا بجيبه
وعد وفرح رجعو سحبوها
وعد: يلا تعالي اوريك غرفتك
واول ما دخلو البيت
قابلتهم ام حاتم
ام حاتم بعصبيه:وعدد وين كنتي
وعد لفت على امها واشرت على ليالي:رحت اجيبها
ليالي مدت يدها وببتسامه:السلام عليكم انا ليالي
ام حاتم بابتسامه :وعليكم السلام يا بنتي انا ام وعد
ليالي :تشرفت
ام حاتم بابتسامه :الشرف لي ومسكت يد وعد وانا الحين استاذن بروح البيت
ليالي بابتسامه:اذنك معك
وعد:يمه روحي شدخلني بجلس
ام حاتم سحبتها :انت لك وجه تتكلمين ابوك لو دري انك رحتي ذبحك
وعد تافافت ولفت على ليالي وفرح:انا استاذن الحين بروح
ليالي :اذنك معك
وراحو
فرح ببتسامه :ايه مدامه راحت وعد انا بكمل لك الجوله
ليالي ابتسمت:تمام
ولكن فجاء تجي ام بدر وهي تصارخ
ام بدر بعصبيه:يا قليله الادب ليه تاخرتيي انت واخوك خلتوني هنا لوحدي وطالعت في ليالي من فوق لتحت ورحتو تجيبو ذي عصيتو كلامي تعرفين الساعه كم الحين؟
ليالي تطالع وهي مستغربه منها
فرح:توها تسعه
ام بدر مسكتها بيدها وبعصبيه:وتردين بعدد
فرح:يمه شفيك ما غلطت واستاذنت منك اصلا
ام بدر بعصبيه :ي....قاطعها دخول بدر
بدر دخل ومعه الشنط :يا يمه شفيك صراخك واصل الى برا وطي صوتك شوي شفيه
ام بدر بعصبيه:ليه تاخرت انت واختك وليه ما تردون بسرعه وسبحان الله على طول بعتونيي عشان ايش عشان ذيي يا مسرعهاا
قاطعها صوت ليالي
ليالي وهي مغمضه عيونها وبهدوء:ليالي
ام بدر لفت عليها :ايش؟
وفرح وبدر طالعو فيها واستفهامات فوق راسهم
ليالي فتحت عيونها وبهدوء:اسمي ليالي مب ذي بعدين متى لحقو يبيعوك عشاني توهم ما يعرفوني ولا اعرفهم زين مسرع باعوك عشاني
ام بدر سحبت عليها ومسكت فرح من يدها :امشي قدامي على البيت وطالعت في بدر وانت ليي كلام ثاني معك
وخرجت
ليالي كانت مستغربه مره "واضح بعاني معهم ويعانون معي"
بدر :شفتي غرفتك؟
ليالي:وانا متى لحقت اتنفس عشان اشوف شي
بدر:بنادي ميري لك
بدر :ميرييييي ميرييييي ميرييي
ميري بصراخ:استغفرو الله انت يا هيوان (حيوان)شنوو يبيي
بدر :تعاليي
ميري جات وهي معصبه :ها يا هيوان شنو تبي
بدر :لا تسبي
ميري بتافاف: افف ها شنو يبي انت
وشافت ليالي وشافت بدر ماسك الشطنه ابتسمت
ميري بابتسامه:الله انتاا يتزوج هذا زوج حلو وعصبت انتاا ليه ما تيجي تقوليي عشان اخطب لك اشوف هدا زين ولا مو زين
بدر مسك راسه:استغفر الله
ميري قربت من ليالي وبابتسامه:هدا وادح (واضح)زين بس هدا هيلو (حلو)ما يستاهل بدير(بدر)(هذا واضح انها كويسه بس هاذي حلوه ما يستاهل بدر)
بدر :على كيف امك تزوجيني الي تبينه بعدين انا حلو وش فيني
ميري رفعت حاجبها :انتااا هيلو؟انتاا شين كتير (انت حلو؟انت شين مره)
بدر "ايش فرم الخواطر ذا":اقول اخلصي علينا هاذي ماهي زوجتي ذي اخت وليد روحي وريها غرفه وخذي شيلي شنطها
ميري بصدمه :هادااا اخت وليددد مستحيلل
بدر :ليه
ميري:هداا وليد شين هدا حلووو
بدر :اقول لا يكثر هرجك ومد لها الشنطتين
وخرج
ميري ودتها غرفتها
ليالي اخذت الشنط منها وبابتسامه :شكرا
ميري لمعه عيونهاا وبابتسامه :شينو يقول انتا؟
ليالي بستغراب :قلت شكرا