ضماد الغوث

البارت ٣

روايه : ضمــاد الغوث
للكاتبـه _ بَنين نَجم
.
.
_ ميلاف
.
.
موده :: غوث غوثثثث  .

قطبت حواجبي باستغراب على صوتها اليرجف وهوه شبي كل الافكار والاسئلة تجمعت براسي

بسرعه بعدت عن الباب نزلت بخطوات سريعه للغرفه مالتي سديت الباب مستغربه صفنت بلكاع وهوه محتل كل بالي

منو وليش هيج يصيح بعصبيه ويبچي .

فتحت قراصه شعري وخلخلت ايدي بي غمضت بوجع ورحت ذبيت نفسي على الفراش ونمت من بعد صفنات ابو صابر الخذتني .
.
.
فتحت عيوني بـ 10 الصبح كمت بهدوء نزلت جوه فتت الحمام غسلت او طلعت رحت للمطبخ كلها كاعده بس الولد والبنات ماكو

ميلاف :: صباح الخير
_ صباح النور

نشروان :: لو ضاله نايمه بعدد .

ميلاف :: علجايات ان شاء الله .

باوعتلي معاجبها ابتسمت الها اسلك كالت موده 
موده :: تعالي هسه اسويلج الريوك .

ميلاف :: لا عمري هسه اني اسوي .

موده :: لا كعدي هيه بيضه واطكها  .

نشروان :: لاتعلمينها على الخمده من هسه خل تشتغل هيه شني انتِ خدامه عدها  .

_حچيت بهدوء اخاطبها
ميلاف :: وقابل خدامه عدكم من الصبح لليل تگرب وين ذنيج ليش بس هيه تشتغل  .

نشروان :: شوف السانها  .

ميلاف :: تريد زلههههه  .

وسام :: ميلاففف كعدي بويه مو صبحنه  .

تئفئفت او كعدت يمه باوعت الموده وحدث امس كله اجه على بالي انتبهتلي ابتسمتلي اني رجعتها الها بهدوء

كمت ساعدها سوينا الغده ماتركيت شكد اصرت عليَ سوينا الغده سويه او جَمهر ماكلفت نفسها تطلع من الغرفه بس بناتها يتفرن .

صبينه الغده وهيه راحت ودت الاخوها ومانزلت بعد الظاهر ضلت يمه .

كملنه غده كمت لميته اني وجَمهر مدري شعجب مدري لان ابوي وعمي كاعدين ؟!

وكفت اغسل مواعين وهيه سوت الچاي الابوي وعمي ، غيث وعمي ماشفتهم بس وقت الاكل اشوف غيث وعمي زوجها بعده مراجع للبيت

سألت موده كالت يشتغل بمناطق يوصل كوارتين حليوات وهيج سوالف للمحلات .

شوي ونزلت موده ساعدتني بلمواعين باوعت الها متردده اسألها حسيت الوقت مو مناسب سكتت وكملت شغل كملنه بسرعه رحنه لغرفتها تربعت كدامها وكلت .

ميلاف :: يله موده كلتي احجيلج شبي اخوج  !؟

_اخذت نفس عميق وكالت بحيره
موده :: اخوي .

ميلاف :: امم  .

موده :: خيه خليها غير وقت والله احس تعبانه وهوه يتعبني اكثر  .