ضماد الغوث

البارت ١٦

روايه : ضمـاد الغوث
الكاتبـه : بَنين نَجم
.
.

لاتنسو التصويت + التعليق بين الفقرات
قراءه ممتعه .
.
_ ميلاف
.
.
غوث :: الله هسه صرت تعجبني .

قبل لا عزيز يرفع ايده على غوث ابوي كضه بمجرد ما دفعه برا يطلعه حتى لا يتعاركون

طلع غوث بسرعه ورا مالحك ابوي يلزمه بمجرد ما عزيز التفت

جابا ابوكس على وجهه حطيت ايدي على حلكي بصدمه راح الولد مات على هاي الضربه

كضه ابوي جابه براشدي ودفعه عنه يصيح ويسب بي باوعت لعزيز الرافع نفسه يمسح على حلكه

دفعه ابوي لوره يصيح عليَ وهوه عينه على عزيز صدره يرتفع وينزل بسرعه عبالي اجته النوبه بس جسمه مايدل على هشي

علي راحله يسحب بي يريده يفوت وهوه يدفعه ويصيح بعلو صوته

غوث :: وخررررر لحددددد يكضنيييييي .

تقدم علي عليَ يحاچي يريد يكضه تراجع خازره ورافع ايده بعصبيه ويصيح بوجهه لاتكضني

وسام :: امشي ادخللل جوه .

غوث :: انتَ وخرررر لاتدخل بينيييي وبينهههه .

وسام :: شنييي لاتدخل اعوفك تموته !؟

غوث :: ايييييييي يلهههه وخر .

دفعه ابوي لداخل سحبه علي ويا وهوه يدفع ويغلط حرفياً غوث چان واصل بأعلى مراحل غضبه وموده لحكتهم وكفت اباوع لعزيز الخشمه كله دم

دخل غيث هاز ايده باوعت لتبارك السحبتني بهدوء من يمهم الهرجه تخليك تفقد اعصابك كوه

مشينه صعدنه لغرفتي متفاديه اي حركه يسونها مالي اي خلك ، صوته مالي الطابق كله دخلت وركعت الباب وراي

تبارك :: بعلي ذبحوني شنهاي .

ميلاف :: يعيني الله .

تبارك :: اي والله .

سكتنه اثنينه اني صافنه بلگاع استمع لصوته الهرج الطابق هرج شلون يصيح كالت تبارك

تبارك :: هسه عوفينه منه باچر نكعد على وكت حتى نروح لصالون خوش .

ميلاف :: اني ماروح .

تبارك :: حتى اكطعج وحق هوه علي .

باوعتلها بصدمه هيَ ضحكت .
ميلاف :: هاي شنو .

تبارك :: شنووو ترا عائلتكم شرسه تحتاج هيج اسلوب .

قلصت عيوني عليها كالت .
تبارك :: اي نروح اني وياج وموده وامي وامج متريد تروح عندج فستان !؟

رمشت عده مرات وهزيت راسي بأي
تبارك :: حلو طلعي اشوفه .

ميلاف :: چوء سبرايز .