على قمة الحكيم ( الجزء الثاني )

البارت الثالث

بسم الله الرحمن الرحيم

_ الكاتبة : Duha_al amer 🦋

_ صوتو للبارت بنجمة

_ صلو على الحبيب محمد

_ بسم الله الرحمن الرحيم .

يتلاشى الجمال بعد فترة وكذلك تتلاشى الجاذبية، لكن الزواج بشخص مثلك يجعلني أضحك كل يوم، فهذا شيء لا أريد الاستغناء عنه أبدًا.

_________________________________

_ منو جاوبي

نرمان :شلت المبايل والتوتر بين علية رفعت حاجبي مبتسمة .. هاي ايات وياي بالكلية راح احجي وياها بالغرفة وانيم علاوي وكنان يلة ماما .. لزمت ايدهم وطلعت من الهول وصلت للممر وطكيتها بركضة للغرفة .. فتحت خط

_ اسف دكيت عليج بالليل مو تنسين الفلوس باجر لان العصر ارجع

_ اي ماشي بس لددددك بعد باجر اداوم واجيبهن

_ بوسيلي علاوي من حلكة مع السلامة

_ حسيتة متقصد الحجاية قرفت منة للحضة تراجعت وفكرت لهنا واحجي الحكيم .. سديت كتابي ودكيت على نجاة حجيتلها الصار

نجاة : والله حبيبتي بكيفج الذهب رحت بعتى والفلوس عندي وخليها ابالج لو عرف حكيم راح يعتبرها خيانة قبل كلشي

نرمان : اسم الله شنوووو خيانة اني ماعندي شي ويا حتى راد نكعد بالسنتر رفضت لا لا مستحيل

نجاة : انتِ لو فقيرة لو غشيمة حكيم الحنين والحبيب مالتج راح ينكلب جلب عليج اذا عرف بعتي ذهبج وانطيتي الابن عمج وتريدين تروحين ويا البغداد لزعلين مني امج متستاهل اجازفين هيج مجازفة

نرمان : شو دروحي راح اوكع من الخوف .. سديتة وطلعت الجهال برة وطفيت الضوة ونمت

أعود بأفكاري لزماننا، وأفتش بين ثنايا الضحكات عن سعادتنا، وتأخذني الأحاسيس إلى أحلامنا، وأرى الثواني تمضي من أمامنا ولا تزال نفس المشاعر فينا، ودفاترنا لا زالت مملوءة برسم طفولتنا، ومقاعدنا لازالت تحوي دفء حكاياتنا.

_ كعدت الصبح على صوت المنبه حكيم حاضني فتحت ايدة وكمت بدلت بسرعة وكعدتة هوة ميتأخر باللبس

حكيم : بنترة .. عندي شغل ما فارغ اوديج شوفي فاروق

نرمان : انصدمت بردة فعلة الصبح .. مو عندي امتحان وتأخرت ليش اكو شي متوصلني ؟

حكيم : ماكو عندي شغل

نرمان : عافني ودخل للحمام سمعت صوت الدوش صارت فكرة اجيبني وفكرة توديني خاف عرف وعبالة صدك اخونة ؟

فاروق : صباح الخير يلة جاهزة

نرمان : لا نزار يوصلني

فاروق : نزار طلع من الصبح عندة محكمة