على قمة الحكيم ( الجزء الثاني )

البارت العاشر

_ الكاتبة : Duha_al amer 🦋

_ صوتو للبارت بنجمة

_ صلو على الحبيب محمد

_ بسم الله الرحمن الرحيم .

احبكم ❤️❤️

تابعوني بالانستا.  duu_199 🎶🎶🎶

الله مايهديچ وتحبيني
أستحي من الشيب خليتني
من أشم عطرچ عشر مرات أموت
عا لجمر مشلول مشـيتيني
الله ميهديچ وتحبيني

معلومه : فاروق اصغر من حكيم باربع سنوات ترا

___________________________________

روح : ثاني يوم چان عيد ميلاد وحده من البنات وصديقتهه جايبتلهه كيكه والبنات فرحانات

لمياء : بنات كصو الكيك وحتى ست سندس نودي الها

روح : وكفت اساعدهم وكم بنيه من صديقاتهه جايبتلهه هديه تفتح بيهم

يقين : شكد عيب احنى بس ناكل لا جبنه هديه ولا صخام

منار : نسوي نفسنه مندري

روح : ترا صدك احنى مندري

_ الكل ملتهين وجانت جمعه حلوه اول مره تصير بالسكن .. فجأة صار صوت صرخه وبجي وحده ادردم البنات ركضو واني وحده منهم

سندس : الله ياخذذذذذك اذا تعوفني .. اووووكف اررررجع اني مراضيه

ديانا : شبييييج منووو وياج

سندس : معليييييجن يله طببببببن جوووه

ديانا : بنات روحو اني اشوفهه

روح : جان شعرهه منكوش ولابسه دشداشه فضيحهه حتى ملابسهه الداخليه مبينه صعدت ديانا صديقتهه المقربه كلش .. ركعو الباب

يقين : هاي يمكن مخبله لان تصيح وحدهه ماكو احد

منار : لا اني جنت بالحديقه شفت واحد نزل من الدرج وراح

لمياء : عفيه لتسمع وتسوي مشكله تعالو ناكل طز بيهه

روح : فتت جوه وكل وحده صارت تحجي سالفه وتخمن شصاير وياهه .. فرشنه سفره وكعدنه ناكل چان تنفتح الباب وطب سندس وديانا

سندس : عذروني بنات جنت عصبيه وتعاركت ويا زوجي

منار : انتي مزوجه !!!

سندس : اي زواج عائلي قليل يعرفون و بينه مشاكل

يقين : حبيبتي متستاهلين

روح : جانت الكمه بحلكي بعد متنبلع شربت مي وتذكرت اخر واحد جان يمهه فاروق .. اني جنت اعرف اكو شي مو طبيعي وجوده بيتهه دائماً .. بس ليش خطب بعد

ديانا : حبيبتي لضوجين ماكو ثنين مابينهم مشاكل

روح : ما ادري شصار بيه ضجت حتى من كعدتهه كبالي ما ادري لان اكره رجلهه ابو النسوان .. حسيت ودي اوكف واكللهه ترا خاطب وسكتت