بِسْمِ اللّٰـهِ الرَّحْمَنِ الرَّحِيمِ
# ألميراس
الكاتبه :- طيبـه الطـائـي
&&&
المشهد الأول
بينه وبين المجمع مسافه كلش قليله اباوع علی العالم شلون گامت تركض ومفرفحه رواحتها هي ثانيه وما احس بالصواريخ والشضايا وصراخ العالم اله كلها صارت براسي هذا الصوت ألي جنت بنص حضن امي اسمعه وما يرفلي جفن صرت محاوطه بي
بينه وبين الصاروخ 10 او 15 متر ما أعرف بشنو احير احير بنفسي لو بأمي لو العلاليگ ألي تارسه أيدي لو بالناس ألي تقطعوا لأشلاء بس شوفتهم كفيله تخليني مخبله طول عمري حسيت علی احد يجر بأيدي
••• ولج يمه امشينه راح نموت يبووووو عليكم حسبي الله ونعم الوكيل علی كل ظالم ولج يا يمه يا جينار عمت عيني عليج وين اضمج من هالضيم اضمنج بروحي التحرگج متحميج وين اضمنج
••• شبكتني وختلتني ورا ضهرها علمود متلوحني شضيه وما نحس اله ضربوا صاروخ ثاني وميبعد شي عنه والثالث صار مقابيل مجمع الخضراء بالـضبط صرنه بنص حرب ومثل ما گالت لو تضمني بروحها متگدر تحميني
لزمت أيدي بقوه وهي تتلفت تريد تحميني من شي احنا وگعنه بداخله الصواريخ وهذا القصف ألي احتمال بثانيه يأخذ روحنه بچف والاطفال الممروده والروس ألي مقطعه گدام عيني بچف ثاني
أم جينار :- روحي يمه كملي طريقج هذا حدي بعد ما اگدر امشي روحي واحمي نفسج يمه شوفيلج دربونه واختلي بيها والله يحميج ما اريدج بعز شبابج وتروحين ضحيه المجرمين الميخاوفون الله
جينار :- شاغت روحي والدموع جمر علی خدي واني اسمعها تحجي هيج گلبي نمرد ...
ما اعوفج شلون تريديني اعوفج بنص القصف واطلع بروحي لو نطلع من هالحرب سوه لو يطلع تابوتين من بيتنه يا يمه يا حبَيبه بس عينيني شويه خلينا ندخل بهاي الدربونه بس شويه نمشي وهنالك ارتاحي مو راح تطلع روحي
YOU ARE READING
ألميراس
Non-Fictionجينار :- لمن تكبرين راح تعرفين انُ الخساره اسهل من الندم . صح اني خسرت بس ما اتندمت ولا راح اتندم علی شي هو مو الي من الاساس .... وأن رأيت القاع فأعلم انك وقعت فيه دون ان تشعر فالماضي القاع وان تذكرته وقعت فيه والمستقبل فهو حاضرك الذي تبحث ع...
