هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاق
...
البارت 13
جر ليها الكرسي بلباقة حتى كلسات ... وجلس مقابل معاها ... حرك يدو لسرباي لجا دغيا اياخد طلبهم ....
تتشوف فيه ممعنة فملامحو وهو كيهضر مع السرباي .... حروفو حرشين عيونو عسليات نقطة من العسل .... نتابهات لضربة صغيرة حدا حاجبو ... لحيتو مطراسية ....
منتبهاتش ملي كمل الهضرة مع سرباي قد مكانت مركزة مع وجهو لاول مرة تحقق فيه ...
ميل راسو بابتسامة جانبية تيدوز يدو على لحيتو : عجبتك؟؟؟
ابتسمات ابتسامة صفرة .. حاطة يدها على طبلة مششبكاهم : لقيتيني تنفكر فاشنو مخليك تجيبني لهنا .. عفوا فاشنو خلاك تعرضني من الاساس؟؟؟؟
شبك صباعو بنفس الشكل عاض حنكو من لداخل : بغيت نتعرف عليك ...
هزات حواجبها ضاحكة باستهزاء: تعرف عليا؟؟؟
هز حواجبو : وي لحد ليوم تنعرفك معرفة سطحية .... لوجيست لدرتي معايا خلاني باغي نعرفك عن قرب ...
بنضرات لعوبة : لوجيست لدرت قلت لك علاش درتو الى كان امتنان فراه عادي جدا وكنفضل علاقتنا تبقا سطحية ومنتعمقوش فمعرفة بعضياتنا كتر .... ( صغرات عينيها ) اما لكنتي طامع ف ...
زدح يدو على طبلة مقاطعها تنتابهو ليهم لي كالسين حداهم ....
بلع ريقو وابتاسم باستهزاء: هدو افكارك فيا ؟؟؟ شوفي انعمة انا لساني مااااضي منشااار صريح وطبعي صعيب وقبيح .... ولكن تلرجولتي مكندوزهاش سالكة ... الشيك انا مصرفتوش اصلا غتلقايه فبيتك حيت انا برزقي وعقلي ومدام عقلي خدام عمري فحياتي غنحتاج لشي حد .....
تتشوف فيه مدة ساكتة : ادن كانت غي ...
قاطعها : تماما ....
وصل السرباي بطلب معتصم ... لكان بلا دسلاد بالحوت وعصير الحامض ...
بداو تياكلو بصمت ....
معتصم تيشوف فيها مرة مرة مدقق فتفاصيلها ... كفاش تتاكل وصرف ... بيننا هي ساهية هدشي جاها فشكل ...
فطاولة جنبهم كانت بنوتة ف 16 من عمرها معالمها الانثوية بارزة شعرها اسود بحال ليل وعيونها خضرين زمردتين .... بلقة وحناكها حمرين ففستان احمر ... ساهية فنعمة ومعتصم ....
نطقات صاحبتها لي مغافلاش عليها كانت بيضة بشعر قهوي وشفايف وردين مكايج خفيف وفستان طويل دونتيل كحل ....
نطقات بمكر : الراجل ومرتو ثنائي زوين بزااف... ياك اهبة...
بتسمات ليها : واش مكتشوفي كفاش مبهدلة؟؟؟ وزيد سمرة وهو زعر .... مجاوش مع بعضياتهم نهائيا والله ....
YOU ARE READING
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
