هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :29
حل فيه عينيه ببرود منخلو .... بدا تبحيح عليهم : تبربييييي ععععع وشهدووووو عليه كلب مبني واقف بالبروووووتين منخل السكندرررر...
طلعو ونزلو ... مشرمل بكوستا موسخة ريحة السيليسيون ولا ݣريس تتفوح منو سنانو صفرييييين ... وفمو زرررررققق ...يديه كحلين بالوسخخخخ ... غليض كرشو سااابقاه ...
وقف معتصم ناوي على خزيت بلى ميهضرررر ضربو بروسية زعزع ليه مخوووو .... جا طايح كاو دم دايز من نيفو عينيه مقلوبين تيأن...
دور عينيه عليهم : مكنحملش الصداع حيت انا دبا على نقشة ... (دوز يدو على عنقو) لي دوى غياكل دوى...
رجع لبلاصتو متكي على الحيط مغمض عينيه .... صورتها بين عبنيه . .....
بينما الاخرين كلسو تيوشوشو الحس تقطع ...
دازو ساعات طوال عليه بحال العام راسو كيفصل وايخيط مخوووو خداااااام كيحلل ...
تحل لباب داخل الكوميسير لي حقق معاه : معتصم ال يعقوبي ؟
حل فيه عينيه ساكت...
الكوميسير تيحل لباب مخنزر كان شاب زعر بعيون وساااع خضر .... كتافو عرااض لابس قميجة بيضة وسروال كحل بسماطي ... مينوط وسلاح فجيبو ... كمام القاميجة طالعين لمرفقو مبينين شعر يدو القهوي. ..
مصغر عينيه فيه : معارفك صحاح ... العميد باغي اشوفك ...
حرك راسو بالايجاب واقف : واش جا المحامي ؟
باستهزاء : اه ...
عطاه بضهر سابقو ومعتصم تابعو يديه فجيابو ... منخوي فمشيتو اكيد جاد لي سيفط المحامي...
وصلو لمكتب العميد ومشا ...تنهد معتصم عاد دق ... حل لباب منن سمع الادن ...
ابتاسم بجنب ملي شاف اسم "كمال القاسميي" فاسم العميد قبل ميهز فيه الشوفة : سي كمال ...
كيدور ستيلو فيدو كان راجل اربعيني الشيب مغطي شعرو شااااد صحتو بصوت قاصح : معتصم يا معتصم كضرب مرتك هممم
توجه معتصم للكرسي كلس مقابل معاه ساكت...
كمال بجدية : ممكن نعرف شنو سبب...
معتصم ببرود : بيني وبين مرتي ...
تنهد كمال : وخا .. وصلني اتصال من جهة عليا راس كبير فدولة باش ندوز قضيتك ونضمصها ؟؟
معتصم تبسم بجنب: لا مباغيش نضمصها غي دفعها لوكيل الملك..
كمال سد الملف كيشوف فيه بإستغراب : اهاه هي غدي تطول عندنا؟!
معتصم بجدية :حتى والى ضربتها فقدت سيطرة على راسي ماشي نافرها ولا كارهاه والى كانت راحتها غتلقاها هكا معليش غنبقا هنا تنشوف اش غيوقع لخرجت غتحس بالحكرة...
كمال: وفنضرك محستيش بيها وانت تتعصي فيها؟؟؟
بلع لمرار فحلقو ميبتسم ليه : مهم غنبقا فضيافتكم تنقنط ونقولها ليك . . الملف غير دفعو ...
كمال بطنز: عجباتك البنيقة ...
معتصم : اه ضيافتكم ( حرك سبعو الابهام على شكل جيم ) ناضية ....
تكا على كرسيو : مناسيش خيرك معايا ...
معتصم وقف غادي لباب: غير نساه مدرتوش باش تبقا مفكرني بيه ... ( دار شاف فيه) خرج عليا دوك الشماكرية من بنيقتي زنزنو ليا كري راه غنعطب شي زامل ...
حرك ليه راسو ... ومشا تيتمختر نازل بكامل قواه العقلية بلى ميݣودو حدد ...
دازت سيمانة بتمام والكمال دوزاتها نعمة فراحة تامة تتنعس تيتناص نهار وتفيق تاكل وترجع تنعس دارت بناقص من شي صالون .... معندهاش المزاج تشوف شي حد .... سليمة مشوشة على ولدها ماشي خيت فالحبس عارفاه قاد بصوالحو مشوشة على حالتو نفسية مرة مرة كطل على نعمة .... مخليها فراحتها من غير جاد لي مفوج عليها وكيخرجها ديما ....
تنهد خارج من الكوميسيرية بعد مقاد ليه المحامي كلشي .... بنفس الحويج لدخل بيهم هدي سيمانة .... ملامحو باااردة ... ستغل هد الوقت باش ارتب افكارو ...
لقا الكارد تيتسناه فالاوطو ...
يتبع
YOU ARE READING
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
