عند مهره
كانت منسدحة على السرير .....تطالع مسلسلها فاللاب مالها.... شوي و رن فونها و كان مروان..، و طبعا مروان عند ساره...: نعمممم! ردت بغصه
مروان : شفيج شفيج شفيج بالغه فلفل
مهرة وعي مالها خلقه : مروان ولله مالي بارض قطعت علي مسلسلي انته شو تبا فاضي تيلس تطفر بي شو؟
مروان ضحك: هيه نعم فاضي ....و بعدين ودي اقولج شي بس ما يصلح الحين صبري علي عقب ما عليه
مهرة: مروان ولله مالي خلقك مب حرمتك اتت أنا ترا
مروان: حرمتي حرمتي ...مب كيفج
مهره: سير لاه مالي خلقك
و سكرت فويههه سوت فونها صامت و كملت تطالع المسلسل
*
*
*
*
*
*
*
*
فالليل الساعه 8:30
مهرة: جب مروان يخييي ابا انام وانت مطلعني غصب
مروان ضحك و مسك فكها بحنين: عيل لا اربع و عشرين ساعه نوم ...هدها و وقف فوحدة من باركنات الكوفي اللي هم عنده و طالعها ...اقلج نسير الفجيرة شرايج؟
طالعته مهرة :مروان مالي خلقك رجعني البيت ولا ولله بنزل عنك
طالعها مروان و فتح فونه: لو فيج خير نزلي بس ...والاخت ما صدقت و فتحت الباب بتنزل...
مهرة: بتريا اذن منك انا ...مسكها من ايدها و سحبها... مرواننننن يعور
مروان بغصة و غيره: لين متى بتمين جي تعاندين؟... فهمينييي العناد ما بيودي مكان
مهرة صرخت: ما احبك مروان افهم ما احبككككك ... من بعد ما قالت هالكلام سكت مروان و نزل من السياره... و كان الكوفي صوب البحر...
طالعته مهرة وهو نازل متغصص و متغايض... كانت خطواته شوي سريعه... و ياها تأنيب ضمير... حطت ايدها على قبضة الباب و كانت بتفتحه بس رن فونها ...و على طول ردت...: الوووو
غاليه: انتي وييين بالزفته؟... صارت عشر و انتي ما ييتي
مهرة: غلوي ولله العظيم مالي خلق حد... فوق ما انه الدوره فيني و راسي يعورني يايه تدقي ؟... خلاص رافعة ضغطي طالعه اغير جو لوعتيبي تراج ... و سكرت فويهها ...
اما مروان فهو تم قاعد يشكي همومه للبحر... كان كله غيض و قهر... دموعه تنزل مثل الشلال... حس بإيد على كتفه بس ما تعب عمره و لف يطالع منو...: مرواننن
مارد عليها بس مسح عيونه و تم يطالع فالبحر: مروان يقلبي دخيلك رد علي...
تم ساكت و يطالع البحر: يعني ما بترد؟... نزين كيف ارضيك... اضربني... قالت و هي تسحب ايده بس هو رد سحبها... عيل اصرخ علي... لفت ويهه تجاهها بس هو صد عنها... يعني شسوي اموت امو-
قاطعتها ايده اللي كان حاطنها على حلجها... : ولله ان عدتي هالرمسه كف فاهمة؟
*
*
*
*
*
*
*
*
عند ساره ...
عطا عبدلله الكوفي و ابتسمت وهي تيلس صوبه... لحفت ريلها و حطت راسها على كتفه...: عبوددد متى بتأجز؟
شرب عبدلله و حطا الكوب صوب الابجورة... و حاوطها بايده اليسار...: من باجر لين الاحد الياي انا اجازة... امريني يعيوني بس
ابتسمت و طالعته: ليش ما نطلع؟ نسير داون تاون الفجيره مكان جي شرايك؟
ابتسم و باسها على راسها: ولله حلو يباله الصراحة...وين خاطرج تسيرين انتي؟
ساره: وين ما يبي قلبك ...
عبدلله وهو يلعب باصابعها: شرايج نسير داون تاون؟
ساره :ولله فبالي بس قلت اشوف وين بتختار... عسب اضارب وياك ههههههههههههههه
عبدلله طالعهابطرف عينه و ضحك: طع هاي... انتي حامل ولا شو هههههههههه... ولله العظيم تضحكين
ساره وهي تضحك: ههههههه مب حامل بلاك ...هههههههههه ... عبود ليش ما نسافر انا وانت؟
عبدلله ابتسم: ودي بس العيال ويا منو بيتمو؟
ساره ابتسمت و طالعته: غلوي ... صح انها مب اختي اختي... بس صدق حسيتها مثل اختي... لا يمكن الاستغناء عنها ...و عندي ابوي و مروان
عبدلله ضحك: روحي مب مستوعب كيف غلوي مب اختج ...وانتو نفس الطبع بموت هههههههههه
ساره ضحكت :ههههه ماعليك من رابع قوم اربعين يوم صار منهم ...هههههههههه هي مب بس اربعين يوم سنيين مرت سنيين
عبدلله: يخي احبج يالنتفه
ساره ابتسمت: اموت فيك و في هواك...
