ابتسمت سارة لما دخلت غرفتهم و شافت انه محد فيها.... فصخت عباتها و نزلت تحت .... فتحت غرفة الضيوف شافت محد فيها قالت اكيد فالحمام... سارت تبا تدق باب الحمام بس انفتح و طلعت منه شجون.... و حطت ايدها على صدرها اول ما شافت سارة...: اخخخخ روعتينيضحكت سارة: اسفة.... بتين تتغدين ويانا؟
شجون: لا انا بطلع بسير بيتنا...
سارة ابتسمت: ان شاءلله و متى ما بغيتي قربي حياج
شجون بمجامله : الله يحييج فديتج...
سلمو على بعض و روحت شجون من البيت وهي ميته غيض.... طلعت سارة و سارت صوب عبدلله و اليهال فغرفة الطعام... و شافته طالع من الحمام متغسل .... و فايده اليهال.... شافها و ابتسم هو ياي باتجاهها: هلا حبي... قال وهو يبوس خدها
ابتسمت له و هي تشل عنه روان: اهلين عيوني
عبدلله: هاه شو سويتي؟
ابتسمت و قعدت :ماشي بس شريت اللي ناقص جي و ييت....
عبدلله: هيييه وين عيل بنودي العيال؟
سارة وهي مبتسمه: احي بوديهم عند مروان و جي ... شو تحس؟
عبدلله: مثل ما تبين .... عالمغرب ضاربين خط للفجيرة اوكي قلبي؟
سارة بابتسامه: ان شاءالله عيوني... قوم بنلبس نزين...
عبدلله طالعها و وقف وياها: طع بعد ما تصحح و تقول داون تاون
ضحكت سارة و سارو يجهزون العيال.... و عقب هم تجهزو و لبسو ثيابهم... كانو بيودون اليهال بس مروان دق و قال انه هو بيي ماله داعي يمرون...... صارت الساعة 11:30 ... وصل مروان و يلس وياهم شوي عقب شل اليهال وراح.... نزلو سارة و عبدلله الشنط مالهم وحطوهم فالسيارة.... و وصت سارة على ليزلي انه تنتبه للبيت.. واذا خلصت شغل و ماكان عندها شي تسير بيت مروان اللي ما يبعد عن البيت الا مسافة بيتين.... و عقب طلعو بدربهم لداون تاون دبي.... :عبوددددد... عادي افصخ الشيلة؟
طالعها و ابتسم...: اول شي افتحي الجامه اللي فوقج عقب افصخيها...
فتحت الجامه و فصخت الشيلة.... و ابتسمت وهي اطالعه... اما هو فمد ايده و دخلها في شعرها.... سحب راسها و حطه على كتفها... و تمت هي تصور.... و تغصص فيه.... وصلو الفندق اللي بيكونون فيه و نزلو و نزلو الشنط مالهم.... و فنفس الوقت عند الرسبشن.... كانت واقفة و لابسة بودي اسود و سويتس بيج....مع جوردن ابيض و اسود...
![](https://img.wattpad.com/cover/351459518-288-k554912.jpg)