#وحيدتي⛺🕦
#الحلقه 18 ⛄❄
شويا هكي و جت الممرضه وقعد يحكي معاها مراد بالتركي وبعدها قال ان بيديرولها الاشعه و التحاليل وهك وخذوها ونحن قعدنا على اعصابنا عشان تطلع النتيجه عميمه تدعي ومراد يبرم كل شويا و قصي يلي داير روحه مقمعز عادي كان يحرق من جوا شويا وجا الدكتور
الدكتور : يحكي بالتركي
مراد : تغيرن ملامح وجه وعقد حواجبه
انا : قلبي نغزني وقعدت نبحت فيه
عميمه : شن قال ياوليدي
مراد : بحت فينا مش ورم طلع
عميمه : حطت يديها على فمها ودموعها نزلن حمدلله ياربي الحمدللله
مراد : يمشي في اصابعه على حواجبه كيس فالدماغ
عميمه : شهقت وشنو هذا
مراد : يحول بالعمليه بس
عميمه : بس شنو ياوليدي ماتحرقش قلبي
مراد : يمي الكيس جاي على مكان خطير وحيصيرن مضاعفات
عميمه : مضاعفات شنو
مراد : مش عارف يطلع بعد العمليه
قصي : باهي يتعالجن ولا شنو
مراد : اكيده بس ياخذن وقت
عميمه : تمسح في دموعها اهم حاجه تصح وترد كيف قبل
مراد : ان شاء الله حيستعجلو بالعمليه ممكن فاليل
عميمه : باهي هيا وين توا
مراد : شويا وينزلوها وحيشيلوها لدكتور نفسي يشرحلها حالتها يشوف كيف تقبل الوضع
عميمه : باهي
قصي : انا طالع شويا
مراد : تمام وبحت فيا وهزلي راسه بكنك
انا : بحتت فيه وابتسمت شي
مراد : قمعزن ماتقعدنش هكي
عميمه : قمعزت والله ماعاد فيا حيل
مراد : يمي احمدي ربي ماطلعش ورم كان هذا قعدنا في قصه اخرى
عميمه : الحدلله ديما غير والله منشغله عليها اختك صغيره ماشافت شي من الدنيا
مراد : ان شاء الله خير يمي
عميمه : ان شاء الله ان شاء الله
_______________
في ليبيا
زكريا : ماسك يد نور ويمشو عالبحر حبيبي
نور : تاكل في جلاطي هممم ياعيوني
زكريا : شنو رايك نعدو لمصر شهر عسل
نور : ضحكت جد حبيبي
زكريا : جد انا نسأل فيك قلت ممكن ماتعجبكش مصر وهك
نور : بحتت فيه عادي اي مكان اهم حاجه معاك و لبزت خشمه بالجلاطي
زكريا : ضحك ينعن شكلك والله نوريك
نور : دفاته عند ماطاح وعدت نجري
زكريا : صبى ويجري وراها تعالي هنا
نور : التفت عليه وتضحك وطلعت لسانها اووو طقني كان قدرت
زكريا : تي والله نوريك وقعد يجري بقوه عند ماطق فيها وحضنها من لاوره
نور : ووووه عليااا
زكريا : يحكي قريب من وذنها شن انديرلك توا
نور : تسيبني كيف الشاطر
زكريا : رفعها في احلامك
نور : تعيط و تحرك في كرعيها ووووعليااا لالاه دبشي
زكريا : يضحك عليها اسس لميتي علينا خلق ربي و عزقها فالبحر
نور : تعوم وو نعن شكلك اووف عبيت دنيتي ميه
زكريا : قرب منها و حط يديه على خصرها ويضحك انتي دفيتي الاوله
نور : تفو الجولاطي راح توا وقعدت تنطر عليه فالميه
زكريا : في وليه تتفل على راجلها
نور : ضحكت مش انا درتها في
زكريا : باس خدها ربي يخليك ليا
نور : احم فالبحر رانا
زكريا : ضحك عارف عارف
نور : دفاته حول هك خليني نعوم
زكريا : رقد على ظهره عومي محد ماسكك
_____________________
