سم اللقى صدفه واسميه ميعاد

روفِ بي ولا عاد يلحقني جفاك

كانو بسياره راجعين لبيتهم وطول الطريق ام نواف تمدح بندى ونواف من الوناسه وده يصرخ ويقول شرايك بذوق ولدك يامي ولكن قدر يسيطر على نفسه وعطاهم ابتسامه خفيفه

مطلق استاذن من حمد انه مابينام معه بالمخيم هالمرا بيروح غرفته
حمد : بصرك
راح مطلق متجه لغرفته والوقت تأخر
عنود كانت تنتظر الكل ينام عشان تنزل الحوش لأنها تحب جو الليل وضو القمر

طلعت من غرفتها وقفلت الباب كانت تمشي بشويش عشان ماتبي احد يعرف انها تطلع الحوش
عند حمد بالمخيم كعادته يشب بدخانه ويطفي فيه

سمع خطوات بالحوش وطلع يطل شاف ظل وعرف انها عنود بدون كلام وبدون تفسير كان قاعد يراقبها وش بتسوي وشافها متجهه صوب المخيم راح يطلع من

الخلف وهي وقفت قدام المخيم والتفت مافيه احد راحت طفت النور حق المخيم وتفاجاة من يد تحاوط خصرها وتسحبها لصدره
كانت تبي تصرخ بس اخذ غترته وسكتها فيها

للحين عنود ماتدري مين هذا الشخص لأنها ماتشوف والنور طافي والوقت متأخر ارتبكت من تنحنح
وقال اخخ ياعنود وش سويتي في قلب حبك هالكثر قولي لي وش سويتي
خافت وماردت عليه
حمد كان اذا قال كلمه بعد يشد عنود له اكثر وعنود تحاول فيه يتركها بس كان قوته اكثر من قوتها
قال بقول لك شي
عنود بتوترت : طيب ابعد شوي ماني قادره اتنفس شفيك !!
حمد : بس انا مرتاح كذا وابقول كل الي بصدري تعبت اخفيه من ايام واسابيع وشهور وسنين بعد
-
عنود : طيب قول اسمعك انا
حمد : لهدرجه مو واضح لك الحب بعيوني وبقلبي وشرايني وكليي
عنود : كانت ساكته وحمد كل ماله يشدها له اكثر واكثر
مسح على شعرها وقال
-
ياعنود الريم ياشبه الظبي
‏ياعديم الوصف غالب في غواك

‏من على وصفك ترا ما لك وبي
‏روفِ بي ولا عاد يلحقني جفاك
-
اخيرا عنود قدرت تفكه عنها وراحت تركض بتجاه البيت دخلت بهدوء عشان برضو محد يشوفها بهالحاله
وصلت غرفتها ورمت نفسها على السرير

من الخوف والتوتر وتحس حتى رجولها قاعده تنتفض
اما حمد رجع انسدح بالمخيم واخذ لحافه يتذكر تفاصيل عنود كامله وكيف كانت قصيره مو مقياس لطوله وريحة عطرها الجبار وشعرها الكثيف وناعم نام وهو يفكر فيها

وهي نامت وهي تفكر باللي صار ومتوتره يعني لو احد عرف ايش بتكون ردت فعلهم وخافت يصير شي لحمد وغيره
-
الظهر كانو صاحين كلهم الا حمد وعنود للحين محد يدري وهم باقي نايمين
مطلق كان ينادي حمد ياحمد يولد ماتشبع نوم انت
راح متوجه للخيمه يصحيه لقى حمد كان قاعد يغسل
مطلق : وش بلاك ماتسمعني وانا اصوت لك
حمد : تو صحيت الحين اسلم
مطلق : يلا اخلص صل صلاتك والحقني الحوش جاهز الفطور
حمد : ابشر
رجع مطلق ولقى ندى وامه ونور بس عنود مو موجوده جلس وكان يسولف على جيت حمد وجلس معهم يسمع السوالف حمد كان يتلفت يدور عنود تذكر امس وخاف
ناظرت فيه ندى وهي تشوف وجهه تحسه خايف عقدت حواجبها بمعنى ' وشفيك ' رفع حمد حواجبه بعد بمعنى ' مافيني شي بس عنود غريبه مو موجوده '
-
قاطعت النظرات ندى من تذكرت عنود وفزت قالت نسينا عنود ماصحيناها انا رايحه لها
حمد ابتسم من عرف انها فهمته
ندى راحت للدور الثاني وهي تنادي عنود دخلت غرفتها ولقتها باقي نايمه سحبت منها الحاف : انتي للحين نايمه ماصليتي ولا شي
عنود : شتبين ماعندي صلاه وابي انام
ندى : خلاص كافي نوم ترا يسالون عنك
فزت عنود : مين اللي يسال عني ؟
ندى ابتسمت : اقدر اقول مستقبلك لأنه واضح العشق بعيونه يحرام
عنود تحاول تتذكر مين تقصد ندى وتذكرت وش صار
-
معها بالليل والتفتت : لايكون قصدك حمد !!!!
ندى : في احد غيره طبعاً لا ولد مزيون وشاعر كامل والكامل الله بس ناقصه بنت الحلال وانتي بنت الحلال
عنود بصراخ : نددددى وش قاعده تهبدين اصحي شفيك
ندى : اخلصي بس قومي تجهزي وانزلي افطري
رجعت ندى وحمد طول الوقت عيونه على الباب مايبي عنود تنزل ومايشوفها
مطلق راح يغسل يدينه
وحمد راح وراه فجاه رن جواله واخذه يشوف من المتصل
المتصل كان نواف رد حمد : ارحب يانوافي
نواف : ياحلو هالدلع منك وضحك
حمد : اهجد ترا ماني حبيبتك ولا زوجتك
نواف : المهم اسمع دقيت على مطلق ماكان يمسك الخط بس اذا هو حولك قل له وش رايكم نطلع طلعت شباب بر وعلوم زينه بعد المغرب او العشاء كذا حولهم
حمد : ماعندي ولا اعرف كلمة لا الا تم وابشر
مطلق : ماشاءالله تخطيطات من دوني بس اقول تم معكم معكم
نواف : يعني اعتمد بكلم اخوياي بعد نيّاف وبدر وبهاج يجون معنا
حمد ومطلق : تم
،،،،،،،،،
' بعرفكم على اصحاب نواف '
نيّاف مغني ويدق عود ودايم بطلعات البر مع العيال هو المطرب حقهم عمره 25 بقرابة نواف تقريباً هو الاقرب لنواف وكان يعرف عن سالفة ندى وانها اخت مطلق وانو نواف يحبها وغيره
اما عن بدر وبهاج اخوان مابينهم الا سنه ومتزوجين ولكن ماعندهم عيال ف كانو عايشين حياتهم طبيعي ويعزون نواف من معزتهم لبعض
بهاج الكبير عمره 30
وبدر عمره 29
على حسب يمكن ماراح يكونون موجودين بالروايه كثير
،،،،،،،،،
مطلق وحمد كانو يجهزون اغراضهم المهمه ولكن تذكر مطلق انه مامر الابل اليوم ولازم يروح دق على نواف
مطلق : نواف اذا خلصت مر على حمد انا بروح للأبل وارجع اجيكم
نواف : تم ...

"""" البارت الخامس عشر """"
-
-
-