سم اللقى صدفه واسميه ميعاد

بس قلبي مايفز لكل عابر ..

اخذ نواف اغراضه ومتوجه لحمد وصل ودق على جوال حمد : ارحب
نواف : تبقى اطلع انا انتظرك برا البيت
حمد : يلا جايك
قفل نواف وهو يتمعن بالبيت وبذات دريشة غرفة الدور الثاني على اليسار وكانه حاس انها غرفت ندى
جاء حمد وكان يسلم ويسالون عن احوال بعض
وتحرك نواف لمكانهم المعتاد الي يسهرون فيه
بس اليوم بيكون في ثنين معهم جدد واللي هم مطلق وحمد
التفت نواف على حمد وقال وش يقول خالد عبدالرحمن ؟
ابتسم حمد يقول
-
لو ابي غيرك ترا حولي كثير
بس قلبي مايفز لكل عابر ..
-
نواف : تفهممم علي الطلاق انك تفهم
حمد : افا عليك ازهلني يالعاشق الولهان
نواف ناظر بعيون حمد وقال والله ماندري من العاشق من بيننا الواضح كلنا مغرمين وضحكو
بدا حمد يتكلم لأنه ارتاح لنواف ويعتبره مطلق
حمد : ماقالو لك ان الحب من طرف يتعب
نواف : حاسين بشعور الا ماقلت لي من المحظوظه الي تحبها
حمد : يوه خلها مستوره
نواف : افا سرك في بير
حمد : والله من سنين وانا احب من طرف والمشكله انها تعيش معي بنفس البيت ومطلق اخوها
انصدم نواف وكان يقول بداخله يارب انها مو ندى يارب انها مو ندى
حمد التفت على نواف : شفيك وين وصلت
نواف : وين وصلت قاعد اسمعك
حمد كمل وقال
والعنود الي جفيت الناس والدنيا بعدها
مدت الفرقا لغاليها وهي تعطي الثمينة
-
استانس نواف من قال العنود فهم عليه انه مايقصد ندى يقصد عنود
دق كتف حمد : الله يجمعكم بالحلال
ابتسم حمد : امين
ورجع حمد يسال نواف الا ماقلت لي من سعيدة الحظ الي تحبها
ابتسم نواف : صديقة امي بس معرف اسمها ماوده يقول ندى يمكن حمد يعلم مطلق وتصير فوضى ف قال كذا لانه مايبي يجهل سؤال حمد
حمد : الله اكبر وش ذا الحب حتى ماتعرف اسمها وضحك
نواف : الحب مو سهل خطاف
-
نيّاف كان يتجهز وطلع جواله يدق على بهاج يشوف وينه هو وبدر وجاهزين ولا باقي
نيّاف : الو بهاج جاهزين امركم ولا باقي
بهاج : اي تعال جاهزين بس نحتريك
يلا جايكم
نيّاف شغل سيارته متوجه لبهاج وبدر
بعد كم دقيقه وصل لهم وطلعو معه للبر على موقع نواف الي مرسل لهم وصلو العيال وجالسين يرتبون الجلسه ويشغلون لمبات من السياره
اخذ نواف جواله يدق على مطلق لأنه طول
مطلق : وينكم يولد ارسلو لي الموقع
نواف : ارسلته لك قبل ودقيت اشوف وين ابي تعجل عشان نطبخ مع بعض
مطلق : قريب قريب
قفل نواف ورجع للعيال وهم يجهزون العزبه وينتظرون مطلق
جلسو وهم يسولفون
نص ساعه بالكثير وصلهم مطلق ابتسمو
و كلهم وقفو يرحبون بمطلق
نزل مطلق وهو مبتسم وراح يسلم عليهم واحد واحد على نيّاف وبهاج وبدر ورجع لنواف وحمد وجلسو يسولفون وخذتهم السوالف
ورجعو يطبخون وسوو قهوه وجلسو وبدأت الفقره المعتاده لنيّاف والمفضله لهم كلهم اطربهم نيّاف يدق لهم عود ويغني وهم يغنون معه اغنية عبدالله السالم
-
من لوعة الحرمان ياناس قاسيت
اساهر نجوم السماء لين تسرين

البارحه في تالي الليل ونيت
ونيت من هم تهيض بصدري
-
عن ندى وعنود الي كانو جالسين بالحوش ويتابعون افلامهم
عنود وقفت الفلم وقالت اقول لك