اللهم صل وسلم على نبينا محمد وعلى آله وصحبه أجمعين ❤️.
.
.
دك جرس الفرصه وخلص الدرس الي ابد مركزت
بي كمت ارجع الكتب للجنطه وطلعت حليب اسمع نفس تصيحني بس اسوي نفسي مشغوله بفتح الحليب اجت كعدت كدامي على الرحله تفرفر رجليها وتاكل جبس
نفس : هسا انتي شبيج ليش متعرفين شتريدين انتي تحبي لولا ليش مكبره الموضوع واذا حبيتي ترا انتي بشر
باوعت الها والقصبه بحلكي اهز رجلي بقلق اخذت نفس عميق باوعت للسما شباكي يجي كدامه منارة جامع وحواليها طيور دائما
وتين :اخاف احس اذا سويت هل شي راح تخرب حياتي
جانت ابد متهتم لحجيي وتعتبر احساسي هذا دراما مع بعدها تاكل وتفرفر برجليها
نفس : هسا عوفينا من احساسج وهاي الحاسه السادسه مالتج،انتي انتي هذا كلبج يحبه لولا
تحجي وتاشر على كلبها كملت كلامها وضلت صافنه بوجهي تنتضر جواب
وتين : مدري بس من اشوفه يرجف كلبي واحس اعرك وما اريد اباوع اله بس منتبه اله وكل تفكيري معاه
جانت كاعده على حافة الرحلة راحت حطت الجيس بالسلة واجت كعدت وحطت رجليها على مقعد الرحله تنفض ايديها من الجبس وتحجي
نفس : يابه لا تكولين احبه احجيلي مواقف حلوه معاهه
قطع كلامها دخول البنات للصف ومعاهم دلال الي كعدت تحجيلهم انها معجبه بواحد يشتغل بالمول وهما يصنفن عليها ومن كل عقلها تبرر الهم
صفنت متنهدة اذكر من بديت احبه او بالأحرى بديت اكتشف انو اني احبه لان حبه بيه من الطفولة ومع ذالك ولا مره بينت هل شي جان يكعد يدرس يم الحديقة ليمهم واني اتحجج للبنات انو اني مريضه ومبيه حيل اللعب واكعد من بعيد اتفرج عليه جنت اروح عدهم واتحجج لأمي انو مافهمت رياضيات حتى اخته تدرسني او اكول لأمي شتاقيت لاعمه نوال جنت واتحجج بالف حجه حتى اشوفه مع اني ما جنت احجي معا ابدا جان اغلب وقته يدرس يا اما يلعب كره او بلاستيشن ومرات لمن اكل عدهم اتعمد اكعد يمه وهوا ينتفلي لحم ويبتسم بوجهي جانت عمتي جثير تحبني واغلب وقتي يمها حتى مرات تكولي جيبيلج ملابس وتعاي اسبحج وتكعد تحنيني بالحديقه بالمكان الي يدرس بيها جان بس يباوع النا ويبتسم،مرت الايام وبديت أكبر ويصير عندي اهتمامات واللتهيت مجنت مخليه أبالي انو اني احبه ولا مره فكرت ليش دايما ادور قربه،كبرت وانشغلت بحياتي روحاتي عندي عمتي قلت بس ابد ما انقطع منها ابد لاني احبها جثير،صارلي تقريبا سنتين ما شايفته بسبب جامعته فديوم خليت أبالي اكص شعري وكلت لأمي كالت معليه بكيفج وابويه ما يهتم بهيج أمور لبست البشت والشال ورحت لعمتي بيتهم مقابيلنه دكيت الباب وهوا فتحلي صفنت بي صارلي هواييي هواييي شايفته متغير شواربه مرتبه ولحيه خفيفه بلون تمري شعره مرتب ملامح حاده رموشه كثييفه عيونه من تضرب بيهم الشمس يبينون عسليات طويل صايره اوصل لبطنه طلعت من صفنتي من حجه يايمه كلبي صوته متغير وصاير خشن يباوعلي باستغراب سالني منتضر اعرف عن نفسي
YOU ARE READING
خطوات متعثرة
ChickLitتوقف بي الزمن في ذالك اليوم يوم قد قُلِبت به حياتي بأكملها كـ الكابوس الذي لم تستطع روحي ان تخرج مِنه قد حُبست بزواية.
