နေ့လည်ထဲက ငါဘာမှစားလို့မဝင်ဘူး ဖြစ်နေတယ်
အခုအလုပ်ဆင်းတဲ့အချိန်ထိကိုနေလို့မကောင်းဘူး
ဖြစ်နေတယ်..။ ဆေးသောက်ထားပေးမယ့်လည်း
မသက်သာသလိုပဲ အခုအပြန် ဆေးခန်းဝင်
ကြည့်ရင် ကောင်းမလား..။ပစ္စည်းတွေသိမ်းနေရင်းပင် မောင့်ဆီကနေ
ဖုန်းခေါ်လာခဲ့တယ်..။ မောင်အောက်မှာ
ရောက်ပြီ ထင်တယ်..။"မောင်ရောက်ပြီနော်.."
" အွန်းလာခဲ့မယ်.."
သိမ်းစရာရှိတဲ့အရာတွေကို ခပ်မြန်မြန်ပင်
သိမ်းပြီးတော့ အောက်ကို ဆင်းလာခဲ့လိုက်သည်..။
မောင်သည် ထုံးစံတိုင်း အနက်ရောင်အဝတ်အစား
ဖြင့် ကားကိုမှီကာ ကားသော့ကို လှည့်ဆော့ရင်း
စောင့်နေသည်..။" မောင် လမ်းမှာဆေးခန်းဝင်ရအောင်
ငါနေလို့သိပ်မကောင်းလို့.."မောင့်လက်တွေသည် ချက်ချင်း နဖူးပေါ်
ရောက်လာပြီ ကိုယ်အပူချိန်အား တိုင်းတာလေသည်..။" ကိုယ်လဲမပူပါဘူး ဘာစားထားသေးလဲ.."
" ဟင့်အင်းမောင် ငါသိပ်ပြီး စားမဝင်ဘူး.."
" သွားမယ် ဆေးခန်းကို.."
ကုမ္ပဏီကနေ ဆေးခန်းကို ကားဖြင့် အမြန်မောင်းလာခဲ့ပြီး
ဘယ်လောက်မျှ မကြာပါ ဆေးခန်းကို ရောက်ရှိလာသည်..။"ဒီမှာနေခဲ့နော်မောင်.."
" ဟင့်အင်းလိုက်မယ်.."
" နေခဲ့ပါမောင်ရယ် ပြီးရင် ပြန်ပြောပါမယ်နော်.."
တကယ်လို့ ရောဂါတွေဘာတွေ ရှိနေခဲ့မယ်ဆိုရင်
မောင့်ကို မသိစေချင်တာကြောင့် နေခဲ့ခိုင်းရတယ်..။
ဒါတောင် ထိုကလေးက ထပ်ငြင်းပြီး လိုက်ချင်သေးသည်..။စစ်ဆေးရမည့် အခန်းထဲရောက်တော့ ဒေါက်တာသည်
လိုအပ်သည့် အရာတွေကို မေးမြန်းနေသည်..။" ထူးခြားတာမျိုးရောရှိလား.."
" ဒီနေ့ နေ့လည်တုန်းက ရုတ်တရက် ပျို့အန်လာတယ်
ပြီးတော့ နေလို့သိပ်မကောင်းပဲ ကိုယ်တွေလက်တွေ
ကိုက်ခဲနေတာ.."ဒေါက်တာသည် အခန်းထဲမှာရှိသည့် ဗီရိုထဲကနေ
ပစ္စည်းတစ်ခုခုကိုယူပြီး ပြန်လာခဲ့သည်..။
ထို့နောက်အဲ့အရာကို ငါ့လက်ထဲထည့်ပေးသည်..။
ထိုအရာက ဆီးစစ်တံပင်..။ ငါကဒါကို ဘာလုပ်ရမှာလဲ..။
YOU ARE READING
Sᴛʀᴀᴡʙᴇʀʀʏ ᴀɴᴅ Cɪɢᴀʀᴇᴛᴛᴇs { COMPLETED}
Fanfiction" ဝေးဝေးသွားစမ်း cigarettes နံ့တွေ မွှန်ထူနေတာပဲ " / Fourth Nattawat / " ခင်ဗျားရဲ့ စတော်ဘယ်ရီအရသာ နှုတ်ခမ်းလေးကို သဘောကျတယ် " / Gemini Norawit/